كنت متجوز في السر
عارفين.. راح مكتب المحاماة.. سأل عليا.. قالوا له الاستشارية الخارجية بطلت تيجي.
وبعد شهر.. لقيت رسالة جايالي على الإيميل بتاعي القديم اللي هو ميعرفوش اني لسه بفتحه.. رسالة منه أنا عارف انك شوفتي كل حاجة.. أنا آسف.. الست دي كانت نزوة.. وأنا غلطت.. وحملت مني.. وأنا كنت هقول لك والله.. بس كنت خايف تسيبيني.. أنا مقدرش أعيش من غيرك.. انتي اللي وقفتي جنبي لحد ما بقيت شريك.. انتي اللي عملتيني.. ارجعي وأنا هسيبها.. هديها فلوس وتسقط اللي في بطنها ونبدأ من جديد.. أنا طلقتك غيابي عشان كنت فاكرك هترجعي.. بس انتي مضيتي ورق الطلاق وبعتيه.. أرجعي.
ضحكت.. ضحكة من قلبي بجد.. بعد 3 سنين وهو مخبيني.. دلوقتي عايز يرجعني ويقول للست التانية تسقط اللي في بطنها.. زي ما كان مخبيني أنا. مرديتش.
وبعدها بأسبوع.. حفلة البيبي اتعملت.. شفت صورها عند واحدة زميلته في المكتب كانت لسه عندي على الإنستجرام.. هو واقف جنبها وحاطط إيده على بطنها ومبتسم نفس الابتسامة بتاعة المحكمة اللي كان بيضحكها ليا.. وهي لابسة فستان أبيض كأنه فستان فرح. ساعتها قررت ان ده الوقت المناسب. بعت الفلاشة.. نسخة لمجلس تأديب المحامين.. ونسخة للعميل التقيل اللي هو بيسرقه.. ونسخة ليها هي.. الست الحامل.. ومع كل نسخة جواب صغير. الجواب اللي لمجلس التأديب كان فيه المحامي ده بيحول فلوس عملاءه لحسابه الخاص وحساب واحدة ست تانية.. وده دليل التحويلات.. وتقدروا تراجعوا حسابه البنكي. الجواب اللي للعميل كان فيه المحامي بتاعك بيسرقك بقاله سنة ونص.. ودي التحويلات اللي بتثبت كده.. راجع حساباتك. والجواب اللي ليها هي كان فيه مبروك البيبي.. بس جوزك كان متجوزني أنا في السر 3 سنين.. وكان مخبيني.. زي ما هيخبيكي انتي كمان لما يزهق منك.. ولو مش مصدقة.. ده قسيمة جوازي أنا وهو.. وده ورق الطلاق اللي مضيته يوم ما عرفت انك حامل.. ودي صور التحويلات اللي هو بيسرقها عشان يصرف عليكي.. خدي بالك.. اللي يسرق عميله.. ممكن يسرق مراته ويسرق ابنه.
تاني يوم الصبح.. تليفوني اللي كنت قفلاه 3 شهور.. فتحته.. لقيت 47 مكالمة فايته.. منه هو.. ومن أرقام غريبة.. ومن مكتب المحاماة.. ومن أخته. فتحت الواتساب.. لقيت رسالة من زميلته في المكتب انتي عملتي ايه؟.. الدنيا مقلوبة هنا.. العميل سحب القضية بتاعته اللي بملايين.. ومجلس التأديب وقفه عن الشغل 6 شهور لحد ما يحققوا.. ومراته الحامل سابته في حفلة البيبي ومشيت وهي بتعيط وبتقول انه كداب وحرامي.. وهو قاعد في مكتبه بيكسر في كل حاجة وبيدور عليكي. مرديتش برضه.
وبعدها بساعة.. لقيت رسالة منه هو انتي دمرتيني.. دمرتي شغلي وسمعتي وبيتي.. كنتي عايزة ايه؟.. فلوس؟.. كنت هديكي فلوس.. ليه تعملي كده؟.. أنا كنت بحبك والله.. بس انتي انتقامية.. انتي ست مش سهلة. رديت عليه لأول مرة من 3 شهور.. وقلت له أنا مش انتقامية.. أنا محاسبة.. وانت نسيت ان المحاسبة شغلتها انها تكشف الغلط.. وانت كنت الغلط كله.. وآه.. أنا دمرتك.. زي ما انت دمرتني 3 سنين وأنا مستخبية ولابسة دبلتي في سلسلة.. وبتقول عليا المساعدة بتاعتك. فاكر لما قلت لي متعمليش فضيحة؟.. أنا معملتش فضيحة.. أنا بس وريت الناس الحقيقة.. الحقيقة اللي انت كنت مخبيها.. ولو ده تدمير.. يبقى انت اللي بدأت.
وبعدين عملت له بلوك. بعدها بشهر.. عرفت ان الست الحامل ولدت.. ومرجعتش له.. ورفعت عليه قضية نسب ومصاريف.. وعرفت ان العميل رفع عليه قضية سرقة واختلاس.. وعرفت انه اتشال من الشراكة في المكتب وبقى محامي صغير تاني بياخد قضايا صغيرة بملاليم.
وأنا؟.. أنا رجعت فتحت مكتبي الخاص.. مكتب محاسبة قانونية باسمي أنا.. وعلقت على الحيطة أول قسيمة جواز ليا.. وأول ورقة طلاق.. وكتبت تحتهم جملة الست اللي تستحمل تبقى في السر 3 سنين.. تقدر تخلي اللي خباها يبقى هو اللي في السر طول عمره. ومن ساعتها.. أي ست بتيجي لي المكتب تقول لي جوزي مخبيني.. أو جوزي بيضحك عليا.. أو جوزي بيقول عليا مساعدة.. بقول لها.. شيلي الدبلة من السلسلة.. والبسيها في إيدك.. واللي يتكسف منك قدام الناس.. متتكسفيش تفضحيه قدام الدنيا كلها.
بس الحكاية موقفتش عند البلوك.. وده اللي ناس كتير فاكراه انه النهاية.. انها انتقمت وخلاص.. لا.. الانتقام الحقيقي لسه مجاش. بعد ما عملت له بلوك وفتحت مكتبي.. كنت فاكرة اني خلاص قفلت الصفحة.. بس بعدها بأسبوعين.. جالي جواب على المكتب.. جواب رسمي من المحكمة.. مكتوب فيه انه رافع عليا قضية.. قضية تشهير وابتزاز.. وبيقول اني زورت الورق والتحويلات عشان أدمره عشان طلقني.
ضحكت.. أول مرة أشوف حرامي بيرفع قضية على اللي كشفه وبيقول عليه هو اللي حرامي. رحت للمحامية بتاعتي.. ووريتها الجواب.. قالت لي متقلقيش.. الورق اللي معاكي سليم 100.. وتحويلاته كلها متسجلة في البنك باسمه.. وهو كده بيحفر قبره بإيده.. لانه لو دخلنا محكمة.. هنطلب كشف حساب رسمي من البنك.. والبنك هيطلع كل حاجة.. وهو اللي هيتسجن مش انتي. قلت لها أنا عارفة.. بس أنا مش عايزة أدخل محاكم تاني معاه.. أنا زهقت محاكم.. أنا كنت متجوزة محامي وكل يومنا كان محاكم. قالت لي يبقى نعمل ايه؟ قلت لها نسيبه يرفع القضية.. ونروح أول جلسة.. وهناك..
