أخوه جوزى٣

خرجت السكرتيرة والاوفيس بوى من المكتب إينور: ممكن اعرف ايه اللى حصل ده موسى: وانا مالى منا زيك متفاجئ إينور: انت عارف هيقولوا عليا ايه هيقولوا انى جايه اعرض نفسى عليك محدش يعرف انى مراتك موسى: بخبث. ماتخافيش محدش هيتكلم انا صاحب الشركات دى واى حد هيتكلم عارف مصيره ايه إينور: هيخافوا منك انت لكن انا هيبوصولى بنظرات وحشه انا مش هستحملها 😭😭😭 موسى: فى حل للمشكلة دى إينور: ايه هو بقى هتجيبهم تمسحلهم الزاكره موسى: اللى يكلمك قوليلوا انك مراتى إينور: وهيصدقونى طبعا اول ما اقولهم كده صح . هيفتكرونى بكدب عليهم وانا اصلا مش عايزه أعلن جوازنا موسى: انتى حره انا عن نفسي محدش يقدر يبصلى سبته وخرجت من المكتب لقت السكرتيرة قدامها السكرتيرة: هى مش الخلوه برضو حرام يا منقبه 😏 إينور: انتى فاهمه غلط السكرتيرة:لا اشكالك عرفاهم صح اتفضلى بقى شوفى رايحه فين عشان عندى شغل إينور حست ان الكلام معاها مافيهوش فايده فسبتها ومشيت ودخلت الحمام تعيط إينور لنفسها: انا حتى لو مشيت بميكريفون وقلتلهم انى مراته هيقولوا عليا مجنونه يا رب اعمل ايه استاذنت اينور وروحت لأنها مكنتش قادرة تكمل اليوم في الشغل طلعت اوضتها وفضلت تعيط ودخلت عليها مامتها ام اينور: مالك يا حبيبتي بتعيطى ليه إينور: مافيش حاجه يا ماما ام اينور: كده مش هتحكيلى لو محاكتليش انا هتحكى لمين اينور : حكت لمامتها كل حاجه ام اينور: طيب ليه معرفتيهاش انك مراته اينور : محدش هيصدقنى وغير كده اتفاقنا ان مافيش حد يعرف ام اينور: بس الكلام ده غلط الجواز إشهار وإعلان يا بنتى وانتى كده بتثيرى حولك الشبهات والرسول أمرنا اننا نتجنب الشبهات يعنى ماينفعش مثلا بنت تلبس ضيق وتخرج مع ولاد وتقولك مش بعمل حاجه غلط يبقى خلاص محدش له دعوه . لان فى الحالة دى هى بتثير حولها الشبهات وبرضه ماينفعش زوجه او خطيبه عشان تخلى جوزها او خطيبها يغير تحسسه انها على علاقه بحد تانى ولما يشك تزعل هى كده بتثير الشبهات ربنا قال ايه فى كتابه الكريم "وتحسبونه هينا وهو عند الله عظيم " صدق الله العظيم و الرسول عليه الصلاة والسلام قال ايه " «إن الحلال بيِّن وإن الحرام بين، وبينهما أمور مُشْتَبِهَاتٌ لا يعلمهن كثير من الناس، فمن اتقى الشُّبُهات فقد اسْتَبْرَأ لدينه وعرضه، ومن وقع في الشبهات وقع في الحرام، كالراعي يرعى حول الحِمى يوشك أن يَرْتَع فيه، ألا وإن لكل مَلِك حِمى، ألا وإن حِمى الله محارمه، ألا وإن في الجسد مُضغة إذا صلحت صلح الجسد كله وإذا فسدت فسد الجسد كله ألا وهي القلب» وعدم معرفة الناس بجوازكم انتوا كده بتعرضوا نفسكم للشبهات إينور: طيب ومراته يا ماما هتقول عليا ايه باخده منها ام اينور: بصى يا بنتى الله اعلم باللى بينهم بس هى وافقت انه يتجوز عليها أيا كان السبب اللى خلاها توافق فهى وافقت ومعترضتش والواضح منها ومن كلامها انها مش سهله انا مش عايزه اخوض في سيره الناس الله اعلم باللى فى القلوب كل ده كان سمعه موسى من خلال السماعات اللى حاطتها واتبسط من كلام مامت اينور مع بنتها واتاكد انهم فعلا مش بيمثلوا التدين وانهم متدينين وبينه وبين نفسه قرر انه فعلا لازم تكون دى ام ولاده لان هى دى التربية اللى هو نفسه يربيها لولاده خلص يوم العمل بدون احداث جديده وموسى محاولش يبرر اى حاجه وهو عارف ومتأكد أن السكرتيرة والاوفيس بوى مش هيسكتوا على اللى شافوا موسى لنفسه: انا لو حاولت اقنعها اننا نعلن جوازنا عمرها مكانت هتوافق غير بالطريقة دى وانا هسيبك يا إينور لحد مانتى بنفسك تطلبى منى ده 😉 وصل موسى القصر وبقى يتعامل مع الكل بشكل طبيعي حتى منه كان بيهتم بيها وبيضحك ويهزر معاها وقاصد يتجاهل اينور نهائيا هو عارف ومتأكد ان فى مشاعر من ناحيت اينور اتجاهه بس هى نفسها مش عارفاها ولا فهمها لازم اسبها لحد ما تعرف مشاعرها لوحدها موسى: بقولك يا ماما جهزى ملك عشان هاخدها وأخرجها انا ومنه منه : ايه ده بجد هتخرجنى فين موسى: نتعشى بره ونودى ملوكه كيدز ايريا تلعب فيها شويه ومجبلها احلى هديه تختارها ام موسى: طيب ماتاخد مامتها معاك عشان متعيطش منكم موسى : براحتها لو عايزه تيجى تيجى انا مش معارض منه : بصت لاينور بقرف وقالت بصوت وصل لاينور . طبعا ماهتصدق توافق عشان تلزق فيه سمع موسى همسها بس مابداش اى رد فعل سايب إينور تجيب اخرها إينور: لا شكرا يا طنط اكيد عمها هيخاف عليها انا عمرى ماقلق عليها وهى معاه اتبسطوا بوقتكم اخدت ملك ولبستها وجهزتها عشان تخرج معاهم موسى اخدهم وداهم مطعم واكل ملك وسابها تلعب فى الكيدز ايريا وهو باصص عليها وكلم منه من غير مايبصلها موسى : عارفه يا منه انا عدتلك مواقف اد ايه معايا منه : هو انا عملت حاجه موسى: لما تحاولى انك تطلعينى وحش وبتاع مصلحتى ده اسميه ايه لما تكدبى عليا وتقوليلى دى مشهوهه لما اقولك تجنبى المشاكل معاها والاقيكى بتسعى ليها ده ايه بصى يا منه انا متكلمتش معاكى اول عشان انا مقدر لغيرتك إنما مخالفتك لكلامى واللى عملتيه ليه عقوبه انا عمرى طبعا ما امد ايدى على واحده أيا كان السبب لانى راجل بس وعدى ليكى انى معتبرهاش زوجه كان متوقف على سمعانك كلامى واللى انتى عملتيه هيخلينى اقرب منها واعتبرها زوجه انا من حقى يكون عندى طفل من صلبى واجلا او عاجلاً انتى كنتى عارفه إن ده هيحصل الإمبراطورية بتاعتى دى لما اموت مين هيورثها منه : .... موسى: انا حتى ماعنديش اخ يورثنى ولا ابن اخ اعتمد عليه ويشيل معايا في المستقبل انا كنت ماجل الخطوه دى عشان مشاعرك وانتى كنتى على علم بكده انى مكنش فارق معايا . اول جوازنا كنت معتمد ان اخويا يتجوز ويخلف هو وقلت لنفسي ولاده هما ولادى ولحد فتره قريبه مكنش فارق معايا لكن موت اخويا فوقنى كنت بحاول اشيل الفكره من راسى بس معرفتش . ملك دى محتاجه اخ وسند ليها ووعد منى يا منه لو معملتيش مشاكل وسبتى كل حاجه تمشى بظروفها صدقيني هيكون ليكى الأولوية في حياتى وكل طلباتك مجابه وهكتبلك مصنع من المصانع باسمك ولو حابه تديريه انتى بنفسك مافيش مشكله وهنسى كل اللى عملتيه وقولتيه هعتبره غيره ستات لكن لو هتعملى مشاكل وهتعارضى صدقيني كل وعودى ليكى اعتبريها لم تكن وكده كده هعمل اللى فى دماغى موسى: ها قولتى ايه يا منه منه : تمام يا موسى موافقه بس تكتبلى مصنع التعبئة اللى فى العاشر موسى: اعتبريه بقى بتاعك خد موسى منه وخرج جابلها طقم كوليه دهب هديه وجاب لملك اسوره صغيره هديه واخدها بعد كده جبلها لعب وايس كريم وروحوا كان الوقت متاخر والكل كان نام دخل القصر وكانت إينور قاعده قلقانه فى الكرسى اللى قدام الباب دخل موسى كان شايل ملك ومنه ماشيه جنبه اول مادخل إينور جريت عليهم عشان تاخد بنتها لكن موسى فضل ماسكها موسى : انا هطلعها اوضتها منه : وانا كمان هطلع انام لحسن انا مرهقه جدا ميرسى يا حبيبي على يوم انهارده وسابتهم وطلعت موسى دخل منه وحطها على السرير بتاع غرفتها وكانت إينور واقفه وراه وهو بيتحرك ببطء منتظر انها تكلمه بس هى ماتكلمتش وهو سابها وخرج بدون مايكلمها تانى يوم الصبح وصلت الشغل والكل كان بيتعامل معاها باسلوب مش حلو حتى زمايلها فى المكتب ولما بتطلب حاجه من الكافتيريا محدش بيجبهالها وبيتجاهلوها نهائى طلعت إينور مكتب موسى لقت السكرتيرة اينور : لو سمحت عايزه اقابل موسى السكرتيرة: موسى كده حاف ليكى حق طبعا إينور: اتكلمى عدل عايزه ادخله السكرتيره : استنى استاذنه اينور : حد عنده جوه السكرتيرة: لا راحت اينور تجاهلتها ودخلت عند موسى المكتب والسكرتيره بتنادى عليها وهى متجاهلاها إينور: موسى لو سمحت عايزه اكلمك ضرورى موسى شاور للسكرتيره انها تمشى اينور : أنا........ ياترا إينور قررت ايه وهل منه هتسكت ولا هتحاول تثير مشاكل تانى بعد ماتاخد اللى هى عايزاه بحبكم نجماتى ومبسوطه اوى بالتفاعل بتاعكم اللى بيزيد وبكلامكم الحلو يارب اى حد بيدعيلى دعوه حلوه تكون ليه بالمثل♥️♥️♥️ اه حاجه تانيه قبل ما انسى اسم صفحتى على الفيس بوك قصص وروايات أمانى سيد ياريت لو نعمل متابعه فضلا يا نجوم ♥️♥️ دخلت اينور على موسى المكتب موسى : خير يا مدام إينور بعياط : مش خير حاول تتصرف موسى : فى حاجة حصلت ولا ايه إينور: ايوه كل الموظفين بيبصولى باحتقار موسى: مش انتى اللى مش عايزانا ناخد اى خطوه فى علاقتنا وعجبك الوضع ده وبقينا مصدر للشبهات إينور: طيب خلاص انا موافقه موسى: على ايه إينور: اننا نعرفهم اننا متجوزين موسى: بس كده إينور: هو في حاجه تانيه موسى: بصى يا اينور انتى مراتى عارفه يعنى ايه يعنى لازم تتعاملى من المنطلق ده وانا هعدل بينك انتى ومنه إينور: وهى منه هتتقبل الوضع موسى: هى تقبلته من زمان انتى اللى مش متقلله إينور: خلاص موافقه موسى: طيب روحى دلوقتي ادخلى الحمام اغسلى وشك وبطلى عياط وتعالى واى كلام هقوله قدام الموظفين تاكدي عليه متراجعنيش فيه إينور: طيب انت هتقولهم ايه موسى: واثقه فيا إينور: يبقى اسمعى الكلام وانتى ساكته يلا ادخلى اغسلى وسك وتعالى مستنيكى واتصل بالسكرتيره قالها تجمع كل الموجودين في الشركه خلال خمس دقايق يكونوا موجودين فى الاستراحة وفعلا خلال خمس دقايق كان الكل متجمع السكرتيره اتصلت بيه : الكل منتظر حضرتك موسى : روحى استنى معاهم وبص لاينور و مدلها ايده وهى مسكتها بتردد وبرعشه وهو حس بخوفها فضغط على كفها يطمنها دخل من باب الاستراحه وهو ماسك ايدها والكل بيبصلهم باستغراب وكل واحد من الموظفين في دماغه الف سؤال منهم اللى بيقول ايه البجاحه دى ومنهم اللى بيقول يمكن اخته ويمكن اللى بيقول بيصلحوا غلط لحد ما موسى اتكلم موسى : صباح الخير ده اولا ثانيا انا من زمان انا وعيلتى بنمنع عننا الاعلام او اى أخبار عشان حياتنا متنكش مشاع للجميع الكل او عدد قليل منكم كان يعرف ان محمود اخويا الله يرحمه كان متجوز ومش بس كده وعنده بنت وكانت مراته بتشتغل معاه وكانت حابه تاخد السلم من اوله بدون اى واسطه او الناس تتعامل معاها بتحفظ عشان تبقى مرات المدير ولما توفى محمود من فتره والعده خلصت انا اتجوزتها والمفروض انها هتستلم اداره الشركه هنا وتبقى المديره التنفيذيه بس التأخير حصل بسبب شويه اجراءات وقوانين حكومية وحاليا هى هتكون مكان محمود الله يرحمه وتستلم نصيبها طبعا كلكم بقى عندكم فضول تعرفوا هى مين زق موسى اينور خطوه بسيطه لقدام وحط ايده خلف ضهرها اعرفم مدام اينور مراتى والمديره التنفيذيه للشركة موسى: اى كلام حصل او اتقال انا مش هقبل بيه واى موظف خاض فى عرض موظف غيره بدون دليل ده هيتعاقب عليه ربنا سبحانه وتعالى قال بسم الله الرحمن الرحيم «إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ» صدق الله العظيم وانتوا خضتوا فى حق مراتى وهيكون في جذا على كل الناس اللى شغاله فى الشركه هنا اولا لانكم سبتم شغلكم وفضلتوا تتكلموا في اشاعات ونسيتوا ان الانسانه اللى بتخوضوا فى سيرتها دى معاكم بقالها سنتين ماشفتوش منها غير كل احترام وتواضع وعلى الرغم من انها زوجه صاحب الشركه الا ان عمرها ماتعملت بتعالى مع اى حد فيكوا وانا بنفسي هحقق وأعرف مين اللى سرب الكلام ده واللى سربه مش هيكون ليه وجود وسطينا انا خلصت كلامى تقدروا تتفضلوا على مكاتبكم ورجع مسك ايد اينور قدامهم ومشى بيها وطلع بيها المكتب مره تانيه إينور: ممكن تلغى الجذا اللى هما اخدوه موسى: لا طبعا عشان يفكروا الف مره قبل مايجيبوا سيره اى حد تانى ولو اللى حصل ده كان لواحده غيرك كنت هعمل كده برضه الحق احق ان يتبع إينور: طيب بلاش تقطع عيش حد موسى: اللى فتن مره يفتن عشره وممكن يبيعك او جتله الفرصة إينور: حرام قطع الع موسى: إينور ده كلام وانتهى الموضوع فيه ماينفعش نتهاون في حاجه زى كده إينور: اه صحيح ايه اللى انت قلته ده وشركة ايه اللى انا هديرها موسى: نصيب محمود وورثك اوعى تكونى فاكره انى متجوزك عشان اكل عليكى نصيبك انتى وبنت اخويا انا كل الفتره اللى فاتت كنت بخلص مع المحامى الإجراءات الاول كنت هديكى نصيبك فلوس لكن بعد كده قلت انا محتاج حد يدير الفرع هنا فقلت تستلمى نصيبك انتى وبنتك تديريه وتكبرىيه واكيد هتكونى حريصة على فلوسك انتى وبنتك انما الفلوس قيمتها هتقل وممكن تتصرف إينور: طيب ليه الاول ماعرضنش عليه كده موسى: مكنتش اعرفك اثق فيكى ازاى إينور: ودلوقتي موسى قرب منها ورفع النقاب موسى: بعد ما شيلتك اسمى وعايزك مراتى قولا وفعلا وعرفت الناس ولسه هعرف الباقى تفتكرى ايه إينور بصت للأرض بخجل ومعرفتش ترد موسى: ها ردى عليا إينور: طيب بص ايه رايك نعمل فتره خطوبه بينى انا وانت نتعرف على بعض اكتر انا حاسه اني خايفه وتايهه حسه انى باخد حاجه مش من حقى موسى: لا يا اينور بلاش تحسى بالذنب لانك لا سعيتى للجواز منى ولا انا سعيت للجواز منك دى كانت وصيه من اخويا وكان لازم انفذها لانى اولى بلحم اخويا وبنته انا الاولى بتربيتها الاول كنت متضايق وكنت مغصوب لكن بعدها كنت مركز معاكى ومع تصرفاتك بقت تشدني وكنت عايز اشوفك باى شكل انا مش خاين لانك مراتى وانتى حلالى يجوزلى اللى اكتر من النظره انا ببص لحاجة ملكى ولما شفتك ذاد اعجابى بيكى وقلت ليه مانديش لنفسنا فرصه ومنه انا عمرى ما هاجى عليها وهعدل بينكم ومش هحسس اى واحده منكم انها رقم اتنين في حياتى وانا مش بتاع كلام يا اينور لانى راجل عملى اينور بصتله بخجل وقالتله موافقه موسى: خلاص تمام اعملى حسابك انهارده هاخد مشوار انتى وملك إينور: مشوار ايه موسى: انا راجل عادل جبت هديه لمراتى الاولى امبارح وخرجتها لازم التانيه يكونلها خروجه وهدية هى كمان إينور : ☺️🤭🤭 تمام ماشى يلا خرجت اينور مع موسى واشترى ليها هديه زى منه بس اينور خبتها عشان منه متضايقش وتاخد موقف منها زيادة كانت خايفه تجرح مشاعرها وموسى اخد باله ومن داخله قدر الموقف اللى هى عملته عكس منه اللى كانت ماشيه امبارح ومتعمده توريها الهديه اللى جبهالها ولبستها انهارده عشان اكيد تعرفها لما وصولوا القصر جمع موسى اينور ومنه مع بعض في المكتب موسى: بصوا انا حبيت اننا نتكلم احنا التلاته انهارده مع بعض عشان فى المستقبل مايحصلش اى مشاكل وخصوصا بينكم انتوا الاتنين بصى يا منه انا واينور مكناش مخطتين اننا نتجوز او نتعرف على بعض من الأساس بس ده نصيب وواقع لازم نرضى بيه بالنسبة ليكى انتى واينور انا مش هقصر مع حد فيكوا نهائى والاسبوع هيتقسم عليكوا انتوا الاتنين منه : طيب الاسبوع سبع ايام يعنى فى يوم زيادة في الاسبوع واعتقد عشان انا الأولى فمن حقى اليوم ده ولا ايه قبل موسى مايتكلم ردت اينور اينور بابتسامه : اكيد طبعا هيبقى ليكى انتى اللى فى القلب طبعا منه بصتلها وببسمه مستفزه اكيد احنا واخدين بعض عن حب بس الظاهر ان موسى محكتش ليكى حاجه اكيد لما تقعدوا مع بعض هيحكيلك عنى معلش سمحينى يا اينور مش قاصده حاجه من كلامى بس الجواز عن حب اكيد بيختلف عن الجواز بالغصب اللى بوصيه وانا مش زعلانه نهائى عشان عارفه مكانتى عنده ايه موسى رفض يحرج منه قدام اينور بس برضه رفض انها تزود فى الكلام عشان متحرجهاش موسى : كل شئ فى الاخر نصيب يا منه وانهارده هيكون يوم اينور بما إن امبارح كان يومك يلا بينا وطلع موسى مع اينور الاوضه ولما دخلوا موسى شد النقاب والطرحه من على اينور وفك شعرها وكان سايب ورا ضهرها موسى : طول محنا لوحدنا عايز اشوف شعرك كده اوعى تلبسى النقاب او تحطى حاجه على شعرك وانتى معايا اينور : موسى ممكن الاول نتكلم مع بعض وناخد وقتنا موسى : ....... يتبع انا بنفذ وعدى معاكوا كل اما التفاعل بيزيد بنزل بشكل اسرع اهو دخل موسى واينور غرفة موسى إينور : موسى بليز انا مش مستعده انهارده موسى: انهارده تعالى نتكلم بس ونتعرف عن بعض اكتر ايه رايك إينور: موافقه انت عندك كام سنه موسى: بصى يا ستى انا موسى مهران عندى ٣٢ سنه ماسك شغل بابا من وانا عندي ٢٠ سنه. يعنى بقالى ١٢ سنه رجل اعمال مكناش طبعا بالغنا ده بابا كان عنده مصنع واحد وشركة واحده انما دلوقتي عندنا فى اكتر من دوله شركات ومصانع إينور: واتعرفت على منه ازاى موسى: باباها كان زميل بابا فى الدراسة بس هو لواء سابق حاليا كان عنده علاقات كتير وبيساعدنا فى عمل التراخيص عزمناه مره عندنا وقابلت بنته عجبتنى او انسانه عمليه وكانت شغاله معايا في الاول وبعد الجواز اكتفت بالبيت فطبعا اتقدمتلها واتجوزنا بس كان فى بينا فتره تعارف وارتباط واكيد جوايا مشاعر حلوه ليها وفى عشره بينا وانتى بقى عايز اسمع منك إينور: انا اينور عندى ٢٥ سنه اتخرجت من كليه تجاره وعندى اخ مسافر بقاله كتير اوى منعرفش عنه حاجه حاولنا نوصله وعمالنا كل حاجه نقدر عليها لكن للاسف مقدرناش نوصله ومعرفتى باخوك انت تعرفها طبعا حياتى فاضيه معنديش صحاب غير ماما بابا وانا صغيره كان بيخاف عليا اوى ومكنش بيخلينى ازور حد او اصاحب حد مكنش عنده ثقه فى حد نهائي عشان كده طلعت وحيده ومعنديش تجارب موسى: سافرتى قبل كده اينور : لأ طبعا موسى: طيب حلو اوى عشان اول تجربه للسفر تكون معايا #......#..... فى الجهه الاخرى كانت منه بتتكلم في التليفون مع ابوها منه : اه يا بابا هيعلن خلاص جوازه منها وده امر واقع محسن : وانتى بقى هتستفادى ايه افرضى خلفتله عيل هتطلعى انتى من المولد بلا حمص منه: عيب عليك خليته يكتبلى مصنع العاشر والاسبوع الجاى هيتسجل باسمى محسن: طيب وشكلك قدام الناس مافكرتيش فيه منه : ضحكت بعلو صوتها . اهو الناس اللى انت شايل همهم دول هما اللى هيتوسطوا عندك وعندى عشان نشغل ولادهم مايتجوز هى او غيرها مافرقتش بالعكس انا لما حسبتها لقتها هى افضل من غيرها محسن: ازاى يا ناصحه منه : بص يا سيدي اولا غلبانه لا بتهش ولا بتنش ومعندهاش ثقه فى نفسها ثانيا: هتبقى شايفه نفسها طول الوقت مفروضه عليه بسبب الوصيه تالت حاجه ودى اهم حاجه لو كنت منعته عنها كانت هتبقى بالنسباله كده زى التفاح الممنوع وهتفضل شغله باله زى الطفل اللى هيموت عشان ياخد لعبه ومجرد ما يمتلكها هايرميها لو كنت انا عندته كان هيفضل تفكيره وحياته كلها تدور حواليها انما دلوقتي خلاص بقت متاحه بالنسباله هيفرح بيها شويه منكرش ده لكن مسيره يزهق شهر بقى اتنين الله اعلم محسن: طيب لو خلف منها منه : منا مش بخلف وكده كده اهله كانوا هيحشروا نفسهم فى الورث محسن: هو انا كنت بخلصك من اخوه ليه مش عشان يبقى كله بتاعك فى الاخر منه : مقلتلكش تعمل كده وكذا مره قلتلك ابعد عن الموضوع ده لكن انت اللى كنت مصمم ورحت نفذت من ورايا انا محمود بريئه من دمه كده كده موسى هيدينى اللى انا عايزاه عشان يشيل ذنب ميله للبت دى وحتى لو مش هى او غيرها كان برضو هيعمل كده عشان يعوضنى وبعدين ماتفتحش الكلام في الموضوع ده تانى التالته تابته بقى محسن: وانا مش هينوبنى من الحب جانب طيب منه : بابا هى الملايين اللى كنت بتاخدها عموله منهم عشان تخلصلهم شرا الأراضي والتراخيض مشبعتكش محسن: البحر يحب الزياده منه : حاضر حاضر بس مش دلوقتي انا لسه مافيش سيولة كبيره معايا محسن: ماشى يا بنت ابوكى طيب ماتخلينى ادير معاكى المصنع ده منه : بفكر فى كده بس انت هتمسك ايه محسن: اى حاجه في الإدارة اهو اشغل نفسي بدل قاعده البيت منه : خلاص ماشى اول ماستلمه رسمى بس #........#.....#.......... عند مهران ومامت موسى مهران: ايه رايك في ام ملك ام موسى: متدينه واخلاقها عاليه وفوق ده كله مش طمعانه في حاجه وامها غلبانه كل همها تطمن على بنتها مهران : تعرفى ان ابنك خلاص هيتمم جوازه منها ويشهره ام موسى: بجد صحيح مهران: اه صحيح بس خدى بالك الفتره الجايه من كل اللى حواليكى وخصوصاً منه ام موسى: هى متعرفش مهران: لا ابنك رضاها عشان توافق وتسيبه في حاله بس فى حاجة بلاش منه تعرفها ام موسى: ايه هى مهران: موسى سجل الشركه اللى كان بيدرها محمود باسم اينور وبنتها وانا وهو اتنازلنا عن نصيبنا فيها لاينور وبنتها ام موسى: وهى عرفت مهران: معرفش موسى بيعرفها ايه عشان كده بقولك كانك ماتعرفيش حاجه ام موسى: لا طبعا عمرى ماتكلم في حاجه مع حد ربنا يرزقك يا موسى يا بنى بالذريه الصالحه والسند يارب مهران : يارب يا حجه يارب تانى يوم نزل موسى واينور وفطروا سوا واخد موسى اينور وراحوا الشركة وجاب قرار بفصل السكرتيرة لان من التحقيق اتعرف انها اللى سربت الاشاعات إينور: طيب لحد ما نجيب سكرتيره جديده مين هيبقى مكانها موسى: انتى طبعا . بصى يا اينو انا كده كده هفضل هنا فتره عشان اعلمك كل حاجه في الإدارة وعشان لما اسيبلك الشركة اكون مطمن عليكى انك هتعرفى تديريها واكتر حاجه واسرع حاجه تعملك هى السكرتاريه لان هتكون تحت إيدك كل الملفات وهتكونى جنبى ومعايا في كل الصفقات والاجتماعات اينور : صح عندك حق راح قعد على المكتب ونادى عليها موسى: تعالى بقى قربى عشان افهمك الشغل اينور قربت منه موسى: لا تعالى جمبى هنا عشان تشوفى كويس اينور : وقفت جمبه وهو قاعد على كرسي المكتب موسى: رجع بالمكتب لورا وقالها تعالى اقدى عشان رجلك ماتوجعكيش إينور : اقعد فين مانت قاعد موسى : راح شاورلها على رجله اينور : 😳😳😳😳 وسابته وجريت على مكتب السكرتيرة بره وهو فضل يضحك جامد على منظرها موسى: بصوت عالى: مش عارفه مكسوفه ليه انا قصدى اعلمك واساعد يلا مالكيش نصيب اينور : ☺️☺️ ايه الوقاحه دى هو كان كده اصلا اعصابى باظت حرام عليك وقلبها كان بيدق جامد جدا وهى مسكت ملف تهوى على وشها عشان تهدى نفسها وقح وحطت ايديها على قلبها اهدى بقى اهدى خرج موسى عليها وشاف منظرها راخ قرب منها وهى رجعت بالكرسي لورا اينور : بقولك ايه ابعد افرض حد دخل وشفنا موسى فضل يقرب اكتر براحه خالص وراح مادد ايده 🤭 ومسك الملف اللى فى المكتب اللى وراها موسى : منا عارف اننا في شغل انا جاى اخد الملف عشان انا عارف مكانه وانتى لسه ماتعرفيش اماكن الملفات 😉😆 بس واضح انك عايزانى اقرب وقال يتمنعن وهن الراغبات اينور : 😳😳 مش عارفه ترد عليه لانها مكنتش متوقعه ابدا انها تقابل موسى بالشخصية دى الفتره اللى اشتغلتها فى الشركه بتشوفه لما بيجى الشركه ليه هيبه كبيرة حتى الابتسامه مكنتش بتشوفها على وشه ودايما محمود كان كلامه عنه انه شديد جدا وكان بيخاف منه اكتر ما بيخاف من باباه ورغم كده كان بيقولها انه حقانى يمكن ده السبب اللى خلاه يخلى موسى واصى عنهم حتى معاملته ليها اول الجواز كانت بتخليها تخاف منه اكتر اينور لنفسها: انا برضه لازم اجمد شويه لحد ماتاكد انه فعلا عايزنى مش رغبه وفتره مؤقته موسى : ايه روحتى فين بتفكرى فى ايه 😉😉 إينور: مش عارفه بصراحه طرقتك ملغبطانى اوى مش شايفاك غير موسى بيه اللى كنت بترعب منه لكن موسى ده اللى بيضحك ويهزر مش عارفه مش مستوعبه موسى قرب منها وششدها من ايديها ووقفها قدامه موسى : موسى ده هو ده وانتى كنتى عرفتى الشخصيتين ولسه فى شخصيه تانيه متمناش انك تشوفيها ومش عايزك تشوفيها ابدا إينور: انت بتخوفنى موسى: ابدا مش قصدى انا عايزك تطمنى وطول منا معاكى متخافيش ابدا ومهما وقعتى فى مشاكل هتلاقينى يندك وبحلهالك يتبع رايكم يا قمرات ايه ورايكم في منه وهل ليها ذنب فى اللى باباها عمله وهل لو موسى عرف ممكن يسامحها صفحتي على الفيس اسمها قصص وروايات أمانى سيد بجد هبقى سعيده اوى لو تابعتونى عليها لانها صغيره ١٤٠٠ لايك بس بليز يا نجمات متابعه عليها عشان تكبر ♥️♥️♥️ ولو تابعتونى هناك سيبولى تعليق انكم جايين من الوات باد عشان ابقى عرفاكم 😘😘

مقالات ذات صلة

كرامة اهلى١

مرتب مراتي

بنت عم جوزى٣

بجاحة حماتى٢

ماجد المصري يكشف لأول مرة تفاصيل مـ،ـر.ضه

روحت المستشفى

اترك تعليقاً إلغاء الرد