حسن الكورى

انهاردة كنا في المقابــ . ـر بندفــ . ــن والد أعز صديق ليا بعد صراع طويل مع المرض، راجل طيب ومحترم والبلد كلها بتشهد بحُسن خُلقه وشهامته مع الكل بلا استثناء، وابنه للأسف تعب لمــ . ــوت والده، تعب جدًا وكان لازم أقف معاه وقفة الصاحب الجدع اللي ممكن يضحي بنفسه عشان صاحبه..

ليلة طويلة في المستشفى عشان نخلص إجراءات خروج الجـ,ـثمان، وبعدها توفير سيارة دفــ . ــن المــ . ــوتى، ومنها للبلد والمقابــ . ـر وبعدها الدفــ . ــن، وبعدها وقفة كبيرة مع صاحبي ومواساته لحد آخر نفس، وفي النهاية صاحبي رجع البيت مع ابن عمه بعد الدفــ . ــنة وقررت أنا أرجع عشان ألحق أنام ساعتين من سهر الليلة دي، عشان ألحق العزاء من أوله وأقف جمب صاحب عمري..

مشيت في المقابــ . ـر ناحية مكان الخروج بس لفت نظري قط شكله غريب أوي، قط أسود الفرو بتاعه متاكل وأنيابه بارزة وعمال يخدش بعنــ . ــف وغضــ . ــب على باب قبـ . ـر صغير وكأنه عايز يفتحه بأي طريقة، ولما وقفت أراقبه بتعجب، بص ناحيتي بصة شيطانية خلت جسمي كله يرجف، واستعذت بالله من الشيـ . ـطان الرجيم، وبدأت أبعد خطوة بعد خطوة وأنا سامع صوت خدشه ومواءه الغضــ . ــبان، مواء مُخيف، يقشعر الجسم كله..

في اللحظة دي كان ماشي جمبي عم سليم جارنا، سلمت عليه وسألته سؤال بريء:

ـ هو مين اللي مدفون في القبـ . ـر ده يا عم سليم؟؟

بص ناحية القبـ . ـر والقط الغضــ . ــبان وقال برهبة واضحة في نبرات صوته:

ـ ده قبـ . ـر الكوري، حسن الكوري..

استغربت من الاسم لأني تقريبًا معرفش صاحبه بحكم شغلي المستمر في محافظة تانية، بس تجاهلت الموضوع تمامًا وروحت عشان أنام، بس عقلي الباطن مرحمش تعبي واشتغل عليا بكل جبروته وسطوته، وشوفت في نومي إني واقف قدام قبـ . ـر حسن الكوري والجو كله ليل وظلام دامس، بس المُرعب إن باب القبـ . ـر كان مفتوح..

ومن جوة القبـ . ـر كانت فيه دوامة من الظلام الدامس، ظلام يخلي قلبك كله يرجف من الرهبة، ومن قلب ظلام القبـ . ـر بدأ صوت غريب يوصلني، كأن فيه حد بيعض على حاجة أو بيمضغ حاجة، بدأت أقرب براسي لفتحة باب القبـ . ـر عشان أشوف أيه اللي بيحصل، ومسافة ما دخلت راسي من فتحة القبـ . ـر حسيت إن القبـ . ـر كله بقا منور بضوء أحمر غريب،. بقيت شايف كل حاجة تقريبًا، أو مش شايف غير المشهد ده..