شوفت جـ,ـثمانها طالع من وسط النــ . ــار والرماد مالوش أي ملامح، شايلينها على بطانية وجسمها كله بقا عبارة عن سواد، لحم بشري اتغذت عليه النــ . ــار حتى النهاية، لحم أمي، ومن حوليا كان واقف العشرات من الناس بيحوقلوا بحُزن وشفقة على حال الشقة اللي اتحــر . ــقت بالكامل وخدت معاها الست فوزية رحمة الله عليها.. كل ده بيحصل حوليا وأنا واقفة بعيون زايغة، مش مصدقة لحد اللحظة دي إن الشقة اللي اتحــر . ــقت دي شقتنا، وإن الجـ . ــثه المحروقة اللي طالعة دي تبقا جـ . ــثه أمي، لحد ما شوفت السلسلة في رقبتها، السلسلة اللي كنت جيباها هدية ليها، وقتها بس وقعت على الأرض، وصرخت بأعلى صوتي لحد ما اتقطع، وشقيت هدومي كلها وشلت التراب وحطيته على راسي.. الكل كان بيحاول يمسكني، يهدوني، يفكروني بالله وبالصبر، بس واحدة زيي مش هتنجح في الاختبار ده، لأنه اختبار صعب، صعب أوي، وفضلت تلت أيام تايهة وفاقدة الإدراك تمامًا، حتى لما شالوا الجـ,ـثمان على الخشبة كنت مبتسمة كأني فقدت الوعي، واتدفــ . ــنت أمي، واتحــر . ــقت الشقة، ولقيت نفسي بعد أيام لوحدي في شقة محترقة بالكامل.. الشابة اللي كملت ٣٠ سنة ولسة متجوزتش دلوقتي بقت مطالبة تحارب الحياة كلها لوحدها، وتترمي في الشوارع عشان تعرف الدنيا على حقيقتها، بس في نفس اليوم كانت اختي أسماء معايا ومعاها جوزها وبنتها منة، وخدوني عشان أعيش معاهم الفترة دي لحد ما ربنا يسهل ونشوف الأمور هتمشي ازاي، وأنا مكنتش هرفض، ومينفعش أرفض، مانا لو معشتش معاهم أكيد مش هفضل في شقة محروقة أمي اتحــر . ــقت فيها.. وصلت شقتهم وسط ترحيب كبير ومواساة من جوزها الدكتور صبري وتذكير بأقدار الله والصبر على البلاء وكل الكلام ده، وفي النهاية استقريت في غرفة جمب غرفة منة وقصادنا كانت غرفة اسماء وجوزها، وبدأت حياتي الجديدة هادية جدًا، خاصة إنهم نوعًا ما قدروا يخرجوني من حالتي النفسية الصعبة.. كام خروجة للنادي وأسبوع مصيف خلاني شبه رجعت من تاني لنفسي المتزنة والهادية، خاصة لما بدأت انسجم معاهم ومع حياتهم المرفهة نوعًا ما وتستقر الحياة أكتر وأكتر، وبالأخص لأن الدكتور صبري زوج أختي كان راجل خمسيني ومهذب جدًا وبيعتبرني أخته الصغيرة مش مجرد أخت مراته.. وبما إني كمان قريبة من عمر منة بنته اللي في أواخر العشرينات، منة اللي صاحبتها أكتر وبقت علاقة ما بين اتنين صحاب مش مجرد خالة وبنت أختها، واستمر الحال تقريبًا لمدة شهر كامل، صبري بينزل الصيدلية بتاعته ويرجع بالليل عشان نتغدى ويدخل ينام هو وأسماء ونسهر أنا ومنة شوية وبعدها كل واحد يدخل الأوضة بتاعته، لحد ما جت ليلة كانت من أسوأ الليالي اللي ممكن تمر عليا.. اتغدينا على بعد المغرب وشربنا الشاي في طقس ثابت ومقدس في الأسرة وبعدها كل شخص دخل أوضته عشان يرتاح شوية، ودخلت أوضتي وكنت ناوية أسهر شوية بس حسيت بصداع وإرهاق بدني فظيع، إرهاق خلاني اترمي على السرير وكأني كنت بشتغل لأيام طويلة متواصلة، بس مسافة ما نمت حسيت بجسمي بيتكتف تمامًا كأن فيه جبل كامل على صدري.. الحالة دي أنا عرفاها كويس، الحالة دي بيقال عنها إنها الجاثوم، بس ده جاثوم مرعب أوي، بتحس إن جسمك كله متخدر تمامًا، إلا عنيك هي اللي مفتوحة وشايفة الأوضة كلها بكل تفاصيلها، إحساس بشع، حاولت اتحرر منه بأي طريقة مقدرتش، حاولت مرة واتنين وتلاتة بس كان الوضع صعب جدًا، ووسط شلل الجسد المرعب ده شوفت بعنيا باب الأوضة بيتفتح بهدوء شديد جدًا، مقبـ . ــض الباب بيتحرك، والباب بيكشف عن الشخص اللي بيفتحه بهدوء تام.. ركزت في ملامحه بس الضوء كان قليل أوي، مشوفتش غير ظل أسود دخل بهدوء تام لحد ما وقف قدام سريري، وقتها بص في عنيا وبصيت في عنيه، وش أمي، أيوة وش أمي بس بوجه محترق بشع، عنيا جحظت جحوظ الأموات، حاولت أشهق مقدرتش، حاولت أبكي مقدرتش، وهي أول ما شافت عنيا مفتوحة وشايفاها تراجعت بسرعة وخرجت من باب الأوضة.. بس الجاثوم فضل مستمر، وفضلت وقت طويل حاسة زي اللي مقيدة بسلاسل من حديد، لحد ما جسمي نوعًا ما بدأ يفك ويهدى، وصحيت مكاني أبكي وأفرغ كل انفعالاتي على هيئة سيول من الدموع، وخرجت عادي وحاولت أتمالك نفسي عشان محدش يلاحظ حاجة، يمكن مجرد كابــ . ــوس وهينتهي.. وعدى اليوم هادي جدًا بس جسمي فضل يترعش كل ما يفتكر تفاصيل الحلم البشع ده، لحد ما رجع الدكتور من صيدليته واتغدينا وشربنا الشاي ودخلنا من تاني كل واحد مكانه، مسكت كتاب حاولت اقرأ فيه شوية بس مقدرتش من الصداع والإرهاق اللي مسكني من تاني، حاولت أقاوم عشان ميتكررش اللي حصل امبارح بس مقدرتش، وكل حاجة اتكررت من تاني بالتفصيل، بس مع تطور أسوأ وأسوأ.. جاثوم رهيب مسك جسمي كله من تاني، عنيا بس اللي كانت مفتوحة، عنيا اللي كانت جاحظة وبتراقب باب الأوضة اللي بدأ يتفتح من تاني بهدوء شديد، وقتها كنت حاسة بفزع ملوش مثيل، فزع اللي بيحصله موقف مُخيف ومعندوش حتى القدرة يصرخ ولو صرخة واحدة، كل صرخاتي خرجت جوايا، وكل استغاثاتي متخطتش لساني، كأنها سكرات المــ . ــوت لشخص عاصي، روحه بتنازع وبيتألم ألم رهيب بس مبيقدرش يهمس بنص كلمة، مجرد نظرات من عيون جاحظة بكل ألم الكون.. وظهر من تاني، وجه أمي البشع، وقفت قدامي تبص في عنيا بثبات رهيب، ثبات خلى قلبي يدق بفزع، أنفاسي بدأت تخرج مني بصوت نزوع الروح، بس جسمي رفض يتحرك ولو حركة واحدة بس، وقتها بدأ الكيان البشع ده يقرب مني، وبدأ يتحسس جسمي بتردد غريب، كأنه بيقيس ردة فعلي، بس أنا كنت مشلولة، دموعي بتسيل في صمت غريب، ولما فضلت على حالي بدأ يتمادى أكتر ويلمس جسمي من كل مكان تقريبًا.. لحظات عصيبة، مُرعبة، لحظات تشيب الشعر، خاصة من ملمس الإيد الباردة المُخيفة دي، في اللحظة دي تراجع الكيان المُخيف بهدوء وخرج من الأوضة، وصحيت تاني يوم ببكي بصمت، حاسة برعب رهيب ماسك في كياني كله، وكملت اليوم ما بين بكاء وصمت وشوية واسمع قرآن.. وجت اللحظة الأصعب لما اتغدينا وشربنا الشاي ودخلت الأوضة، حاولت أنادي منة تنام معايا انهاردة بس كانت بتحضر ماجيستير وبتذاكر، ومكنش ينفع تقعد معايا، وكل اللي حصل اتكرر تاني؛ صداع، إرهاق، شلل رهيب، ووجه أمي البشع مع كيان رهيب بيتحسس جسمي بنهم رهيب، وكان الهول لما بدأ ينزع عني لباسي ويكشف جسمي قدامه.. أنا كنت في أسوأ كابــ . ــوس ممكن يمر على شخص حي، أنا كنت بعمل علاقة مع شيطان رهيب، خاصة لما تمادى وبدأ يعتدي عليا إعتداء كامل، إعتداء جنـ ـسي صريح، فج، انتهى بعد إغماء كامل مني، وصحيت من نومي، صحيت وجسمي كله علامات عنيفة، علامات بتقول إن كل اللي حصل كان حقيقي، حقيقي بدرجة كبيرة.. وفي الليلة الجديدة دخلت آخد دش عشان منمش، بس الإرهاق بدأ يغزوني، والصداع، خرجت أجري من الأوضة، دخلت أوضة المكتبة الصغيرة بدور على دكتور صبري، يمكن معاه أي حاجة منشطة للذهن بما إنه صيدلي وبيفهم، دخلت المكتبة.. وشوفت وجه مطاطي بشع، على شكل وجه أمي بس محترق على الكرسي، مسكته بذهول وأنا مش فاهمة، في اللحظة دي حسيت بيه ورايا، بصيت برعب لقيت جوز أختي واقف مبتسم، وقبل ما أهجم عليه من الصدمة كان الشلل مسك جسمي من تاني، ووقعت قدامه لا حول ليا ولا قوة، وبصلي بابتسامة شــ . ــرسة، رهيبة.. لبس الماسك قدام عيوني المذهولة ورجع قلعه تاني، وبدون أي رحمة اعتدى عليا من تاني إعتداء كامل بدون أي شفقة أو رحمة، وبعدها بدأ يتكلم، بيتكلم وأنا سمعاه بس مشـ,ـلولة تمامًا، بيتكلم بصوت عكس صوته الودود اللي اتعودت عليه.. ـ لو نطقتي بكلمة واحدة هوديكي في ستين داهية.. وبدأ يضحك بصوت عالي، بعدها كمل كلامه وقال: ـ طبعًا هتمــ . ــوتي وتعرفي ده حصل ازاي، ببساطة أنا راجل صيدلي، وعندنا عقار ممنوع وسط أوساط الكيميائيين قليل بس اللي يعرفه، عقار بيشل الجسم لست ساعات متواصلين، بيخلي الأجزاء الحيوية تقف تمامًا، بس الإدراك شغال، وبما إن أمك ماتت فقولت نجيبها من سكة الجن، وعملت ماسك لذيد وحطيتلك جرعات في الشاي وخدت منك اللي أنا عاوزه، بما إنك عانـ ـس وملكيش أي لازمة أو قيمة في الحياة.. شوفته بيمسك موبايله، وبيصورني عريانة وبيبتسم، بعدها فضل سهران جمبي لحد الفجر، وبعد الفجر بدأ جسمي يرجع لطبيعته وأقدر اتحرك، لما لاحظ ده بدأ يزعق بصوت قاسي: ـ احترمي نفسك يا قذرة..ومع صوته العالي صحيت أختي وبنتها، شافوني شبه عر.يانة وهو بيزعق ومتعصب، قالهم: ـ القذرة جاية المكتبة وأنا سهران بعمل بحث عشان تعمل معايا حاجة قذرة.. كنت مصدومة، مبنطقش، أختي شتمتني بأبشع الألفاظ، لامت نفسها إنها لمت واحدة زيي من الشوارع، واحدة مفيش خطوبة بتكمل معاها لأنها حقودة ومتستحقش العشرة، ومنة اعتدت عليا جسديًا وطردوني برة البيت كله، طردوني ورمولي اللبس على السلم، وهددوني لو رجعت هيحبسوني، خرجت من البيت مقهورة، بتمنى المــ . ــوت، بتمنى الهلاك.. وشوفت قدام عنيا مشهد واحد بس، مشهد قديم، قديم أوي، ومسكت موبايلي وأنا بترعش وفتحت محـ .ــادثات الماسنجر، بحثت بصوابع مرتعشة؛ “نهى أحمد”.. وظهرت آخر رسالتين اللي اتبعتوا من سنين طويلة.. ـ أبـ,ـوس إيدك أشهدي بالحق، الموضوع مبقاش فصل من الكلية، الناس كلها عرفوا هنا وأمي بتمــ . ــوت، بالله عليكي حياتي بتدمر.. بعد أسبوع رسالة تانية.. ـ أمي ما,تت، أمي ما.تت بسببك ربنا ينتقم منك بأبشع طريقة.. ……………… من كام سنة وأنا في الكلية طلعت أنا وصاحبتي نهى لدكتور القسم عشان مشكلة ما، أنا اتأخرت شوية ونهى دخلتله على طول، لما دخلت بعدها عليهم فوجئت بالدكتور بيعتدي على نهى وهي بتبكي ومصدومة صدمة رهيبة.. كانت بنت قمة في الخُلق والأدب، ومع الصدمة كانت بتبكي وتترعش، لما أنا فتحت الباب الدكتور اتخض وهي خرجت تبكي وتعيط، وقتها الدكتور هددني لو قولت حاجة هيشيلني السنة كلها ويعمل فيا محضر.. وقتها أمن الكلية جه لما شافوا نهى منهارة واستدعوا الدكتور اللي شهد إن نهى هي اللي كانت بتحاول تقرب منه عشان ينجحها، ولما طلبوا شهادتي ومن خوفي من الدكتور ومن السقوط شهدت إن نهى هي اللي بعدتني عشان تدخل لوحدها وتغوي الدكتور تعمل معاه علاقة عشان ينجحها.. يومها شوفت في عيون نهى نظرة ذهول وقهر مش نسياها لحد انهاردة، بعدها وصلتني رسايل منها، بتترجاني أشهد بالحق لأنها اتفضحت في بلدهم وأمها مريضة قلب وهتمــ . ــوت لو عرفت عنها كدا، بس أنا تجاهلتها، ولما خدت نصيحة أمي قالتلي معملش عداوة مع الدكتور وأسكت على كدا، في النهاية أم نهى ماتت، ونهى وقعت في فضيحة كبيرة.. بس عين الله لا تنام، أمي اللي شجعتني على الباطل ما.تت محر.وقة، وأنا اللي شهدت بالباطل اتفضحت وسط محيط قرايبنا كله وجوز أختي كان مريض ونزل صوري عريانة على النت وبقيت منبوذة من الدنيا كلها، غير مــ . ــوت أمي البشع وفسخ أكتر من ٦ خطوبات لأسباب غير مفهومة.. الدكتور نفسه اللي اعتدى على نهى من سنتين عمل حـ .ــادثة رهيبة وطلع بث مباشر وهو على فراش المــ . ــوت يعتذر لنهى ويطلب منها السماح قبل مــ . ــوته، لأن لعنتها بتطارده في حياته كلها، ومات بعدها بتمزق كامل في صدره.. كل ده حصل انتقامًا من الله للبنت الطاهرة اللي اسمها نهى، كتبتلها بأصابع مرتعشة كلمتين وبس.. ـ سامحيني يا نهى.. بعد خمس دقايق جالي الرد، جالي رد صعب قوي.. ـ أكيد بتكلميني لأن ربنا انتقم ليا منك، سبحان المنتقـ,ـم رب السماوات، الحمد لله، الحمد لله، الحمد لله.. ـ أبـ,ـوس إيدك سامحيني، أمي مـ,ـاتت، وأنا اتفضـ,ـحت واتطـ,ـردت.. ـ وأنا لما أمي ماتت مرحمتيناش ليه.. ـ طول عمرك أحسن مني وقلبك أبيض، أعمليها لوجه الله.. ـ للأسف غصب عني مع الوقت هسامحك لوجه الله لأني مبقدرش أشيل من حد ومبعرفش أعبد ربنا وأنا بكره حد، وربنا يتولاكي.. وقفلت عشان أعرف إن جتلها منحة من سنين برة مصر وحاليًا متزوجة وعايشة برة وبتدرس في جامعة عربية، بعد ما الدكتور مات وبرأها قدام مصر كلها بس هي كانت هاجرت، وربنا انتقملها انتقام عادل، وقتها بس عرفت يعني أيه (ألا وقَوْلُ الزُّورِ) عرفت إنك لو هتمــ . ــوت والسيف على رقبتك إياك تقول إلا كلمة الحق حتى لو على أقرب الناس ليك، لأن كلمة الحق هتنجيك دنيا وآخرة، وكلمة الزور هتدمـ,ـر حياتك وهتصعب خروج روحك وهتدمـ,ـر آخرتك، وأنت واختيارك.. شهادة الزور من الكبائر والعياذ بالله [فَاجْتَنِبُوا الرِّجْسَ مِنَ الْأَوْثَانِ وَاجْتَنِبُوا قَوْلَ الزُّورِ] سورة الحج بقلم/ أحمد محمود شرقاوي
