كنت فاكر٢
بعد مرور شهر على صد. مة إفلاس الشركة وضياع كل شيء على إيد نادين، لقيت نفسي واقف في الشارع من غير ولا مليم، والشرطة والقضايا والمطالبات المالية بتجري ورايا في كل حتة. الديون كانت هتهد حيلي، والشركة تم الحجز عليها رسميًا، وكل الأصول اتجمدت.
أخدت ولادي، يوسف وملك، واضطررت أسيب الشقة القديمة وأأجر أوضة وصالة صغيرة في حي شعبى بسيط، بعيد عن البهجة والمظاهر الكدابة اللي جريت وراها سنين طويلة. في أول يوم في الشقة الجديدة، كنت قاعد على الأرض حاطط إيدي على راسي، بفكر إزاي هأكل ولادي وبكره هجيب لهم مصاريف المدرسة منين.
لقيت يوسف دخل عليّه وبيبتسم بابتسامة خفيفة، ومد إيده بـ “حصالة” الفخار القديمة بتاعته وقال: “يا بابا، أنا كسرت الحصالة.. دي كل الفلوس اللي كنت محوشها من العيدية، خديها ابدأي بيها شغل جديد.”بصيت للفلوس القليلة اللي جوه الحصالة، وحسيت بغصة في ضلوعي.
ح. ضنته لحد ما عيطت، وقعدت أقوله: “شكراً يا حبيبي، بسيبك تحافظ على حاجتك، أبوك لسه فيه نفس وهيقف على رجله تاني مهما كلف الأمر.”تاني يوم الصبح بدري، نزلت أدور على شغل. خبطت على كل باب أعرفه، وكل مقاول قديم كنت اشتغلت معاه زمان وقت ما كنت لسه صغير.
الكل كان بيعتذر أو بيبص لي بنظرة شفقة، لحد ما قابلت “عم محمود”، راجل عجوز كان شغال معايا زمان في بداية حياتي لما كنت بطلع الطوب والعضام بيدي. لما شافني ولقاني منكسر، طبطبي على كتفي وقال بحنان: “يا شريف، الخبطة اللي مش بتمو. تك بتقويك.
. تعالي اشتغل معايا مشرف ورشة صغيرة في ورشة الخشب بتاعتي، أجرها على قدها، بس حلال ونظيف.”وافقت من غير تردد. ومن اليوم ده، بقيت أصحى الساعة خمسة الفجر، أجهز الفطار لملك ويوسف، وأوصلهم المدرسة، وبعدين أروح ورشة عم محمود أشتغل بجهدي وعرقي، أركب الخشب وأصلح الديكورات بيدي، لحد ما رجعت كفوف إيدي تخشن زي زمان، ورجعت لي ريحة الشغل الحلال.
بس الجانب الثاني من حياتي، جانب “نادين”، مكنش هيسيبني في حالي بالسهولة دي. في يوم وأنا خارج من ورشة عم محمود، لقيت عربية فارهة سوداء واقفة قدام الورشة، ونزل منها شخص ضخم بعينين حادتين، وقال لي بخشونة: “إنت المهندس شريف؟”قلت بنبرة حذرة: “أيوه، خير؟
“قال وهو بيديني ظرف مقفول: “الأستاذة نادين بتسلم عليك، وبتقول لك إن فيه قضايا شيكات بدون رصيد وتوقيعات على عقود الشراكة القديمة بتاعتك، والقانون لا يحمي المغفلين.. وهي مسافرة بره الدولة ومستحيل ترجع، والديون دي كلها متسجلة باسمك لوحدك في السجلات.
