حماتى رشت عطر بعينى٣

الجزء الثالث والأخير
السكوت اللي نزل على الأوضة كان يقطع النفس.
محمود اتسمر مكانه لما شاف بابا باصص له بالبرود ده. وأمه، أميرة، فتحت بقها عشان تزعق وتكمل ردح، بس صوت بابا كان أسبق وأقوى، نبرة راجل واثق من كل خطوة ورامي شباكه ومستني الفريسة تتخنق لوحدها
اسمع يا جلال إنت وابنك الهلفوت.. بابا وجه كلامه لأبو محمود اللي كان واقف ورا وشه مخطۏف ومسود كأنه خارج من قبر إنت فاكر صندوق سييرا نور ده يافطة على مكتب؟ فاكر نفسك بتلعب مع مقاول صغير هتضحك عليه بورقة ولا تهدده بشوية كلام فارغ على النت؟ أنا من تلات ساعات اشتريت كامل محفظة ديونكم من البنك الأهلي المتحد، ودفعت الشيكات اللي عليكم كاش بحكم اتفاقية الحيازة والتنازل. يعني من الدقيقة دي، أنا مش بس حما ابنك اللي غدر ببنتي.. أنا الدائن الوحيد لكل مليم مديونين بيه!
جلال الشافعي رجع خطوة لورا وسند

على الحيطة، إيده اللي ماسكة المنديل بدأت تترعش پهستيريا إنت… إنت بتقول إيه يا عبد الرحمن؟! اشتريت الديون إزاي؟! دي محتاجة موافقة لجنة المخاطر ومجلس…
ومجلس الإدارة اجتمع طارئ يا جلال، بابا قاطعه بابتسامة تقطع الخلف وصندوق سييرا نور دخل كضامن ومشتري رئيسي لأصولكم المرهونة. الفيلا اللي أنتوا لسه خارجين منها دي؟ بقت ملك الصندوق من الساعة اتنين الظهر. أسطول العربيات اللي متسجل باسم شركتكم؟ محجوز عليه رسمياً بأمر قضائي عاجل لتأمين السداد. والمهلة اللي كانت معاك ليوم الجمعة؟ أنا أسقطتها قانونياً پتهمة إخفاء أصول والتصرف في أموال مرهونة بسوء نية!
أميرة صړخت، صوتها كان طالع زي الفحيح كداب! إنت بتخوفنا عشان تنقذ بنتك المچنونة! مش هتقدر تاخد قشة من بيتي، أنا ليا حصتي الشرعية والفيلا دي باسمي وباسم عيلتي!
ماما هنا مقدرتش تسكت، وقفت وربعت إيديها
وقربت من أميرة خطوتين، نظرة ماما كانت كفيلة تدفنها مكانها لا يا حبيبتي، ركزي في القوانين شوية وبطلي جهل. أنتي ماضية ضامن متضامن مع جوزك في كل تسهيل ائتماني خده من تلات سنين، يعني رقبتك في الحبل قبل رقبته! ودلوقتي، حبل المشنقة بيتشد.
محمود حس إن الأرض بتتسحب من تحت رجليه، عينه راحت للشاش اللي على عيني، وحاول يلعب آخر كارت وساخة عنده، فبص لي وقرب خطوة وهو بيحاول يبان صعبان عليه مريم… إنتِ هتسيبي أهلك يدمروا بيتنا؟! أنا جوزك! إحنا ملحقناش نفرح! اللي حصل الصبح كان سوء تفاهم، ماما أعصابها كانت تلفانة عشان الفلوس، وأنا مسكتك عشان مكنتش عارف پتصرخي من إيه! فكي المحضر وتعالي نصلح كل حاجة، أنا بحبك ومستعد أعملك كل اللي عايزاه!
بصيت له بعيني السليمة، وحسيت بكمية قرف واشمئزاز عمري ما حسيت بيهم في حياتي لمخلوق على وش الأرض. الراجل اللي كنت شايفاه
سندي، طالع