حسن الكورى

القط البشع قاعد بينهش في جـ,ـثمان جوة وبياكل في لحمه حرفيًا، ووجه الجـ . ــثه كان منفوخ وجاحظ بشكل يخلي قلبك يقف من الفزع، وقبل ما اتحرك من مكاني القط نط ناحيتي وخربش عنيا، ووقعت، وقعت في قلب القبـ . ـر وصرخت بأعلى صوت..

صحيت وقتها لقيت نفسي واقع من على السرير، عرقان وقلبي بيدق بعنــ . ــف، ريقي ناشف وهمــ . ــوت واشرب ولو كوباية مية، قمت من مكاني كانت الساعة ٧ المغرب، اتوضيت بسرعة وصليت العصر والمغرب وأنا بستغفر ربنا على ذنب تجميع الصلوات ده ولبست عشان العزاء..

بس طول الطريق كان ذهني مشغول بالحلم، والقبـ . ـر، والقط، وحسن الكوري، ذهني مشغول بطريقة تتعب وترهق، حاولت أوهم نفسي إنه مجرد حلم عشان أعرف اتخطى التجربة الغريبة دي، وفي النهاية وصلت العزاء ووقفت جمب صاحبي لمدة تلت ساعات كاملين..

نظرات عنيه كانت كلها امتنان وتقدير ناحيتي، بس هو يستحق أعمل عشانه أكتر من كدا ألف مرة، وعلى الساعة ١١ بالليل كان العزاء بيخلص وآخر معزيين بينصرفوا، صاحبي أقسم عليا في النهاية أروح عشان ارتاح وكفاية عليا كدا، وفي النهاية رضخت لقسمه وسلمت عليه وعلى قرايبه ومشيت، بس وأنا ماشي كان مروح معايا عم سليم جارنا، أول ما لمحته تباطئت في مشيتي عشان أسلم عليه وأدردش معاه من باب التسلية لحد باب البيت..

طبعًا ده الظاهر، إنما الخفي إني كنت عاوز أعرف منه حكاية حسن الكوري المدفـ,ـون جوة القبـ . ـر ده، بعد حديث قصير وبطريقة غير مباشرة قولتله:

ـ بس حلوة فكرة أبواب المقابــ . ـر الحديد دي، لولا كدا كانت الكلاب والقطط نهشوا الجـ,ـثث..

ـ أيوة يابني ياما سمعنا عن حوادث من دي..

ـ ده حتى انهاردة القط اللي شوفناه كان راسه وألف سيف يفتح القبـ . ـر..

ـ ربنا يعافينا يابني..

ـ أنت قولتلي اللي مدفون اسمه.. اسمه.. اه اسمه حسن الكوري، ده مين ده ياعم سليم؟!

بص ناحيتي بحزن غريب وسكت، حاولت اتظاهر بالامبالاة وقولتله:

ـ ما تحكيلي يا عم سليم حكايته يمكن اتعظ منها..

طال الصمت أكتر لدرجة إني اعتذرت وقلت:

ـ لو مش حابب أنا آسف وخلاص ما تحكيــ…..

قاطــ . ــعني بصرامة وقال:

ـ هحكيلك..

………………

حسن الكوري ده صاحب أشهر قهوة في قرية ال……… وبرضه ممكن تعتبره أشهر بلطــ جـ .ـي في المنطقة، الكل بيهابه وبيعمله ألف ألف حساب، راجل واخد الدنيا بصدره ومبيعملش اعتبار لأي حد مهما كان..