أخوه جوزى٤

عند منه كانت بتتكلم في التليفون مه دكتوره منه : بصى يا دكتوره انا عايزه دوا منشط عشان يساعد على الحمل يعنى عايزه احمل فى تؤام فى حاجة كده الدكتوره: اه فى دوا برشام اسمه ..... منه : متأكده انه لو اتاخد هيخلينى احمل فى تؤام الدكتوره: هو انتى حملتى قبل كده ولا دى اول مره منه : لأ حملت قبل كده وعندى بنت ونفسي اجيب تؤام لجوزى اصله بيحب الأطفال وكده الدكتوره: بصى كل شيء بايد ربنا سبحانه وتعالى بس ده هيساعدك انه تجيبى تؤام لانه منشط البويضات منه : تمام يا دكتوره لبست منه ونزلت جابت البرشام وبتفكر في الطريقة اللى تدى بيها إينور البرشام ده من غير ماتحس #.......#.... عند اينور وموسى فى الشركه كان موسى بيعلم اينور كل حاجه خاصه بالشركة والصفقات والشركات اللى بيصدروا ليها والشركات اللى بيوردوا منه والتجار وكل حاجه إينور: موسى تفتكر اسبوع هيبقى كافى لكل ده انا بفصل منك من كم المعلومات دى انت ازاى حافظهم كده موسى: الاول هيكون صعب لكن اى صفقه جديده طبيعى تدرسيها فهتلاقى نفسك تلقائيا حفظتى كل ده إينور: مش حاسه انى هعرف اعمل كده موسى: لا هتعرفى ركزى بس والحاجة اللى مش فهماها خديها معاكى البيت إينور: هى الساعه كام موسى : ٥.٣٠ إينور: معقوله الوقت جرى بسرعه اوى كده ليه انا فاكره الساعه ٢:٠٠ كنت هقولك تعالى نشرب حاجه موسى: لا وانتى الصدقه يالا عشان نروح ونتغدى بقى مشيت اينور مع موسى موسى : انهارده يوم منه ضيعتى يوم امبارح 😉 إينور: معلش يا شهرايار الايام جايه كتير 😂😂 موسى: مش غيرانه إينور: مش من حقى هى مراتك الاولى السؤال ده ليها هى موسى: انا بسالك انتى إينور: مش عايزه اجاوب موسى: ماشى يا اينو اتقلى براحتك بس انا عرفت وصلوا القصر وكانت منه قاعده فى الجنينه سرحانه موسى بص لاينور وقالها اسبقينى جوه خليهم يجهزوا الغدا ونادى عليا لما يخلصوا إينور اخدت بالها انه رايح لمنه بس معلقتش ودخلت قاتلهم يجهزوا الغدا موسى : ايه منمن قاعده لوحدك على غير العادة منه : بفكر هل ممكن فى يوم تستغنى عنى وخصوصاً لو إينور جابتلك طفل موسى: طبعا لا انتى حسيتى منى بأى تغير دانا بعديلك حاجات عمرى فى حياتى ماعديتها لحد منه شافت اينور جايه عليهم عملت نفسها مش واخده بالها منها وبصت لموسى منه : يعنى هفضل انا الأولى في قلبك موسى: حب يراضيها ومش واخد باله من اينور اللى وراه طبعا يا منه انتى الاولى ومكانتك أبدا محدش يقدر يوصلها راحت منه حضتنه وبعدين رفعت وشها وقالت منه : ايه ده إينور انتى واقفه من بدرى إينور: لأ جيت اقولكم الغدا جاهز عن اذنكم دخلت اينور وطلعت غرفه بنتها عشان تجبها وتتغدى معاهم نزلت كان الوضع في السفره الاب على راس الترابيزه والام الناحية التانية ومات اينور قاعده جمب مامت موسى و موسى كالعادة قاعد على يمين باباه وبيكلمه في الشغل ومنه قاعده قاعده جمبه دخلت وقاعدت اينور جمب مامتها وحطت بنتها على الكرسي الخاص بالاكل جمبها وموسى اخد باله من الموقف بس كان ناسى الموضوع ده فضل يبصلها عشان تبصله لكن إينور كانت مركزه مع بنتها ومتجاهلاه وحست من جواها ان موسى متجوزها عشان خاطر الخلفه فقط موسى حب يلفت انتباه إينور ليه لانه حس هى بتفكر في موسى : بقولك يا اينور هاتى ملك جمبى هنا عشان اككلها انا إينور: لا سبها انا عايزه اكلها هى وحشاني لانها طول اليوم بعيد عنى موسى منه لو سمحت ممكن تقعدى على الكرسي اللى جمبك ده منه قامت متضايقه اهتمام موسى وقعدت على الكرسي التانى اللى جمبها وموسى اتحرك فى الكرسى اللى جمبه وقام جاب ملك بكرسيها وحطه جمبه وقال لاينور موسى : تعالى بقى اقعدى هنا كده هتبقى ملك وسطينا انا وانتى فرحت اينور من جواها ان موسى اهتم بيها واتصرف بشكل زكي بعد الغدا دخلت منه حضرت كوبايتين عصير واحده ليها وواحده لاينور وحطتلها المنشط في العصير بتاعها منه : اينور اتفضلى العصير ده انا عملاه بنفسى انا كنت عايزه نقعد نتكلم مع بعض شويه كاختين ينفع إينور: اكيد طبعا يا حبيبتي واخدت منها العصير وشربته وفضلت تتكلم في حاجات مالهاش دعوه ببعض وتختلق قصص ليها هى موسى عشان تضايق بيها إينور وتوصلها ان موسى عمره ما حبها عشان تقدر تنفذ مخطتها بعد كده بسهوله بس الاول لازم تكسب تعاطف الكل شربت اينور العصير وخلصته وقتها منه سابتها وطلعت وخبطت على موسى منه : موسى بابا تعبان وانا محتاجه اروح اقعد معاه يومين تلاته ينفع موسى: طيب استنى اغير واجى معاكى منه : لا مش مستهله ممكن تعدى عليا بكره بعد الشغل تطمن عليه لو بقى كويس هرجع معاك لو لسه تعبان هفضل معاه موسى:طيب ابعت السواق يجيبه ويبقى وسطنا هنا منه : انت عارف هو مش بيعرف يرتاح عند حد سيبه براحته هما يوم او اتنين بس موسى: خلاص يا منه براحتك دخلت منه غرفتها ولمت لبس يكفي أسبوع وقبل ماتمشى نبهت على الشغاله انها لازم تدى المنشط ده لاينور بمواعيد وفعلا الشغاله وفقت راحت منه عند باباها عند موسى خبط الباب عند اينور وهى فتحتله موسى: هى منه صاحيه إينور: اه ساعه كده وهنيمها موسى: طيب عايز العب معاها شويه قبل ماتنام إينور: مش عارفه ليه لزمتها انها تنام في اوضه منفصله موسى: عشان تتعود طالما اتفطمت يبقى مالهاش لازمه تنام جمبك وكمان عشان ناخد راحتنا إينور: طيب على الاقل انهارده او الايام اللى هتباتها عند منه موسى: لا انهارده بالذات بقى هتنام لوحدها إينور: اشمعنى يعنى موسى: هقضى اليوم معاكى إينور: النهارده يوم منه موسى: هى عند باباها إينور: اه عشان كده الاستبن انا بقى موسى: بجدية لا مش استبن وانا ماصدقت ان الفرصة جاتلى عشان نقرب من بعض وشايف انى كل اما أحاول اقرب انتى بتبعدى لو مش عايزانى قولى إينور انا بحاول اعدل ارجوكى ساعدينى على ده إينور: عايزنى اعمل ايه موسى: سبيلى نفسك يا اينور ماتفتكريش كتير انا لو مش من جوايا مشاعر ليكى صدقيني ولا كنوز الدنيا كانت هتخلينى اقرب منك ساعديني اكبر المشاعر دى إينور: 😊😊 حاضر نسيبهم فى حالهم بقى نروح عند منه #.....#..... محسن: ايه ده لحقتى تغضبى من تانى يوم منه : لا سايباله فرصه يمكن تحمل وتخلص بقى محسن: وانتى هتكوني فرحانه لما تحمل انا لو مكانك ازعل ومش بعيد افكر اجهضها منه : ده تفكيرك انت بالعكس بقى انا اكتر واحده عايزاها تحمل وتخلف ومش عيل واحد لأ عايزاها تخلف اكتر من عيل كمان وعشان كده لو موسى سالك او اتصل بيك عرفه انك تعبان وانك محتاجنى جمبك محسن: نعم ياختى منه : وهسيبلهم القصر اسبوع عشان تبقى فرصة يقربوا من بعض وتحمل محسن: افرضى حبها بقى وحملت منه ساعتها انتى هيبقى وجودك تقيل على قلبهم منه : اللى بيحب اوى لما بيكره بيكره اوى بلاش يا بابا تفكير محدود وتفتكر لو حملت وانا خليت الطفل ينزل هيشكوا فى مين ولو انا عملت دلوقتي اى حاجه عشان تبعدهم عن بعض مش هيشكوا فيا وانا اللى اطلع بعد كل ده من المولد بلا حمص 😏 محسن: عندك حق طيب دماغك فيها ايه يتبع تفتكروا منه بتفكر في ايه وهتستفيد ايه لما إينور تحمل وتخلف 🤔🤔 محسن: طيب عرفينى دماغك فيها ايه منه : بص يا بابا دلوقتي لو البت دى مخلفتش واتطلقوا هيحصل ايه محسن: ايه منه : هيتجوز غيرها والله اعلم غيرها هتبقى عامله ازاى المهم انه هيتجوز هيتجوز صح محسن: اه صح منه : طيب دى بقى غلبانه ومش طماعه واقدر اتخلص منها بهسوله بعد كده بس لما تخلف محسن: طيب وهتستفادى ايه لما تخلف اتنين مره واحده منه : موسى لما يبقى عنده اكتر من عيل هبقى قطعت عليه فكره انه يتجوز مره تانيه عشان يخلف ويكتفى بيا وبولاده دى حاجة تاتى حاجة انا عايزه عيال يكونوا سند ليا واكون انا امهم ربنا ماخلنيش احمل بس ممكن اخليهم ولادى وابقى انا وبس امهم ولما موسى واهله يحصلهم حاجه ساعتها انا الواصيه عليهم وهتبقى كل حاجه معايا الولاد السند والفلوس وخصوصا لو ماشافوش ام ليهم غيرى وخصوصاً دول بالذات لانى هبقى ضامنه اصلهم من فصلهم محسن: وهتتخلصى منه ازاى منه : انت مستعجل ليه ممكن ماتشغلش بالك وعلى فكره انا هخليك المساعد بتاعى فى المصنع يعنى هتحل محلى وانا مش موجوده محسن بطمع : وهو هيكتبلك امته المصنع ولا بينيمك منه : موسى لما بيوعد بيوفى وانت عارف كويس مش محتاج افكرك محسن: طيب اكلمه اقوله انت هتقعدى عندى اسبوع منه : هو انت ماتعرفش تقعد من غير ماتكلم حد او تدخل في حاجه سيبه هو هيكمك محسن: هيكلمنى ازاى وهو نايم في العسل منه: هيكلمك وهتشوف 😉 #...... عند موسى واينور أصبحت إينور زوجته شرعاً وقانونا موسى : ايه لسه مكسوفه إينور: ☺️☺️☺️ موسى : مالك القطه كلت لسانك إينور: 😂😂😂😂 طيب انا هقوم اخد شاور عايزه حاجه قبل ماقومو اينور خبطته بالمخاده ودخل موسى اخد شاور وكانت هى لبست هدومها ومنتظراه يخرج عشان تاخد شاور خرج موسى ودخلت اينور تاخد شاور واثناء ذلك اتصل موسى بمنه موسى: ايه يا منه باباكى عامل ايه منه : تعبان اوى والدكتور جه وقال نزله برد شديدة شكلى كده هقعد معاه اسبوع موسى: طيب انا هعدى عليكى بكره لو احتاجتى أى حاجة فى اى وقت كلمينى ماتتردديش لحظه واثناء حديثه خرجت إينور من الحمام إينور : فى حاجة ولا ايه موسى: كنت بطمن على ابو منه عشان تعبان ومنه هتقعد عنده حوالى اسبوع كده اينور : ربنا يشفيه يارب ويطمنها عليه موسى لبس هدومه وكان خارج من الاوضه إينور: انت مش هتنام موسى رجعلها تانى: احنا هنا كل واحد بينام فى غرفة منفصلة حتى بابا وماما كده وانا ومنه كده عشان دماغك ماتروحش بعيد عشان كل واحد يقدر ياخد راحته إينور: عشان كده مصممين ان ملك تكون في غرفة لوحدها موسى: اه حتى لو جبنا ولاد هيفضلوا معاكى فى الاوضه لحد مايتفطموا وبعد كده هيبقى ليها او ليه غرفه منفصله صحيح انتى دخلتى اوضتى قبل كده إينور: لا انت اللى بتدخلى دايما موسى : طيب تعالى افرجك عليها عيب ماتبقيش عارفه شكل اوضه جوزك عامله ازاى اخدها موسى الغرفه بتاعته وشغلوا فيلم اتفرجوا عليه ونامت إينور فى غرفة موسى وصحيوا متاخر وكان صابح يوم الجمعه طلعت حمات اينور تصحيها لما لقتها اتاخرت ومالقتهاش فى الاوضه فخمنت انها مع ابنها مريضيتش تزعجهم وسابتهم ونزلت ووصت على غدا عرسان جداد عدا وقت طويل واتصلت حماتها بموسى موسى : الو يا ماما صباح الخير ام موسى: صباح ايه يا حبيبي ناموسيتك كحلى انا بكلمك عشان تتغدى هى اينور صحيت ولا لسه موسى: اه يا حبيبتي صحينا ونازلين ام موسى: هى بايته عندك من امبارح موسى: واخده بالك انت يا شقيه ام موسى: منا عديت عليها الصبح فى أوضتها مالقتهاش دورت عليها عند ملك وامها مالقتهاش فعرفت انها عندك موسى: ماشى يا سيادة المفتش هى عندى المهم عامله غدا ايه انا هموت من الجوع ام موسى: انزل وانت تشوف يلا مستنياكم نزلت إينور مع موسى وكان الكل على السفره مهران: امال منه راحت فين موسى: هتقعد عند ابوها اسبوع عشان تعبان مهران: واجب نروح نزوره موسى: تعالى نروح نزوره انا وانت بعد الغدا مهران: تمام موافق خلصوا غدا وراح موسى وباباه لابو منه يزوروه واكتفت ام موسى بمكالمه تليفون هى واينور عند منه دخل موسى وكان جايب فاكهه وحلويات منه : مكنش ليه لزوم تتعب نفسك مهران: ايه اللى بتقوليه ده ده اقل واجب ابوكى معرفه قديمه مش من يومين وانتى زى بنتى بالظبط موسى: ايه رايك اكلمه وتيجوا معانا منه : لا يا حبيبي هو مرتاح هنا لحظه ادخل اديله خبر دخلت منه لباباها وعرفته وخرج وهو بيمثل إنه تعبان اخدوا قاعدتهم وقبل ما يمشوا أثناء توصيل منه ليهم موسى : بابا اسبق انت لو سمحت دقيقه وجاى وراك منه : خير يا موسى فى حاجة موسى: اه جهزتلك الورث بتاع التنازل بتاع المصنع يوم الاحد هروح اسجل هتيجى معايا منه بفرحه متداريه : لا يا حبيبي انا واثقه فيك واديك شايف بابا مش هقدر اسيبه اللى انت شايفه صح اعمله موسى باسها من راسها : تمام هكلمك تانى باى مشى موسى ورجع القصر ونادى على اينور طلعته ونسكت عن الكلام المباح لمدة أسبوع كامل فى خلال الأسبوع ده اينور كانت حكت كل حاجه عن نفسها لموسى وهو كذلك وقربوا من بعض أوى وحكتله عن اخوها ووعدها انه هيحاول يجبلها اى معلومات عنه بالنسبة للتنازل تم التنازل عن نصيبه فى الشركه والمصنع لمنه واينور بس اخد منهم توكيلات عامه لحاجة فى نفسه بس برر ليهم انه لو احتاج يخلص شغل من خلال المصنع او الشركه يقدر يخلصهم بشكل مباشر بدون الرجوع ليهم عشان شكله قدام العملا والعمال وهما الاتنين اقتنعوا بكلامه لكن منه مكنتش تعرف عن موضوع الشركه ولا اينور موسى قالها على موضوع المصنع كان بيكلم كل واحده فى الشئ اللى يخصها فقط عدا شهرين وفى يوم اينور تعبت وبالصدفة كان يوم اينور ان موسى يكون معاها موسى: مالك يا اينو شكلك تعبانه إينور: مش عارفه بقالى كام يوم بحس بمغص كده يمكن برد موسى: طيب تحبى تكشفى إينور: مش مستهله موسى: وليه تفضلى كام يوم بطنك وجعاكى كده تعالى نروح نكشف واول ماتاخدى الدوا هتبقى كويسه نزلت إينور مع موسى وراحوا للدكتوره والدكتوره كشفت عليها وسالتها شويه اساله واخر موعد للبريود امته وطلبت منها تعمل شويه تحاليل عملتها إينور وطلعت حامل الدكتوره: مبروك يا مدام اينور انتى حامل محتاجه بعد كده تتابعى مع دكتوره نسا وتوليد موسى سمع الكلمة وكان حاسس بحاجة اول مره يحسها فى حياته وقال ( اللهم ارزق كل مشتاق ورددها كذا مره ) موسى: بجد يا دكتوره الدكتوره: اه التحاليل اثبتت كده موسى: طيب فى دكتوره نسا كويسه تعرفيها ممكن نروح نتابع معاها الدكتوره: اه فى دكتوره ممتازه جدا اسمها ايه ده عنوانها ممكن تتابع معاها ( هى ايه صاحبه دهبيه ودكتوره ايلاف هى هى. ماهى بقت دكتوره مشهوره بقى ) الناس اللى مش عارفينها ممكن يقروا رواية المعلم ومراته وزوجته ورواية إيلاف) اول ماخرجوا من عند الدكتورة اخدها موسى على العياده بتاعت دكتوره ايه وحجز كشف معاها الدكتوره بدأت تكشف عليها وشافت التحاليل وكشفت بالسونار الدكتوره: مبروك يا مدام اينور انتى حامل وكل حاجه ممتازه بس فى حاجة موسى: خير يا دكتوره الدكتوره: هو انتى بتاخدى اى ادويه منشطه للحمل إينور: لا ماخدتش اى ادويه موسى: ليه حضرتك بتسألى الدكتوره: اصل المدام حامل في توأم موسى : بجد الدكتوره: اه إينور كانت فرحانه اوى بفرحه موسى هى فرحه لما حملت فى ملك بس كانت فرحتها ناقصه بسبب خوف محمود على الطفل وازاى هيواجهه اهله انما المره دى الوضع مختلف هى شايفه فرحه جوزها بيها وباولادها خرج موسى واينور من عند الدكتورة وكان فرحان اوى واخد اينور عذمها على حاجات حلوه وفضل يوصيها على نفسها كتير وهما مروحين كان التفكير شاغل دماغ موسى إينور: مالك يا موسى سرحان فى ايه موسى: إينور مش عايزك تفهمى غلط بس انا حابب اننا نراعى مشاعر منه إينور: قصدك ايه مش عايزنى اعرفها موسى: لا طبعا ماقلتش كده بصى هقولك بفكر في ايه ياترى موسى بيفكر فى ايه وايه مخطط منه والطريقة اللى عايزة تبعد بيها اينور موسى: بصى يا اينو انا فرحان او وانتى شايفه انا فرحان اد ايه ولو قولتى لبابا وماما قدام منه انا متوقع رد فعلهم ايه بلاش تقوليلهم حاجه قدام منه اينور بضيق : عايزنى اخبى يعنى موسى: لا طبعا دى حاجة مش بتستخبى بس لما نروح تطلعى لماما وبابا الاوضه نبلغهم في اوضتهم ولو لقيتيهم تحت ماتقوليش حاجه سبينى انا اتكلم إينور: حاضر يا موسى وصلوا القصر ونزلوا ولحسن حظ موسى ان باباه ومامته فو قوضتهم طلعوا عند باباه وخبطوا وقالوله انهم هينتظروه في غرفه مامتهم عشان فى حاجة مهمه عايزيهم يعرفوها وفعلا اتجمعوا في غرفه والده موسى ام موسى: ها يا حبيبي قلقتنى فى ايه اينور : هو بصراحه يا طنط وبصت لموسى موسى: بص يا بابا اخيرا هتبقى جدوا للمروه التانيه باباه ومامته سكتوا شويه وده قلق اينور مهران : ها يا بنى قول موسى بضحك : بابا حلمكم اللى نفسكوا فى من زمان حصل إينور حامل ومش بس فى طفل لأ فى اتنين ام موسى: عيطت ولسه هتزغرط موسى: ماما احنا بليل بس ام موسى: وايه المشكله خلى الكل يعرف موسى: عشان خاطرى يا ماما لسه منه كمان ماتعرفش ياريت نراعى مشاعرها مهران: عندك حق وراح لاينور واول مره يحضنها وباسها من راسها وقالها ألف مبروك يا بنتى ربنا يقومك بالسلامه الفتره الجايه دى خدى بالك من نفسك اوى انتى تلاته دلوقتي وبص لمراته وانتى يا ام موسى خدى بالك منها ومن اكلها كويس اوى شكلها كده تعبان ومش عاجبنى اينور بفرحه بعد ما حست بفرحتهم وحنانهم حاضر يا عمى ماتقلقش خرج موسى من عند ابوه ومامته وكل واحد راح الاوضه بتاعته بس موسى دخل الاوضه عند منه منه بتعجب : ايه ده موسى غريبه مش انهارده يوم إينور موسى: وهو ماينفعش اجيلك ولا ايه منه : لا عادي بس بحاول اأقلم نفسى على الوضع عشان ماتعشمش بحاجة مش هتحصل موسى: لا يا ستى عشمى نفسك وفين ماتحبينى اكون معاكى هتلاقينى صحيح قبل مانسى ماتخدينيش في دوكه إينور حامل منه بفرحه استغربها موسى بس عداها بجد اخيرا مبروك ألف ألف مبروك يا حبيبي وها حامل في ايه موسى: لسه مش دلوقتي طبعا كمان تلات شهور كده منه كانت عايزه تسأله فى واحد ولا اكتر لكن سكتت عشان مايشكش لانها لاحظت انه استغرب من فرحتها الزايده منه : عارف يا موسى انا فرحانه اوى انك هتحقق حلمك أخيراً وتبقى اب صدقنى انا ههتم جدا باينور باكلها وشوربها وولادها طبعا هيبقوا زى ولادى وبعدين قلبت وشها بمسكنه ولا هى ممكن ترفض ده بس عموما انا هقرب منها واعمل اللى عليا ولادك يعنى منك واكيد انا هحبهم زى ما بحبك وراحت حضناه وموسى طبعا للاسف صعبت عليه وبكده تكون اول حاجه منه كانت بتخطتلها اتنفذت 😢 خرج موسى وصحيت منه تانى يوم الصبح واكدت على الشغاله تعمل اكل معين لاينور وبقت تهتم بيها جدا جدا وده خلى اينور تستغرب جدا في الاول لكن بعد كده تقبلت الوضع وبقت تتعامل مع منه بحب وبفت تراعى مشاعرها وبقت تعذر موسى لما قالها راعى مشاعر منه اينور من جواها حبت موسى جدا وبتغير لما بيروح لمنه بس بترجع دايما تزكر نفسها انها الزوجة التانية وان الغيره دى من حق منه لانها الاولى وفى الفتره دى كانت منه مش بتحاول تضايق اينور لانها عارفه امته بالظبط هتبدا تغير معاملتها وازاى منه بدأ اهتمامها بموسى يزيد اكتر من اللازم وإدارة الشركة سابتها لباباها وحمدت ربنا ان موسى خلاها تعمله توكيل عشان لو ابوها عمل حاجه موسى يلحق الوضع ويصلحه هى مش هدفها الفترة دى حاجة غير كسبت ثقه موسى للآخر موسى من جواه مستعجب تغيير منه وخمن كده بانها حست انه قلبه مال لاينور فعايزه تجذبه ليها تانى او خايفه انه بعد ما يحلف يستغنى عنها عشان كده دايما بيهاديها وبيقرب منها وبيراعى مشاعرها وصلنا بقى للجد فى يوم منه كانت داخله غرفه اينور عشان تحط جهاز تسنط وتسمع اللى بيحصل معاها هى وموسى واثناء بحثها عن مكان آمن لوضع جهاز التسنط اكتشفت ان فى جهاز متركب بالفعل 😮😮 منه لنفسها. معقول يكون موسى مش واثق في اينور او كان حاطه ونسيه فى الاخر جابها تفكيرها انه هو حطه ونسيه لما افتكرت معامله موسى لاينور فى الاول وقررت تحط الجهاز بتاعها فى غرفه موسى وتخلى الجهاز اللى فى غرفه اينور ده كارت ليها تستخدمه بعدين وخرجت من الغرفة بتاعتها كانت منه قاعده في الجنينه وحاطه السماعه واول ماشافت اينور بتقرب منها عملت انها بتكلم موسى منه : يا ياحبيبى بجد كل يوم بيعدى فى حمل اينور بحس ان حلمنا بيقرب عشان كده انا بهتم بيها وسكتت كان حد بيتكلم : لا يا حبيبي ماتخفش هى ماشتكتش فى حاجة انا واثقه فيك وعارفه اد ايه انت بتحبنى وعملت انها بتبص وراها وكانها لسه شايفه اينور منه : طيب يا موسى هكلمك بعدين إينور: هو ايه اللى انا ماشكتش فيه يا منه مخبيه ايه وغير كده بقالك كام يوم زعلانه هو انا عملت حاجه زعلتك منه بقرف : هكون مخبيه ايه ولا حاجه وبعدين انتى لا أول ولا اخر واحده تحمل فجايه ليه تعملى عليا حوار دلوقتي وبعدين بعاملك ازاى منا بعاملك عادى اهو شافت منه عربيه موسى داخله من القصر فحاولت تستفز إينور عشان تخليها تغلط وبعدين هو مطلوب منى اعملك ايه اكل وشرب وحياه مكنتيش بتحلمى بيها عايزه منى ايه تاتى إينور: مش فاهمه فى ايه بتكلمنى كده ليه منه : وبعدين اعملى حسابك ان ولادك دول ولادى انا انتى يا دوب يا دوب حامل فيهم إينور: في دخلت موسى بس من انفعالها مكنتش واخده بالها : ايه اللى انتى بتقوليه ده دول ولادى انا سامعه دول ولادى ماتقوليش كده تانى موسى بزعيق : اينور اللى بتقوليه ده منه بمسكنه جريت على موسى وحضنته وعملت نفسها بتعيط منه : كل ده عشان بقولها انا هعتبر ولادك ولادى راحت قالتلى كده موسى طبعا صدق كلام منه لانه كان سامع اخر جمله إينور قالتها إينور: انتى كدابه كدابه انى عارفه انتى قولتى ايه خلانى اقولك كده موسى: اينور فاكره انا قلتلك ايه قبل كده بس واضح انك نسيتى اتفضلى اطلعى على اوضتك دلوقتي سمعانى اتفضلى اينور بصت ليهم بصدمه ومسكت دموعها وهى داخله خبطت فى مهران إينور بدموع: معلش يا عمى أنا اسفه عن ازنك مهران: اهدى بس مالك انتى تعبانه إينور: لا متقلقش مافيش حاجه مهران شك إن فى حاجة فاخدها معاه المكتب مهران: مالك يا اينو فيكى ايه هو انا مش زى بابا وبعدين انتى وصيه الغالى وانا مقدرش افرط فيها احكيلى حصل ايه إينور: اذا كان ابنك مش مصدقنى وكدبنى وزعقلى وهو معاشرنى حضرتك هتصدقنى مهران : جربى وشوفي هتخسرى ايه حاكتله إينور على كل حاجه حصلت فى الجنينه من منه من ساعت ما كانت بتتكلم في التليفون مهران: أنا مش عارف اقولك ايه يا بنتى يمكن تكون غيرانه او شايفه ان موسى قالبه مايل ليكى إينور: قلب مين اللى مايل ليا حضرتك كل حاجه بتحصل موسى بيفضل ينبه عليا مليوم مره انى اراعى مشاعر منه بيخاف يقولى كلمه حلوه بره الاوضه لتسمعها مع انه بيتعامل معاها عادى قدامى وبيشكر فيها وانا دايما اجى على نفسى واقول معلش مش من حقى اغير هى الاولى وهى اللى فى القلب بس انا ذنبى ايه وفى الاخر يكدبنى ده حتى مسمعنيش مسمعش منى اى حاجه مهران حضنها وبقى يطبطب على ضهرها : خلا يا جميل ولا تزعلى انا هكلمه واشدلك ودانه إينور: بالله عليك يا عمى بالله عليك ورحمه محمود ماتكلموا في اى حاجه ومتقولش ليه اللى حكيته ليك مهران: ليه بس كده هفهمه سوء التفاهم اللى حصل إينور: ارجوك يا عمى لأ ارجوك مهران: براحتك يا اينور هعمل اللى انتى عايزاه بس انا موجود في اى وقت لو حبيتي تفضفضى معايا انا مخلفتش بنات وربنا يعلم انى معتبرك بنتى إينور: شكرا يا عمى عن ازنك لو لقيت تفاعل كبير هنزلكم اقتباس نارى إينور طلعت غرقتها اخدت شاور دافئ عشان تهدى نفسها وخرجت لبست كاش قصير وفردت شعرها وفتحت الشباك وقاعدت على ترابيزه من داخل الاوضه بتاعتها بتبص على السماء عشان تقعد براحتها ومحدش يشوفها #..... عند موسى كان واقف تحت بيحاول يراضى منه موسى: ماتزعليش يا منه ممكن تكون هرمونات حمل او تعبانه وانتى مراتى وطبيعي ولادى يبقوا ولادك انا هكلمها وهعرفها ان اللى قالته واللى عملته ده غلط ومايصحش منه : لا ماتكلمهاش خلاص انا مش زعلانه انا معرفش الحوامل بيحسوا بايه او ايه هى الهرمونات اللى بتقلب مودهم كده خلاص مش زعلانه وهتعامل معاها عادى اهم حاجه عندى راحتك انت موسى: باسها من راسها يسلملى هالعاقل مش يلا بقى ندخل نتغدى لحسن انا ميت من الجوه منه : ماشي يلا بينا موسى: طيب انا هطلع اغير وانزلك ماشى منه : ماشى يا حبيبي طلع موسى عند اينور وفتح الباب فجأة وبص لقى اينور على نفس قاعدتها موسى قرب منها وهى تجاهلته موسى: مسك وش إينور عشان تبصله . ليه كده يا اينور مش احنا اتفقنا على انك تراعى مشاعر منه ليه قولتى وعملتى كده إينور: وانت خلتنى اتكلم او ادافع عن نفسى واقولك انا قولتلها ليه كده موسى: طيب بصيلى وقوليلى ليه قولتى كده انا اول مره أشوفك كده إينور بصتله : خلاص مش هحكى موسى: ليه مش انتى بتقوليلى انى غلطان عشان ماسمعتكيش إينور: انت خلاص اخدت الموقف تحت قدامها وكدبتنى وماسمعتنيش يبقى خلاص الموضوع عندى وقف لحد هنا موسى: يعنى غلطانه وكمان زعلانه إينور: افهم اللى تفهمه موسى: طيب يلا عشان نتغدى إينور: انزل انت وانا شويه ونازله موسى: طيب ماننزل مع بعض إينور: لأ عايزه أقعد مع نفسى اتفضل انت ولما الغدا يتحط على السفره خلى حد ينادينى سابها موسى وهو محتار كان المفروض سمع هى قالت كده ليه بس مهما حصل ماكنش ينفع انها تقول كده مشى من عندها وهو بينفخ ومش عارف يعمل ايه او مين غلطان منه عايش معاها كتير وعارف عيوبها انها بتحب الفلوس لكن إينور محيراه إينور رومانسيه الفلوس اخر اهتمامتها مش عارف أراضيها ازاى عند اينور بقت شاكه ان موسى مش بيحبها ومتجوزها عشان الخلفه فقط بس اللى محيرها ليه منه قلبت مره واحده كده طيب لو كانوا بيمثلوا عليها عشان الخلفه ماستنوش لما أولد ليه وظهروا على حقيقتهم قررت انها تتجاهلهم خالص عشان صحتها دلوقتي اهم حاجه عندها جه وقت الغدا وكلهم كانوا متجمعين على السفره ام موسى: فين إينور موسى: هطلع اجيبها قالتلى لما الاكل يتحط نادوا عليا موسى طلع ليها إينور الاكل اتحط يلا عشان تتغدى إينور بدون ماتبصله : اسبقنى على تحت هلبس وانزل موسى قرب منها طيب هستناكى وننزل سوا إينور: مش مستاهله اسبقنى وانا نازله وسابته ودخلت الحمام تكمل لبس وخرجت لقته قدامها سابته وراحت للباب عشان تفتحه وتخرج واتعمدت انها تتجاهله خالص وهو غضب جداً من اسبوبها بس مرضيش يضايقها تانى وخرج وراها نزلوا واتجمعوا كلهم على السفره وإينور راحت قاعدت جمب مامتها راح مهران نادى عليها مهران : اينور تعالى اقعدى جمبى هنا انتى وملك عشان العب معاها وهى بتاكل بابتسامه اخدت اينور ملك وقاعدت فى الكرسى اللى جمبه الناحية التانية مش ناحيه موسى ومنه موسى: على فكره الكرسي جمبى فاضى مكانك موجود إينور: انا من الاول ماكنش ليا مكان لما جيت هنا كان كل واحد مكانه موجوده من الاول اقعد هنا ولا هنا وبتشاور على الكراسي الفاضيه مش فارقه المهم انى موجوده عشان خاطر بنتى موسى: بغيظ بنتك بس طيب بالنسبه لجوزك تدخل ابوه وحب يهدى الجو المتكهرب مهران: مالك يا موسى فى ايه طيب هى هرمونات الحمل ماثره عليها فلازم نعذرها ونستحملها انت بقى عصبيتك دى ليه هرمونات برضو سيبها براحتها وبعدين انا اللى قايلها تيجى جمبى موسى: تيجى جمبك من ناحيتى تبقى بينى وبينك مش تقعد بعيد هى مراتى انا إينور: مراتك قاعده جمبك اهى موسى: وانتى كمان مراته منه بخبث : اهدوا يا جماعه فى ايه ومسكت موسى من دراعه وعملت انها بتهديه خلاص يا حبيبي اهدى وانت يا اينور مانتى بتقعدى كل يوم هنا فى ايه انهارده خلاكى تعملى كده موسى معملكيش اى حاجه تزعلك منه: معلش يا حبيبي استحمل هرمونات حمل موسى بص لمنه وسكت وبص لاينور حاضر يا اينور اقعدى مكان ماتحبى وبصلها بتوعد خلصت إينور الاكل وطلعت غرفتها مع بنتها وكانت بتلعب معاهم وشويه لقت موسى داخل عليها شافته اينور وتجاهلته موسى: هتفضلى تتجاهلينى كده كتير اينور : زى مانت بتتجاهلنى وبتتجاهل مشاعرى ومش خايف غير على مشاعر منه يبقى خلاص اللى بينا خلص انا فهمت انت متجوزنى ليه عشان اخلفلك عيل انما انت بكل مشاعرك بكل حاجه مع منه موسى: على فكره كلامك غلط إينور: 😏😏 موسى: انا آسف يا اينو المفروض كنت راعيت مشاعرك وسمعت منك وقت المشكلة اللى حصلت تحت وحتى لو كنتى قولتيلها كده بدون سبب المفروض انى كنت اراعى تقلباتك بسبب هرمونات الحمل حقك عليا انا عمرى ماعتذرت لحد غير ابويا وامى بس قدرى ده إينور بصتله بحيره بس قررت تديله فرصه تانيه لانه من ساعت ماتجوزها ماعملهاش وحش غير انهارده وهو جه اهو واتاسفلها إينور بضحك : خلاص عفونا عنكم عدا اسبوعين تانى وكانت إينور خلاص داخله فى الشهر التامن وخلال الأسبوعين ده منه مكنتش بتسكت ابدا بتحاول تكيد في اينور وتحسسها ان موسى مش بيحبها وانه مجبور عليها وووووو مهران كان مركز جداً مع منه وكل تصرفتها ومنه مكنتش مبينه اى مشاكل خالص قدام موسى هى هدفها حالياً فرق تسود فى يوم منه كانت فى الشركه ولقت شخص لابس بدله شيك وحاطت برفيوم غالى واقف قدامها رافت اينور راسها ببطء ولقت قدامها اخوها اسم اخو اينور ( ايان ) والاسامى غير مصريه لان جدتهم مكنتش مصريه اينور بدموع ايان مش ممكن وراحت جريت عليه وفضلت حضناه وبتعيط دخل عليهم موسى بصت إينور لموسى وهى لسه بتعيط موسى بصلها بضحك : ايه رايك في المفاجأة دى إينور: بجد بجد انت اللى قدرت توصله موسى: اه ده موضوع طويل هو يحكيهولك بعدين تعالى يلا نروح عشان مامتك كمان تشوفه خرج موسى واينور وايان ووصلوا القصر واول ما والده اينور شافت ابنها اغم عليها من الفرحه وفوقوها وبقت تحضن فيه وتعيط ام اينور : الحمد لله الحمد لله انك عايش كنت عارفه كنت حاسه كنت فين كل ده وهان عليك تعمل كده فيا ايان : غصب عنى والله غصب عنى وبعدى عنكم كام حمايه ليكم موسى قدر بعلاقاته يخلصنى من المافيا اللى كانت بطاردنى إينور: مافيا وانت ايه اللى علقك معاهم ايان : لما سافرت لقيتهم كانوا بيطاردوا رجل اعمل رحت ساعدته وهربتهم منه واشتغلت معاه والراجل ده دخلنى شريك معاه في حاجات كتير اوى وطبعا هما مانسيوش طارهم معاه قاتلوه وحاولى يوصلولى بس انا كنت مستخبى منهم بس كنت على علاقة بفرد من المافيا دى كان مصرى زيى وشغلى كنت بديروا من اماكن مختلفه واغلب ادارتى ليه كان من على النت لحد ماقدرت اصفى كل شغلى هناك لان طبعا غيابى اثر على الشغل وفى الوقت ده عرفت ان فى طرف بيدور عليا وكان بيساوم المافيا دى فى ثفقه مهمه حد تانى مقابل انهم يبعدوا عنى طبعا هما وافقوا لان عندهم الفلوس أهم منى وقدرت وقتها اقابله وعرفنى على نفسه وانه جوزك وحكالى كل حاجه حصلت فى غيابى وده مختصر اللى حصلى لحد دلوقتي ام اينور: مش مهم يا حبيبي اى حاجه عدت المهم انك معايا دلوقتي عدا اليوم وهما بتكلموا في مواضيع مختلفه وبيحكوا لبعض اللى فاتهم والوقت اتاخر ايان : ماما همشى انا دلوقتي واعملى حسابك اول ما اجيب شقه هتيجى تقعدى معايا إينور : هتروح فين دلوقتي كلام ايه ده ايان: ايه يا اينو نسيتى شقتنا ولا بعتوها ولا ايه إينور: لا طبعا بس الشقه بقالنا كتير سايبنها ومحتاجة تنضيف إيان: ماتقلقيش انا هعرف اتصرف موسى : انا جهزتلك اوضه فوق اطلع ريح دلوقتي ولينا كلام تانى بعدين ايان : لا طبعا مايصحش اعمل كده انا عندى شقه ابات بره ليه موسى: اسمع الكلام ولا عايز تتعبهم بعد ضغط على ايان وافق انه يبات معاهم وكول الوقت منه كانت ساكت وبتتكلم كلام بسيط لان كده الواضح ان اينور مش هتكون لوحدها وبتفكر هل هتقدر تاخد ايام لصالحها وهل هو بتاع مصلحته والفلوس ممكن تغريه ده اللى هيبان بعد كده طلع موسى مع اينور الغرفه بتاعتها عشان يتكلموا موسى: ها يا ستى مبسوطه دلوقتي إينور: جدا جدا جدا دى احلى مفاجأة انت عملتهالى موسى هو انت بتحبنى موسى : طبعا يا اينو ليه دايما شاكه فى كده إينور: طيب بتحبنى انا اكتر ولا منه موسى ضم حواجبه باستعجال لسؤالها ياترى موسى هيقولها ايه 🤔🤔 ياترا ايان ممكن يخون اخته ويقف فى صف منه على أخته عشان الفلوس ؟ احب اسمع تخميناتكم بصوا حبايبي كل كاتبه بتكون محتاجه يكون ليها جروب يكبر معاها وتتعرف منه وانا الحمد لله عملت الجروب ده بس للاسف العدد قليل جدا وطبعا قله التفاعل مش بتخلينى اشوف غير عدد قليل من الكومنتات والفيس لو حد كاتب كومنت بيتوه طبعا بين كومنتات تم تم تم عشان كده عايزاكوا تدخلوا الجروب ده وتتفاعلوا معايا هناك اسمه قصص وروايات كامله بقلم امانى سيد وهنزل هناك رواياتى بشكل البوم

مقالات ذات صلة

بعد أعوام من الصمت

جوزى مغترب٣

رواية كاملة

وصيه حماتى١

فى السجن

وصيت حماتى

اترك تعليقاً إلغاء الرد