وجع زوجة١

حضنتها، وأول ما دخلت شقتي انهارت.

كانت بتعيط بطريقة عمري ما شوفتها.

وقالتلي بصوت متقطع:”أنا مش زعلانة إنه هيتجوز… أنا زعلانة إنه استسهل ينساني بعد كل اللي عشناه.”

فضلت طول الليل قاعدة جنبها.

لا أكلت…

ولا نامت…

ولا بطلت تبص في صورهم القديمة على موبايلها.

كل صورة كانت تحط إيديها عليها وتقول:”هو نسي الأيام دي كلها؟”

ومحدش فينا كان عارف يرد.

افتكرت إن دي أصعب ليلة هتعدي علينا…

لكن كنت غلطانة.

لأن الساعة كانت داخلة على اتنين بعد نص الليل…

وفجأة…

جرس باب شقتي رن.

ولما فتحت…

لقيت شخص واقف قدامي، أول ما شوفته حسيت إن الفرح ده… ممكن أصلًا ميتمش.
#حكاوي_شيمو
يتبع…
مين عايزة تكمل الحكاية المشوقة؟ وعايزة توقعاتكم يا ترى مين الشخص ده ؟
وعشان توصلك التكملة نعمل متابعة للصفحة ونعلق بالصلاة على النبي ومننساش لايك ضرورى عشان يرفع البوست ويظهر للمتابعين
أول ما باب شقتي خبط بعد نص الليل… قلبي وقع.
فتحت الباب وأنا متوقعة يكون أخويا، لكن اتصدمت لما لقيت واحدة ست كبيرة في السن، باين عليها الهيبة، ومعاها بنت صغيرة.
بصتلي وقالت: “أنا آسفة إني جاية في الوقت ده… بس مرات أخوكي عندكم؟”
بصيتلها باستغراب، ولسه هسألها مين، لقيت مرات أخويا خارجة من الأوضة، وأول ما شافتها وشها اصفر، وقالت بصوت مخنوق: “حضرتك هنا؟!”
الست قربت منها ومسكت إيديها وقالت: “سامحيني… كنت لازم أجيلك بنفسي.”
أنا مكنتش فاهمة أي حاجة.
دخلنا كلنا الصالون، والست طلبت إن الأطفال يدخلوا أوضتهم.
بعدها قالت الجملة اللي خلتني أتجمد مكاني:
“أنا… أم العروسة.”
بصيت لمرات أخويا، ولقيتها منزلّة راسها، كأنها كانت عارفة إن اللحظة دي هتيجي.
أنا حسيت إن الدنيا بتلف بيا.
أم العروسة؟!
يعني الست دي جاية تدافع عن بنتها؟ ولا جاية تقولنا إن الفرح هيتم مهما حصل؟
لكن اللي قالته بعدها كان أغرب بكتير.
قالت وهي دموعها نازلة: “أنا بنتي متعرفش كل الحقيقة.”
أنا اتكلمت بسرعة: “يعني إيه؟”
قالت: “إحنا اتقالنا إن أخوكي حاول كل حاجة، وإن مراته هي اللي رافضة تخلف، وإنها موافقة على الجوازة وراضية بيها عادي.”
مرات أخويا هزت راسها وهي بتعيط، وقالت لأول مرة: “والله… ولا كلمة من دي حصلت.”
الست شهقت.
وقالت: “يعني… هو مجربش الحقن المجهري؟”
ردت مرات أخويا: “ولا مرة… كل ما أفتح الموضوع كان يقفله ويقول: ربنا مش كاتب.”
سكتت الست شوية، وبعدها فتحت شنطتها وطلعت ظرف.
وقالت: “الظرف ده وصل لبنتي النهارده… من شخص مجهول.”
مدته ليا.
فتحته بإيدي المرتعشة.
كان فيه صور… وتقارير طبية.
لكن أول ورقة قريتها خلتني أبص ناحية أخويا في خيالي وأنا مش مصدقة.
لأن التقرير مكتوب فيه بوضوح…
أن سبب تأخر الإنجاب… مش مرات أخويا.
يتبع…