طفل اختى

اختي الصغيره عندها تلت عيال وحامل كمان..وانا مقدرتش اخلف ابدا، فطلبت منها تديني العيل اللي في بطنها اربيه، وعملت المستحيل عشان اخليها توافق ، بس اللي حصل في المستشفى يوم الولاده محدش اتوقعه ابدا ولا يخطر على بال اي بشړ !!!
عشر سنين كاملين وأنا بلف على الدكاترة من دكتور لدكتور، ومن مستشفى لمستشفى، وكل مرة الأمل بېموت جوايا شوية بشوية. في الآخر، الدكتور قفلها في وشي وقالها بصريح العبارة المشكلة من جوزك، وأمل الإنجاب عنده شبه مستحيل.
يومها الدنيا اسودت في عيني. لما رجعت لبيتي وجوزي حس بكسرتي، قعد قدامي وقالي بهدوء.. لو عايزة تطلقي وتتجوزي اللي يملى عليكِ حياتك

عيال، أنا مش هقف في طريقك.
بس أنا رفضت اسيبه…مش طيبه مني الحقيقه بس لان جوزي كان حنين، وظروفه المادية كانت مرتاحة جداً وكان بيعمل المستحيل عشان يعوضني عن إحساس الأمومة اللي محرومة منه.
رغم ده كله، كنت دايماً بحس بۏجع في صدري.. حتة ناقصة عمري ما قدرت أملاها.
لما أكون قاعدة في أي لُمة عيلة، وأشوف عيال سلايفي وقرايبي بيجروا ويلعبوا حواليا، قلبي كان بيتقبض واتحسر على نفسي. واللي كان بيوجعني أكتر ويقهرني، أختي الصغيرة. اتجوزت بعدي، وربنا رزقها بتوأم، وبعدها خلفت تاني، وبعدها حملت في الرابع!
وكل سنه أروح أبارك لها في ولادة شكل، والناس تتحفني بالكلمة اللي
كانت بتدبحني عقبال لما نشيل عيالك. كنت بابتسم ڠصب عني، بس جوايا ڼار بتحرقني.
كنت ابص لحالة اختي وظروفها واستغرب دي بتخلف كل ده ليه
أختي جوزها كان على باب الله، بيشتغل فواعلي ويوم بيشتغل وعشرة لأ. وفي يوم، ربنا ابتلاه ووقع من مرتفع، ورجله عجزت تماماً وبقى قاعد في البيت. مابقاش يدخل البيت مليم، والناس بقت تبعد عنه.
في مرة، لما ضاق بيهم الحال للدرجة اللي مخلتش في بيتهم لقمة عيش، جم طلبوا مني مساعدة، فطلبت من جوزي يشغل جوز أختي عنده في الوكالة في الحسابات. وفعلاً، جوزي شغله عنده، ومن يومها حالهم اتحسن شوية.
لما فكرت في ظروف اختي دي قلت لنفسي ما أختي عندها أربعة،
ومعهاش

تاكل، وأنا عندي المال كله ومش عندي عيال.. طب ما آخد العيل اللي في بطنها أربيه ويبقى ابني؟.
رحت لأختي البيت، وخدت فاكهه وحجات لعيالها و رميت في وشها القنبلة عايزة العيل اللي في بطنك.. اربيه أنا، ويبقى ابني أنا واللي تعوزيه كله هنفذه.
أختي اټصدمت، وقعدت تبصلي كأنها بتشوف جن قدامها، وقالت بصوت مذهول انتي بتقولي إيه؟! انتي صاحية للي بتنطقيه يا وفاء؟!.
قلت لها برجاء هأمنلك مستقبل عيالك التانين اللي مش لاقيين ياكلوا، وهكتبلك مبلغ يحل كل مشاكلكم.
بس أختي رفضت بشده، وقالت بدموع أبيع لحمي وضنايا لاااء! مستحيل!.
حاولت اقنعها بكل الطرق بس ركبت دماغها
يومها روحت وأنا أعصابي تالفة، بفكر في طريقة تخليها توافق ولو ڠصب عنها.
ولقيت الطريقه الانسب، ، رحت لجوزي وحكيتله على اللي عايزه اعمله وطلبت منه يمشي جوز أختي من الشغل!
جوزي استغرب وقال لي حرام، ده راجل غلبان وعنده عيال، بس عشان كان مكسور وحاسس بالذنب إنه سبب حرماني من الخلفية، وافق في الآخر عشان ابطل زن على دماغه.
وفعلاً، جوزي طرد جوز أختي وقاله مبقاش محتاجه في الوكالة. ومن يومها، الدنيا اتقلبت على دماغ أختي وجوزها. المسكين بقى يدور على شغل هنا وهنا مفيش فايده، رجله العجزانة كانت مقيداه.
وأختي، رغم حملها الثقيل وتعبها، بقت تقعد على المكنه تخيط للناس عشان تلحق تجيب لعيالها لقمة، بس مكنش فيه فايدة. الفقر عضهم في قلبهم، والولاده قربت والعيال جاعت وبقى البيت مفيش فيه حبة دقيق، . وجوزها بقى حالته النفسية مدمرة وحاسس إنه عاجز ومقصر.
لما لقيت الحال وصل للدرجة دي، نزلت على بيت أختي، دخلت لقيتها قاعدة على المكنه وعيالها حواليها جعانين، فطلبت منها تاني نفس الطلب ووعدتها ارجع جوزها الشغل .
أختي بصت لي بنظرة مکسورة وقالت حرام عليكِ.. ليه بتعملي فينا كده..ده انا اختك؟.
قلت لها وافقي على اللي قلتلك عليه، وجوزك يرجع الشغل النهاردة قبل بكره، وحياتكم ترجع أحسن من الأول.
دموعها نزلت بغزارة ووافقت اخيرا وقالتلي.. طيب هتخليني أشوفه؟.
قلت لها بسعادة الدنيا انتي اختي، وأمتى ما تحبي بيتي مفتوحلك.
وفعلاً، اتفقنا.. هاخد