عشق

الفصل الأول شهقت سمر رعبا من هذا الكائن حاد الملامح وقاتم العينين بالرغم من لونهم العسلي الاخاذ وهو يرمقها بنظرة غريبة ثابته لا تتزحزح، حاولت تمالك نفسها فأبعدت عينها عنه وعقلها يحاول فهم هذا المجنون المرعب الذي ظهر من لا مكان؟! ربما يغازلها بحماقه كسائر الشباب! لكن غزل بهذا الجنون بعينيه؟! هل هذه طريقه جديده؟! واذا كانت! فهل تنجح في جذب اي فتيات ام يقتلهم رعبا؟! سمر لنفسها: امشي بسرعه، انتي واقفه ليه؟! حاولت السير مرة اخري ولكنه بخطوة اوقف تقدمها للمره الثانيه! مصطفى بصوت اجش غريب عنه وكأنه لم يتحدث منذ سنوات فيعود ويكتشف صوته مع رؤية هذه الجنيه الصغيرة وهي ترتدي بنطال قصير تحت الركبه و تي شيرت لا يتعدى ربع كمها... -انتي مجنونه؟! انتي فاكرة نفسك في ماشية في بيتكم؟! ايه اللي انتي لبساه ده؟!.. سمر بخوف و تلجلج: لو سمحت عيب كده، عديني! -تعدي فين؟! انتي مسمعتيش حاجه من اللي انا قلتها دلوقتي؟ انتي منين اصلا انا اول مره اشوفك هنا وقعتي علينا من انهي داهيه وتبع مين؟! شعرت بضربات قلبها تتسارع خوفا فاستدارت سريعا للعوده داخل المبني والي ما ستصبح شقتهم و مأواهم هذه الفتره حتي تنتهي محنتهم! نظرت خلفها حين سمعت خطوات رعديه خلفها فانتفض قلبها اكثر واكثر وحثت قدماها الصغيرتان علي الاسراع لتصل الي شقتها لتدق الباب بعنف عسي ان تنقذها والدتها من هذا المخلوق! رأى الرعب و الخوف المطلق في عينيها فتحكم في خطواته قليلا ووقف منتصف السلام ينظر لها وهي تدق الباب بهلع و عقله يحاول تذكر من يسكن هنا او يملك هذا المكان! فتحت والده سمر الباب بخضه فاسرعت للدخول لتغلق الباب الا انه بخطوتين من ساقه الطويله منعها ووقف بطوله المهيب امامها وهي ترتجف كفرخ صغير يختبأ بوالدته وتخفي رأسها كالنعامه وكأنه سيختفي من امامها ان لم تراه! شعرت والده سمر بخوف من هيئته المريبه لوهله حتي استجمعت قواها لتحايله بصوتها الامومي... -في حاجه يا ابني؟! احتضنت ابنتها بخوف بينما ابتعد هو قليلا عن الباب ليعطيهم مساحه، فهو يعلم جيدا تأثير هيئته الضخمه، و بنيته الشبه عملاقه بطوله الذي يكاد يصل الي 7 اقدام و اكتافه المشابهة لحائط بشري متنقل و حاجبه المتأكل من المنتصف كعلامه من احدي معارك الشوارع الذي اعتاد عليها وتفننها! قال بصوته الرجولي وهو يحاول ان يخفف من حدته... -السلام عليكم يا حاجه، ممكن اعرف انتو مين؟ انا اول مره اشوفكم هنا؟! نطقت سمر بشبه غضب ووجهها مخبأ في احضان والدتها... -مش فاهمه ليه لازم تعرف احنا مين، ناس عادي يعني؟! ارتفع صوته بحده فهو لم يتعلم السيطره علي غضبه والصبر... -عشان هنا مش وكاله من غير بواب؟! وبعدين انتي حسابك لسه اصبري عليه، بذمتك مش مكسوفه من نفسك؟! نظرت له بغضب وهي ترا الاتهام في عينيه... -انا عملت ايه؟! انت اللي وقفتني وانت اللي جريت ورايا لحد هنا وكنت هتم*وتني من الرعب وفي الاخر ابقي انا اللي مش مكسوفه من نفسي؟! خرج جيرانهم في الشقه المقابله والذين اعطوهم الشقه ليسكنوا فيها لبعض الوقت... ام عزت: في ايه يا ام سمر؟ التفت لها مصطفى وهو يحادثها دون مقدمات... -مين دول يا ام عزت؟ ردت وهي تنظر ارضا بتوتر... -هاه دول قرايبي وجايين يقضوا مصلحه فتره كده وهيرجعوا ييتهم تاني؟هو حصل حاجه بعد الشر؟! نظر بعينه نظره خاطفه وغاضبه الي سمر وهو يستكمل حديثه من بين اسنانه... -قرايبك علي عيني وعلي راسي يا ام عزت بس اللي الهانم لبساه ده مش هيمشي هنا هي مش في بيتهم دي نازله شارع! وقفت سمر وراء والدتها بذهول من تصرفات وتحكمات هذا المجهول كليا بالنسبه لهم... -انت مين اصلا عشان تقرر البس ايه ولا فين؟! انت كائن غريب اوي؟ -انا محترم امك، وماسك نفسي بالعافيه، انتي هنا عايشه وسط رجاله وتمشي بقانونهم واللي اقوله يمشي! -اسمها مامتك يا بني ادم انت! اتجهت ام عزت بخوف نحوها حتي تخرسها فهي لا تعلم مع من تتشاحن هذه الشقيه... -يقطعني معلش اصلهم جداد هنا ولسه ميعرفوش الاصول هنا ماشيه ازاي، معلش يا خويا عندي المره دي! نظر لها مصطفى من اعلاها لاسفلها بنظره ثاقبه ارعشتها رعبا من جراءته وقال... -عن اذنكم... نزل سريعا بخفه لا تتوافق مع جسده الضخم تماما كخصره المنحني للداخل لينزل بساقيه القويتان والتي تستطيع رؤية عضلاتهم بارزة و مقسمه من بنطاله الجينز! وكأنه منحوت من الصخر وليس انسان من لحم و دم! دفعت ام عزت سلوى بخفه للداخل واغلقت الباب وهي تضع يدها علي قلبها... ام عزت: اخس عليكي يا بنتي، هو ده بنعصي ليه كلمه! سمر بخوف و شجاعه مصطنعه سألت باهتمام... -مين ده يا طنط ام عزت وماله و مالنا ومهتم بينا ليه اوي كده كأننا في بيته؟! ام عزت: ده يا بنتي يبقي مصطفى ابن كبار المنطقه عيلته هي اللي ماسكه المشيخه في الحارة! سمر بتعجب: ده شيخ؟! طنط ام عزت بليز قوليلي ان حضرتك بتهزري! ضحكت ام عزت ضحتها الرنانه المشهورة علي سذاجتها... -مش قصدي شيخ جامع يعني اقصد هما كبار المنطقه ولو حصل حاجه ولا مشكله بين حد هما اللي بيحلوها، يعني مثلا وقت الثورة هجم علينا البلطجيه ومحدش قدر عليهم غير بسم النبي حرسه وصاينه مصطفى و ابن عمه ورجالتهم، وابوه الكبير هو اللي ليه الكلمه والطوع هنا... وضعت سمر يدها علي فمها بخضه وعيناها متسعتان رعبا... -يعني بلطجي؟! ام عزت بتوتر: هشششش اسكتي لحد يسمعك، يابنتي الله لا يسيئك ركزي معايا، بصي هنا في منطقتنا بنمشي بالعرف وهما اللي مسكينه ومحافظين عليه، فهماني! -ويبقي فيه عرف ليه؟! اومال فين الحكومه؟! دي همجيه يا طنط! -يييييي هتتعبيني ليه بس؟! اقولك اعتبري الحكومه يا ستي احنا ناس وحشه و جهله وبنحب كده! ممكن بقا تشوفي هو قالك ايه بالظبط وتنفذي... قاطعتها سلوى: بصي يا سمر يابنتي بلاش مصايب احنا بنقول يا حيط دارينا... سمر: والله يا ماما ما عملت حاجه انا طلعت خطوة من باب العمارة لقيته واقف قدامي سادد الماية والنور! سلوى بغيظ: يووووة عليكي ما كنتي عدتيه يا سمر لازم تعدي انتي الاول هتفضلي عيله طول عمرك! سمر بدفاع: ابدا يا ماما، ده كان عايز يدوس عليا مش يعدي ده هو شافني واتعصب اوي و كان هيجبلي سكته قلبيه... ام عزت: خلاص خلاص حصل خير، المهم بعد كده تركزي وبلاش مصطفى خالص... عقدت ذراعيها وهي تندب حظها والذي يدخلها من دوامه الي اخري اشد خطورة، لاحت امامها نظرات عيناه المجنونه و المربكه فانتفضت قليلا.. سمر بخفوت: انا هدخل انام شويه، اعصابي باظت خالص يا مامتي! اغلقت سلوى الباب خلف ام عزت بعد ان ودعتها واستدارت بتأنيب لابنتها الحمقاء، لكنها تشعر بها فهي صاحبه ال 50 عام انصهرت اعصابها عند رؤيته بمظهره العنيف والهجومي بدون سابق انذار... -روحي ارتاحي شويه يا بنتي، و خدي بالك من نفسك من هنا ورايح، احنا مش نقصين كفايه ابوكي! توجهت الي غرفتها لتنفجر بكاء بمفردها علي زوجها المسكين... نظرت لها سمر تشعر بآلامها وانطلقت شبه واعيه الي غرفتها الصغيرة ذات الفراش المتهالك، وضعت جسدها علي فراشها وهي تنظر للسقف لتحملها افكارها الي ذلك المتوحش الذي اقتحم محاولاتها للتأقلم دون اذن، وضعت يدها علي صدرها ترجو قلبها أن يهدأ قليلا ولا يثب كالارنب المذعور... سمر لنفسها: طلع ازاي ده مش عارفه! بس الحمدلله انه مشي، اصل انا نقصاه في المصيبه اللي احنا فيها دي... انتقلت بتفكيرها الي والدها وارجعتها افكارها الي الليالي السابقه والكارثه التي هبت عليهم من حيث لا يدروا! فلاش بااااااااك... ترررن تررررن ترررن تررررن اعلن الهاتف عن وصول مكالمه و سلوى تجهز الطعام... سلوى: ياااا سمر ردي علي التلفون ايدي مش نضيفه! سمر بابتسامتها المشرقه... -حاضر يا مامتي... توجهت اليه ورفعا السماعه تضعها علي اذنها... -الوو، بابي ازي حضرتك وحشتني اووووي، ايه حاضر... ابعدت السماعه قليلا وهي تنادي والدتها وتستعجلها لمحادثه والدها... سلوى: ايوووة ايييوة هاتي التلفون وادخلي كملي غرف... -حاضر يا قلبي وابقي طمنيني علي بابي عشان حساه متغير... هزت رأسها بموافقه واطرقت في حديثها مع والدها، ما ان وصلت الي باب الغرفه حتي وصل صوت والدتها الهالع الي اذنها... -انت بتقول أيه؟! عصام انت واعي للي بتقوله ده؟ خانتها قدماها لتسقط علي المقعد خلفها وهي تضع يدها علي فكها لتلجم شهقات بكاءها المهدده بالهرب فأي لحظه... سلوى ببكاء: يعني انت مش هتعرف تيجي مصر تاني! وقفت سمر كالتمثال مشدوها مما تسمعه و تتابع بعينيها فقط جميع حركات والدتها وتعابيرها بخوف مطلق لم تعرف له مثيل... -ازاي هنستخبي وهنسيبك كده! انت متأكد ان شريكك هو اللي نصب عليك ووقعك؟! اوصلتها قدماها بأعجوبه وهي تجثو علي ركبتيها وتستند بيداها الاثنان علي ساق والدتها المفطورة من البكاء، فأحست بعينها تغروق بالدموع... -بابي ماله؟ جاءت لحظه صمت من الجهه الاخري للهاتف وهو يستمع الي نبرة فتاته الوحيده والتي سعي جاهدا ليصل الي هذا المستوي المادي الكبير من اجلها، نظرت سلوى الي عين ابنتها بحزن وألم... سلوى بصوت متقطع منهك المشاعر... -سعد نصب علي باباكي قبل ما يسافر دبي يشوف الناس اللي هتتعاقد مع سلسله مطاعمنا و قدر يمضيه علي تنازل بحقه في المطاعم ووصل امانه ب 50 مليون جنيه! اخذت نفس عميق وارتعشت شفتاها وهي تستكمل لسمر التي جلست امامها مذهوله... -وقدم الوصل للبوليس ودلوقتي لو باباكي رجع مصر هيقبضوا عليه في المطار! اخذت سمر الهاتف من والدتها... سمر بصوت محشرج.. -بابا حضرتك هتعمل ايه؟ رد عصام منكسرا: متقلقيش يا بنتي انا في خلال ساعه هركب الطيارة علي اليونان وان شاء الله هدبر اموري... اخذ نفس عميق يحث نفسه علي استكمال المكالمه، ليقول بصوت جادي... -سمر اسمعيني يا حبيبتي انتي لازم تبقي قوية وتقفي مع ماما في المحنة دي لاني عاجز خلاص! سمر ببكاء: متقولش كده يا بابا! انا هروح اقابل اونكل سعد اكيد في سوء تفاهم او... قاطعها والدها بحده: اووووعي تعملي كده! مفيش وقت للكلام ده، انتي هتاخدي ماما دلوقتي وخدي كل الفلوس معاكم واوعوا تستخدمي الكرديت كارت او تيجي ناحيه الحساب في البنك هيقدر يوصل لمكانكم منه، انا بعت مراد اللي كان ماسك مدير مطاعمنا في القاهره ونقلته اسكندريه فكراه اللي كان بيذاكرلك في ثانوي... سمر بخفوت: ااه... هز رأسه بالرغم انها لا تستطيع رؤيته، اغمض عينيه للحظه، ليردف بصوت ضعيف... -انا اسف يا بنتي خذلتكم ومش قادر احميكم! سمر وهي تحاول ان تحافظ علي رباطه جأشها... -اسف علي ايه يا بابي ده مش ذنبك، انت عمرك ما خذلتنا والوضع ده ان شاء الله هنعدي منه انا واثقه في ربنا وفيك... ابتسم بضعف بلا مرح... -بسرعه يا سمر واسمعي كلام مراد.. سمر بشك: و ليه واثق فيه كده؟مش يمكن معاهم يا بابا! -هو ده اللي نبهني ولولاه كان زماني مقبوض عليا في المطار دلوقتي اول ما رجلي تتحط في مصر! اغلقت عينها بألم وهي تمسك بيد والدتها مسانده لها حتي تتوقف عن البكاء... -خدي بالك من نفسك و من ماما يا سمر، روحي مش هطول عليكي واكسري الخطوط بتاعتكم وهاتوا خط جديد وانا هتواصل مع مراد وهاخد الرقم منه، بسرعه يا سمر نص ساعه ومش عايزكم في الفيلا دي، امك مش حمل مرمطه، هاتي ماما اكلمها... اعطت والدتها الهاتف وهبت علي قدماها تركض الي الطابق العلوي حيث الغرف اخذت تعبث بخوف في ارجاء غرفتها و غرفه والدتها لاخذ ما يمكن ان يستفيداه منه حتي انها اخذت جميع مصوغاتهم الذهبية عسي ان يحتاجوها، ووضعتها في حقيبة سفر ترمي بعض الملابس سريعا دون وعي وتوجهت الي غرفه والدتها فوجدتها اسرع منها مرتديه ملابسها وتجهز حقيبتها.. رن جرس الفيلا معلن عن وصول المنقذ المنتظر، استدارت سمر لتفتح الباب، الا ان صوت والدتها اوقفها بحزم... -استني يا سمر انا هفتح ليكون حد غيره... نزلتا بسرعه ونظرت سلوى من العدسه السحرية فاطمئنت وفتحت الباب لمراد الذي يظهر التوتر والوجوم علي وجهه... سلوى بقليل من الترحيب وقلبها يخفق بخوف... -اهلا يا مراد اتفضل.. هز رأسه بنفي وهو يرد عليها الترحاب... -اهلا يا مدام، معلش مفيش وقت انا معايا العربيه برا ولازم نمشي حالا.. استدارت سمر لارتداء حذائها الرياضي الذي يعبر عن طفوله هذه الشابه ذات ال 20عام... لم يعلق مراد علي حذائها بالرغم من ارتفاع جابنب فمه قليلا، واشار لهم بالتحرك... انتهي الفلاش باك... سمعت سمر صوت محرك يزأر بعنف فأفاقت من شرودها، استقامت بحاجبين معقودان وهي تتعجب من شراسه هذا الصوت المألوف قليلا دون ان تعرف مصدره! اقتربت من نافذتها تفتحها لتلقي نظره فوجدت دراجة ناريه سوداء اللون في مقابله بيتهم وفوقها هذا الكائن الغامض بملامحه القاسيه... سمر لنفسها: طبعا الاازعاج هيجي منين! كان لازم اعرف اووف! نظر لها فجأه كأنه يستشعر نظراته فرمشت بخضه و انتفضت بخوف عندما تحولت نظراته الي الغضب فتراجعت خطوات صغيرة ببطئ حتي اختفي عن انظارها وقلبها يدق بعنف، رفعت يد المرتجفه الي صدرها وابتلعت ريقها... ما هذه الهالة الفجه المحاطه به والتي تجعلها ترتجف في كل مرة من المرتين التي رأته فيها؟! سمر بدعاء: يارب وفق بابا وطلعه من المصيبه دي وخليني افهم الراجل المخيف ده مخنوق مني انا بالذات ليه؟! رفع قدمه من علي المحرك بعد ان قرر عدم المغادرة، نظر له بلال بحاجب مرفوع ويتابع تحركاته الغاضبه وهو يجلس علي احدي الكراسي الخشبيه للمقهي بجوارهم... بلال: مالك يا ابن عمي مش متظبط ليه؟ زفر مصطفى بضيق... -مش عايز اتكلم دلوقتي يا بلال! نده صبي المقهي ليحضر له قهوة و ارجيلته... بلال: يابني انت مش كنت عامل زي الىرجل الاخضر من 5 دقايق وماشي عمل تشوط في الناس يمين وشمال، كام مره قلتلك وانت متعصب بص تحت رجليك مش كل يوم ضحايا! رمقه مصطفى بنظره قادرة علي فلق الحجر من غضبها الا ان ابن عمه السمج يبتسم من الاذن الي الاذن بكل استمتاع... -حط لسانك في بوقك عشان متبقاش الضحيه الجديده! الفصل الثاني رفضت عينيه المثول امام رغبة عقله في الابتعاد عن نافذة الجنيه الصغيرة التي الهبت داخله بطريقه لم يعتد عليها من قبل... لا يستطيع تصديق انه فقد السيطره علي نفسه من نظرة واحده وهب عليها كالطوفان، يا الله ما سر هذا الانجذاب الرهيب اتجاهها فهي تبدو طفله لا تتعدي ال 18 عاما! ربما لبراءتها وعيناها الشبيهتان بماء المحيط... لا يعلم ما الذي اشعله اكثر ارتعاشتها حين رأته وخوفها ام قدرتها علي توجيه الاتهام له بوجهها الاحمر الصغير؟! زفر مصطفى و ضرب كف علي كف في وسط ذهول رجاله وبلال الذي رفع حاجبا وهو يحاول فهم ما بداخله... بلال: مصطفى؟! لم يرد عليه مصطفى و بقت انظاره معلقه علي نافذتها بترقب رهيب... -انت يا جدع، مش بكلمك! مصطفى بضيق وملل... -عايز ايه يا بلال؟! محمد صديقهم وهو يضحك ويتكأ علي الكرسي امامه... -طبعا انا لو قلت ليك ان السبب في اللي هو فيه واحده مش هتصدقني... رمقه مصطفى نظره جمدت الدم في عروقه فتنحنح ونظر الي الجهه الاخري... بلال وقد ارتفعت اذناه استشعارا لما يدور في حياة مصطفى.. -واحده؟! مين ياااض يا محمد... محمد بتوتر وهو يضحك بوجهه احمر خجل... -هاه واحده ايه، انا كنت بهزر؟! زم بلال شفتيه وقال بغيظ... -عيل جبان خسارة ان انا مصاحبك والله، خايف منه ياااض ده انا هنفخك! مصطفى بقله صبر وهو يرغب في ضرب رأسيهما معا... -انا قاعد هنا علي فكرة! وبطلوا حكاوي النسوان دي وركزوا في حالكم... رن هاتف مصطفى فأضاءت الشاشة باسم والده الحاج دياب، رد بهدوء... -ايوة يا حاج، اؤمرني؟! دياب بثبات: انت فين؟ تابعت موضوع الارض اللي قلتلك عليها مع المهندس؟! مصطفى بجمود: ايوة بس زي ما قلت هيحصل مشاكل كبيرة بسبب الراجل صاحب الارض اللي جنبها، حطيتنا في دماغه، وهيغرقنا مع الحي... دياب بثقه: متقلقش انا عارف هوقفه ازاي عند حده، ماتتأخرش انهارده اما نشوف حكايه اللي اتهجم علي بنت عم ايوب ده!استغفر الله... -حاضر يا حاج... اغلق الهاتف واعاد نظره الي اعلي فلمحها تنظر اليه وكأنها تتأكد من وجوده قبل ان تلتقي اعينهم... توترت ونظرت الي الاسفل، رفعت سمر ذراعها ببطئ حتي تغلقه فرن هاتفها لتترك النافذه وتجيب سريعا... -الوو.. مراد: الو صباح الخير يا انسه سمر، انتم كويسين؟ -صباح النور، اه الحمدلله، هو في حاجه ولا ايه؟ -لا انا بس كنت بطمن عليكم عشان باباكي قلقان وقالي اطمنكم... دمعت عيناها قليلا قبل ان تجيب بصوت خافت... -هو في حل يا استاذ مراد ولا خلاص كده؟! -متيأسيش ده اولا، ثانيا ربنا علي الظالم يعني بأذن الله والدك هيرجع وهياخد حقه، وانا بعمل كل اللي في وسعي اني الاقي ورق او ملفات تنفعنا... سمر بإمتنان: انا مش عارفه اشكر حضرتك ازاي انا...! قاطعها مراد بسرعه: من غير ما تكملي انا عارف وبعدين والدك انا بعتبروا والدي وانتي اختي الصغيرة وليه دين في رقبتي مش هقدر اسدده طول عمري... ابتسمت سمر قليلا واردفت بصدق... -انا كان نفسي في اخ بس واضح ان ربنا بيحبني وحب يعوضني بيك فاينلي يعني.. ابتسم مراد فظهرت الابتسامه في كلامه... -انا ليا الشرف! كفايه ان اختي عسوله وبتلبس شوز عليه كرتون! اختفت الابتسامه من علي وجه سمر ومعها اكثر لحظاتها جدية لترد بحرج و دفاع... -ده مش كرتون ده تويتي! مراد بضحك: واستاذ تويتي تبع الاذاعه والتلفزيون! تأففت سمر: لا والله! انا لما طلبت اخ كنت عايزة حنانه وحمايته بس واضح اني لازم اتحمل رخامته! لم يستطع مراد كبت ضحكاته علي برائتها... -ههههههههههه بتاخدي الباكدج علي بعضه مفيش فصال! ضحكت سمر: هههههههه موافقه بس متتعودش علي كده... -مش هوعدك، هضطر اقفل دلوقتي وهبقي اتصل بيكم بليل... -تمام مع السلامه... -مع السلامه... اغلقت الهاتف وضمته لصدرها وهي تطلق تنهيده اشتياق لوالدها وحنانه الذي لا يعوض، كم تمنت ان تسمع صوته... رفعت عينها فوجدت عيون ناريه تتابعها بشراسه، اتسعت عيناها بذعر، لماذا تقف امام النافذه كالبلهاء؟ لماذا يوقعها حظها التعس في عيناه الحاده المتمرده؟! سمر لنفسها: ريلاكس ريلاكس ده بعيد خدي نفس عمييق واقفلي الشباك بهدووووء بهدوووء... ظلت تحدث نفسها وهي تمد بذراعيها لاغلاق النافذه، احكمت اغلاقها وتنفست الصعداء... -ايه الناس دي؟! اتاها صوت والدتها متسائلة... -بتكلمي مين يا سمر... توجهت سمر اليها في الصاله مجيبه.. -ده مراد يا مامتي كان بيسأل علينا... -كتر خيره، بس متتعوديش علي كده، انا اللي هرد ع التلفون.. ضحكت سمر: ايه ده بتغيري عليا يا سوسو.. ضحكت والدتها رغما عنها... -بطلي شقاوتك دي... وقف مصطفى يغلي ذهابا واياب امام القهوه، وهو يتساءل من يحادثها وما سر ابتسامتها وهيامها بعد انتهاء المكالمه؟! اهي مكالمة غرامية ومن يكون ليحطم عظامه.. وقف للحظه عندما جال بتفكيره بان تكون لتلك الجنيه البريئه علاقه برجل ما، لماذا تزعجه تلك الفكرة وتتأكله... مصطفى لنفسه: هي قريبتك ولا حاجه؟ ما اللي يتكلم يتكلم واللي يحب يحب الله! ليرد قلبه بكذبه واهنه ولكنها كانت كافيه لاقناعه، انه يخشي عليها من هالتها البريئه المحاطه بها والتي ستجعلها فريسه مستساغه لاشد الذئاب ضراوة، ذئاب لا تعرف الحب او الرحمه، تعيش بواجب العيش فقط، ذئاب امثاله هو! اغمض عينه بشده وهو يتذكر اول ما راود عقله حين وقعت عيناه عليها بصورتها الملائكيه وعيونها الخلابه التي لم يرا لها مثيل، رأي نفسه يحملها ويخطفها من عيون الجميع رغبه جامحه داخله تسيطر عليه كليا في خطفها لنفسه وحبسها في املاكه الخاصة! هز رأسه ذهولا من هذه المشاعر العنيفه ونظر الي مجموعة رجاله المجتمعون حوله... اردف بصوت لا يبث اي مشاعر الا الخوف و الحذر... -بلال و محمد، الحاج مستنينا... وقف كلاهما بملل من خوض تلك المعارك التي يتغلب فيها والديهم باللسان والعرف... في بيت العرابي... جلس الرجال في حلقه في ساحه اسفل البيت المكون من 3 طوابق، يعيش به دياب وعبد الله وشقيقتهم الارملة زينب... عم ايوب بأسي: يرضي مين ده يا كبير؟! عشان انا كبرت وسني مبقاش يسمح بخناق يروح عيل صايع يمد ايده علي بنتي ويضربها وسط الشارع وانا مش موجود! ليرد اهل الشاب بغل وتعجرف... -ولما هو صايع وفقت يخطبها ليه؟ زفر بلال بملل ومال علي مصطفى بصوت شاكي... -فكرني كده احنا قعدين هنا ليه؟والراجل ده بجد ولا بيهزر؟! رمقه مصطفى بنظره جانبيه... -اهدي متجبش الكلام لنفسك و للاسف الراجل بجد... بلال وهو يهز رأسه غير مصدقا... -مش معقول يعني مخدش باله ان الواد عربجي وحتي لو البت وافقت واللي هي مستحيل اصلا توافق الا لو ابوها اعمي و مفكرش في مره انه يكون بيهدها اجبرها انها تتجوزه؟! مصطفى بكل جمود وواقعيه... -لا كان شايف وفاهم بس الفلوس بتعمل اكتر من كده... جحظ حاجبي بلال بريبه وقال متسائلا... -وانت عرفت ازاي!هو قال حاجه؟ ابتسم مصطفى ابتسامه ساخره تخلو من المرح... -بص لعنيه هو بيتكلم وشوف كام مره وهو بيحلف بيبص لتحت... نظر بلال بتقزز للرجل ووجه حديثه الي مصطفى مره اخري... -طيب واحنا قاعدين هنا بنهبب ايه في المسرحيه دي... -مستنين المسرحيه تخلص وابويا عارف ومتأكد ان الواد خفيف و هيعمل بلبله... نظر الي اعلي بغيظ وملل عندما لمح ندى اعلي السلم... استاء من نزولها في اجتماع الرجال واشار لها برأسه للصعود، فما كان منها الا ان ارسلت له ابتسامتها المغرية لتسلبه عقله وارادته، رمشت بعينيها مره بنظرة ذات معزي ثم استدارت وهي تعلم جيدا انه سيلحقها الي المكان الذي شهد حبهم منذ الطفولة... عض علي شفتيه السفلي من شقاوتها، وتنحنن قليلا.. -عن اذنك يادرش سيكا ونازل.. مصطفى وهو يعلم تماما اين سيذهب ولمن... -معاك 3 دقايق هعمل نفسي مش واخد بالي اكتر من كده هجيلكم انتم الاتنين! بلال بغيظ وحرج: وطي صوتك يا عم انت وبعدين خليك في حالك! ابتسم مصطفى لانزعاج بلال وقال ببرود.. -عدي منهم دقيقه... نظر له شزرا ونظر حوله يتأكد من غدم مراقبه احد له ثم صعد الي السطح حيث فتاتة تجلس علي مربوعتها المفضله في انتظاره ارتمي بجوارها... بلال بحب: مسسساا مساااا يا كبير... ندى بمصمصه وهي تعدل حجابها المرمي باهمال فوق شعرها المنسدل حتي خصرها... - داخل غرزة حضرتك! في حد يكلم واحده كده! طبعااا مانت مش فاضيلي... بلال وهو ينظر الي اعلي... -امممممممم قولتيلي بقا! ندى بغيظ: قصدك ايه.. -لا بس مستني وصله النكد اللي هتبدأ.. شهقت ووقفت من مكانها تخبط علي صدرها وتميل اليه لا وعي وهو جالس... -انا نكد! -لا امي انا بتيجي تنكد وتنزل تاني! يعني انا سايب فحال بشنبات تحت وطالعلك عشان تدخلي فيا شمال! ندى بوجه احمر من الغيظ، قبضت علي ياقه قميصه بقبضتها الصغيرة وانحنت قليلا عليه... -ادخل شمال؟! هو انا لحقت افتح بوقي، انت اللي مش طايقني ونازل طيخ طاخ من ساعه ما طلعت! ابتسم رغما عنه علي شراستها، وجذبها نحوه لتسقط امامه بين ساقيه... -ااااي ركبتي هتتعور يا بني ادم... بلال بضحك علي سخافتها... -الحمدلله مخدتش بالها انها حضني... نظرت له بعدم فهم لوهله وهي تري ترقبه!نظرت حولها فوجدته يجلس امامها وساقيه علي يمنها ويسارها، وضعت يدها علي وجهها بخضه، فدوت ضحكته... -انت قليل الادب، اوعي كده.. -هههههههههههههه يابت لسانك ده هقطعهولك في يوم... -ه ه ه ه ه خفه... وضعت يدها علي ركبتيه وهي تقف ثم عصرت قدمه بقدمها بغيظ... -اااااااااه يابت المفتريه... -احسن عشان تحرم تضايقني بعد كده... استدارت لتغادر ولكنه اسرع في الوقوف وامساكها... -علي فين العزم ان شاء الله؟! -اوعي ايدك دي! انا نازله عند امي، ليك شوق في حاجه... نظر لها بقرف واشمئزاز... -ليك شوق في حاجه! وكنت زعلانه عشان بقولك مسا مسا! انتو الحريم عليكوا حاجات.. ضربت الارض بطفوليه وتأففت منه... -انا غلطانه اني قلت وحشني وهروح اشوفه، انا انا انااااا خسارة فيك اساسا.. انفجر ضاحكا علي موشحها وغضبها وتلعثمها الذي يعشقه عندما تحمر وجنتيها وتزم فمها... مما زاد من نمقها عليه، فاردفت وهي تعلم كيف تخرس ضحكاته... -اوعي بقا عشان اشوف العريس... توقفت ضحكاته في لحظه وسأل بلهجه جديه وغاضبه... -عريس ايه يا روح خالتك؟ وضعت يدها في جانبها بانتصار وقالت بملل وهي تمط حروفها... -عريس شافني وهيم*وت ويتجوزني... الفصل الثالث ضربت الارض بطفوليه وتأففت منه... -انا غلطانه اني قلت وحشني وهروح اشوفه، انا انا انااااا خسارة فيك اساسا.. انفجر ضاحكا علي موشحها وغضبها المتلعثم الذي يعشقه عندما تحمر وجنتيها وتزم فمها... مما زاد من نمقها عليه، فاردفت وهي تعلم كيف تخرس ضحكاته... -اوعي بقا عشان اشوف العريس... توقفت ضحكاته في لحظه وسأل بلهجه جديه وغاضبه... -عريس ايه يا روح خالتك؟ وضعت يدها في جانبها بانتصار وقالت بملل وهي تمط حروفها... -عريس شافني وهيم*وت ويتجوزني... بلال بغضب وهو يجز علي اسنانه... -ومالك فرحانه اوي كده ليه بعريس الغفله! اطلقت ضحكه انثويه، لتشعل بركان بداخله... -بقولك ايه يا شاطره انا شايف كده انك توحدي الله وتنزلي علي امك وتقوللها اني هقطع رجل عريس الغفله ده لو فكر بس يجي هنا... حاولت اخفاء فرحتها ككل انثي يتراقص قلبها علي انغام غيرته... -الله وانا مالي ماتقولها انت... امسك بطرحتها بغيظ... -وايه اللي انتي لبساها دي ما قيلتها احسن انتي حطالي منديل ومدلدله شعرك كله، لا بقولك ايه اتعدلي كده عشان ما امدش ايدي عليكي! ضحكت علي سهوله اغضابه... -طيب سيب المنديل طاااه اقصد الطرحه وبلاش نرفزتك السودة دي... رمقها بتحذير، فابتسمت له واخرجت لسانها عبثا... -انا اصلا بهزر معاك يا قلبي انت، ولا يفرق معايا عرسان الدنيا، انت الراجل الوحيد في عنيه ومن بعدك مفيش رجاله... ابتسم بالرغم من غضبه ووضع يده علي رأسه... -يخربيتك لما تثبتيني بعشقك يا بت! -بعشقك يا واد! -انا قلت 3 دقايق و تنزل البيه داخل علي نص ساعه! انتفض الاثنان بخضه علي صوت مصطفى المتكأ علي باب السطح وينظر لهم بضيق... -خلاص عرفنا انكم بتحبوا بعض، و رجلك ما تخدش علي هنا يا هانم! ندى بخجل وهي تهم بالنزول... -حاضر... بلال بغيظ: فكك منه يابت، انتي بت عمتي زي زيه بالظبط... لم تنتظر ندى لترد وركضت الي اسفل.. -اه بس بنت عمتي اختي غير بنت عمتك انت يا دكر! بلال بحنق: ابو شكل اللي يعرفك! مصطفى بسعاده وشماته... -قدامي يا حيلتها... حل صباح اليوم التالي على سمر بسعاده فقد استيقظت علي مهاتفة والدها لهم ووعدهم بان محنتهم ستحل في اسرع وقت وانه سيعود الي احضانهم قريبا... خرجت سمر بعد ان اخذت حمام دافئ فوجدت والدتها تعد ما يملكون من اموال حتي الان! -قربوا يخلصوا يا ماما صح... سلوى بتوتر: شويه، متقلقيش انتي امك لسه بصحتها ولو طولنا في الجحر ده هشتغل وهنبقي تمام.. سمر بحب: ليه ياقمر يا ابو صحه بومب وانا رحت فين انا كده كده لازم اشتغل انا عندي 20 سنه دلوقتي انا لازم ابقيindependent woman... سلوى بضحك: وامرمطك؟! لا انتي مش وش بهدله يا independent woman... -لا حاسبي يا سوسو انتي كده بتدخلي في منطقه اعراض وازعل منك واجيب ناس تزعل هاااااه انتي شيفاني فرفورة ولا فرفورة يعني... -هههههههه لا ابدا، واتفضلي روحي اشربي عصيرك عملاه من ساعه في المطبخ. قبلت سمر رأسها وربتت علي كتفها في موده واتجهت الي المطبخ، راحت تترنح كالفراشه علي الحان موسيقي شعبيه تأتي من الخارج حتي وقعت عيناها علي زجاجه دواء والدتها في القمامة! خرجت الي والدتها بسرعه... -ماما انتي الدوا خلص؟ مقولتيش ليه عشان نشتريه؟! سلوى بتوتر وهي تبحث عن كذبه.. -اصل انا معايا يابنتي تاني... رفعت حاجب بألم وحزن... -ينفع كده يا ماما هو ده في هزار، ده دوا قلب، يعني لو حصلك حاجه دلوقتي بعد الشر هعمل ايه انا يبقي انتي وبابي؟! نظرت سلوى الي اسفل فقد ارادت ادخار مايمكنها من اموال حتي لا تلجأ الي احد، حتي انها طلبت من ام عزت ان تجد اي عمل يناسب سنها... اقتربت منها سمر ومالت عليها تقبل جبينها وتأخذ الاموال من يدها... -ربنا يخليكي ليا يا مامتي بس ارجوكي بلاش الموضوع ده يتكرر تاني، انتي كل حياتي، مش بتحبيني وعايزة تحافظي عليها! سلوى بنصف ابتسامه... -خلاص مش هعمل كده تاني يا ماما سمر... ارتسمت ابتسامه مشرقه علي شفتيها... -ايوة كده، احممم احمممم، انا نازله اجيب الدوا، ثواني وهرجعلك... هزت رأسها بالموافقه واردفت... -ماشي يا سمر متتأخريش... -حاضر... اغلقت الباب خلفها وتنهدت بشده... عندما وصلت اخر الدرج عاد الي تفكيرها صورة مصطفى وغضبه بالامس، توترت قليلا ونظرت الي التي شيرت و البرمودا القصير الخاص بها، وعضت علي شفتها بقلق.. سمر لنفسها: اوفكورس يعني مش قاعد مستنيكي برا! وبعدين مين ده اصلا عشان يتحكم فيا، ده انا بابي ذات نفسه مش بيقولي حاجه! ركبت عنادها واتجهت بانف مرفوعه الي باب المبني... كانت عيونه معلقه بنافذتها او باب مبناها بشغف وهو يتمني رؤيتها ولو ثانيه واحده بالرغم من تحذيره لها بعدم رؤيتها بالاسفل... وكأن القدر يسانده وجدها تطل عليه بهيئتها الملائكية الناعمه، نظر لها مطولا من قدمها الي اعلي رأسها يتفحص ساقيها الطويلتان كموديل إيطالية وعيونها البراقه وجسدها الصغير التي تظهر منه اكثر مما ينبغي! افاق هذا التفكيرعقله واشعل غضبه، رفع عينيه اليها فوجدتها تنظر له ببلاهه وكأنها غير مصدقه وجوده الان... شعرت سمر بالارض تهتز تحت قدميها عندما وقف مصطفى بكامل قوته وهي تري في عينيه العزم علي الوصول اليها... اختار عقلها هذة اللحظه بالذات لتتوقف الحياة من حولها عندما التقت نظراتها بنظراته القاتمه معلنه استسلامها لجموح نيرانه فلم تستطع فعل شئ سوي متابعه تقدمه منها!. سمر لنفسها: اووووبس! بليز ياربي هو مش شايفني صح؟! لا ده شايفني و بيقرب اهوه، اتحركي اتحركي انتي اتشليتي؟!.. علت انفاسها قليلا من الخوف و بللت شفتيها بطرف لسانها وشعرت بحلقها الاجوف يضيق... وقف مصطفى علي بعد خطوة منها دون ان بنطق بحرف مما بث الرعب بداخلها اكثر، الا يكفي هيئته المخيفه وضخامته! ظلت اعينهم معلقه وهذه المرة حين تقدم مصطفى عادت هي خطوة الي الوراء لتجد نفسها داخل البناء بعيدا عن اعين الناس وجسده يخفيها عن انظار من بالخارج.. بدأ العرق يتجمع علي جبينها بترقب وشعرت برعشه خفيفه من صمته المريب، شعرت وكأنها تنتظر نتيجة الامتحان بل اقوي... رفع حاجبه المقطوع من المنتصف فجعلته اكثر خطورة بالنسبه لها، حين نطق اخيرا... -قدامك 3 ثواني بالظبط تختاري، يا اما هتطلعي تغيري هدومك دي وتكون واخر مره اشوفك لابسه حاجه قصيره يا هتطلعي فوق ومش هتخطي الشارع برجلك لحد ماترجعي بيتكم! نظرت له وهي تحاول استيعاب كلماته وكادت ان توبخه علي جرائته وتحكمه الا ان صوت صراخ امرأه جاء من خلفه جذب انتباهها... التفت مصطفى بسرعه نصف التفافه فوجد ابنه عم ايوب وتدعي امل تقف في منتصف الشارع و ايمن الذي تعرض لها من قبل يحاول التهجم عليها... شاهد رجليه يقتربوا منهم ليقفوا بينهم فالتفت بسرعه وحزم الي سمر واردف.. -علي فوق ورجلك متخطيش الباب ده، قام برسم خط وهمي بقدمه امام الباب الا انها شعر بقوة وهميه تمنعها حتي من الاقتراب وهي تشاهده يبتعد كالذئب! لا لحظه كالدب البري المتجه لالتهام فريسته! وقفت بقلق علي باب المبني وهي تتابع بصمت مايحدث حولها وتشهده لاول مره في حياتها وهي تتابع احدي السيدات تدفع فتاة رقيقه محجبه ضعيفه الهيئه بعيدا عن ما يبدو الان كساحه معركه، لم تعلم اين تذهب الفتاة ووقفت وكأنها تائهه وفي حيرة، فاشارت لها سمر بخجل فرأتها ودون تفكير اتجهت نحو باب المبني تختبأ علي الجهه الاخري من سمر لتراقب الموقف هي الاخري! توتر ايمن فجأه وطرقع بلسانه كأنه يشعر بالملل، وهو يراقب مصطفى وهو يقترب منه بهيبته وقد اطلق نظرات الغضب والكره نحوه... -عارف اللي عملته ده معناه ايه؟! -معناه اني عايز اربي اللي هتبقي مراتي... ضحك مصطفى ضحكه مرعبه اكثر منها مرحا... -حاجه من اتنين يا اما انت فاكرني غبي وده مش هسمح بيه وهتندم عليه، يا اما انت كنت مبلبع حاجه علي المسا ومسمعتش حكم الحاج دياب العرابي بانك متتعرضش ليها ولو حصل وشفتها بالصدفه تبص النحيه التانيه وتمشي، عارف النتيجه في الحالتين ايه؟! هز رأسه بالنفي وهو يشعر بالخوف يتملكه... ابتسم له مصطفى بجنون قبل ان يلكمه بشده علي فمه، الا ان شهقه يعلمها جيدا قد علت علي صوت طرقعة فك ايمن الذي ارتمي ارضا بدماءه... علا صوت مصطفى حينما وقف اصدقاء ايمن في تردد ايهجموا عليه او يهربوا من امام هذا الوحش... -اللي عايز يعارض في حاجه انا اهووووه... خبط علي صدرة بعنف وكأنه يوجهه رساله بصلابته... -واللي عقله يخليه يفكر مجرد تفكير انه ينزل بكلمه الحاج دياب العرابي، هفعصه ومش هرحمه مش دياب العرابي اللي يقول كلمه وتتردله طول ما انا عايش! تركهم واتجه بهالته المرجفه للقلوب بخطوات واثقه نحو سمر التي ما ان رأته حتي صعدت بصعوبه والرعب يتملكها الا انه استطاع الوصول اليها بسهوله وامسك ذراعها... كانت نظره حادة واحده الي امل الواقفه بالاسفل علي يمينه كفيله لتجعلها تفيق من شرودها مما يحدث و ان تهرع بسرعه الي بيتها، جذب سمر بشده وعاد لاغلاق باب المبني مما زادها رعبا، الا انه لم يتوقف بل صعد جاذبا إياها معه الي شقتهم... حاولت سمر الافلات من يده الملطخه بقليل من الدماء ونظرت له كأرنب مذعور وفمها مقلوب لاسفل، فقالت بصوت مرتفع نسبيا... -ابعد ايدك، انت مجنووووون! سيب ايدي! تركها ليرفع كفه امام وجهه فانتفضت وخشت ان يضربها هي الاخري.. الا انه ضربها باصبع واحد علي ذقنها وقال... -انتي مش طبيعيه صح! نظرت له بصدمه، يالوقاحته! -نعععععععم! انا! انا مش طبيعيه انا! اه سوري خطفتك من علي السلم وطلعت بيك وايدي مليانه دم مقرف بعد ما بكل افتري شقيت دماغ الراجل بايدي، لا تؤ تؤ بجد ماليش حق... ليعلو صوتها نسبيا... -انا فعلا مش طبيعيه! ضحك مصطفى ولم يصدق ما يخرج من فم هذه الجنيه، شعور مختلط يراوده ايقتلها ويستريح من ثرثرتا وهذه المشاعر الهوجاء التي تعصفها بداخله ام يقبلها حتي ينقطع نفسها ويعجزها عن رمي المزيد من الترهات! توقفت فجأه عندما مرر لسانه علي شفتيه وهو يرفع حاجبه وينظر لها نظرات غريبه، فتحولت من غضب جامح الي خجل مريع في لحظه، رمشت اكثر من مرة تستوعب هذا التحول الغريب في تصرفاته، وقالت بصوت مرجوج... -ايه؟ بتبصلي ليه كده؟! عمرك ما شفت انثي؟! ضحك مصطفى بمكر: انثي؟! وهي فين الانثي دي، يلا يا شاطره ادخلي بيتكم ومتطلعيش منه غير وانتي ساتره نفسك! سمر بغضب رفعت اصبعها في وجهه... -احترم نفسك! فتحت سلوى الباب عندما وصلها اصواتهم، وقالت بذعر... -عملتي ايه يا سمر تاني؟ سمر بغيظ من اتهام والدتها... -مش انا يا ماما ده هو! لم يعطهم فرصه للكلام واندفع متحدثاا بجديه... -بنتك يا حاجه مالهاش عيش وسطنا!طول ماهي...! شعرت سمر برجفه في قلبها هل يطردهم من هذا المكان! دق قلبها بعنف وهي تري الخوف في عيون والدتها فلا مكان يحميهم سوي هذا الان! قاطعته بخوف وتوتر... - قصدك ايه! اصلا المكان ده بتاع ام عزت، وانا ساكنه عندها... مصطفى بجديه: وانا مش بطرد حد! ومتقاطعيش كلامي تاني! بس اللي هيقعد هنا يقعد باحترامه.. عضت علي لسانها بشده حتي لا تقول شئ يسبب في طردها هي وامها المريضه، الا انها شعرت بضعف وانكسار بداخلها كاد يحطمها... رأي مصطفى نظرة عينها قبل ان تخفضها بالم فاحس بقلبه ينقبض وكأنه دعس عصفورا بلا قصد! لا يعرف التعامل مع هذه المشاعر او كيف يواسيها عندما بدأت دموعها بالتساقط... رمش بشده وعلت انفاسه غضبا علي نفسه ومعلوماته النسائية المعدومه التي لا تخوله لفعل شئ يهدأ هذه الانثي الصغيرة! ارتجف صوت والدتها وهي تنظر اليه برجاء... -معلش يا ابني احنا اسفين وهي ان شاء الله مش هتعمل اي حاجه تضايقك، دي نزلت تشتري...! قاطعها مصطفى بعد ان اغمض عينيه ونظر ارضا حتي يقلل من هيبت هيئته الطاغيه عليه مهما فعل... -العفو يا حاجه انا مقصدش، انتي ضيفه هنا وعلي راسي و لو الارض مشالتكمش اشيلكم انا، احنا ولاد بلد ونعرف الاصول، انا بس بتكلم عن لبسها عشان هي ممكن تجبرني ادافع عنها لو حد ضايقها! اراد ان يقول ان تجبره علي ارتكاب مذبحه ولكنه انقذ نفسه وماء وجهه قليلا من تدخله الغير مسبوق في حياة شخص ما! وليس اي شخص بل امرأتان لا حول لهم ولا قوة! غضب اكتر علي نفسه فهو ابدا لن ينزل الي هذه القذارة حتي لو فعل الاسوء! ضايقته دموع سمر اللامتناهيه كثيرا بعد ان ابعدت يد والدتها بخفه رافضه ان تحتضنها، فقال بضيق وقله حيله بصوته الخشن.. -اسكتي!. الفصل الرابع انتفضت مرة واتسعت عيناها وهي تنظر اليه... يا الهي على الغباء! لما لا يحضر قالب من الحجر ويرشقه في عينيها! المساعده يا الله!وكأن الله استجاب لدعواته صعد بلال وهو يتساءل عن اختفاءه.. بلال: مصطفى انت فين يابني، الواد ده عملك حاجه، ايه اللي في ايدك ده، دمك ولا دم المرحوم... حسنا ربما لم يستجاب لدعاءه تمام!اراد مصطفى ان يلكمه على وجهه حينما حالت نظره قلق وخوف من الابنة ووالدتها نحوه وكأنه مجرم ينتظر مهاجمتهم... تنحنح مصطفى قليلا... -عن اذنك يا حاجه.. امسك بذراع بلال وسط مقاومته ليدفعه امامه الا انه توقف بعد خطوات قليلا وارتفع بنظره نحوهم... -انتي كنتي عايزة تشتري ايه يا حاجه؟! انا هشتريه! نظرت له سمر بتعجب وغيظ، واندفعت الي داخل شقتهم بعد ان اعطت المال لوالدتها... سلوى: مش عايزة يا بني خلاص! مالبثت ان دلفت حتى خرجت سمر من وراء الباب بغيظ اشد مما تفعله والدتها، واردفت بجفاء... -عايزين دوا، من الصيدليه! سحبت المال من والدتها ومدت يدها تجاهه، هز مصطفى رأسه بالرغم من عدم نظرها اليه الا انه لم يبالي بيدها الممتده... سمر بغضب: الفلوس! مصطفى بلا مبالاه: لا خليهالك المره دي... تدخلت ام عزت التي وقفت تراقب في صمت منذ مده وتوجهت الي سمر لتقول... -كلك ذوق يامصطفي ربنا يحميك يا ابني.. فرغ فمها على وسعه من هذا الاطراء الشنيع... الا ان صوت والدتها اوقف كلمات يستحقها بشده من الخروج من فمها! -تسلم يا ابني... -انتي تؤمري يا حاجه... رفع يده دون ان يستدير وهو ينزل ومعه بلال متجها الي الشارع... بلال بحنق من تصرافاته... -ما براحه ياعم بتزقني ليه الله! -شششششششششش اسكت خالص... -تصدق بالله انا غلطان اني جيت اطمن عليك! زفر مصطفى بحنق و قال له بحده... -بلال انا مش ناقصك! روح دلوقتي انا عندي مشوار في الارض الجديده وراجع... عقد بلال ذراعيه متعجبا منه وقال... -خلاص انت حر! انا مروح اصلا... هم بالرحيل الا ان مصطفى اوقفه وقال بنحنحه... -ابعت واحد من الرجاله يجيب الدوا من الصيدليه ويطلعه لقرايب ام عزت... رفع حاجب وابتسم بمكر... -امممممممممممممم اسأل ولا استني شويه؟! مصطفى وهو يصطنع عدم الفهم... -نعم! عايز ايه يعني؟! -الدوا ده للحاجه ولا لبت الحاجه... شعر مصطفى بضيق وهو يتذكر افعاله الحمقاء معها والخوف الذي ارغمه بقلبها!فقال بغضب... -بقولك ايه ما تنفض من نحيتي وتبعد عني! -هههههههه خلاص خلاص! هبعت الواد... مصطفى بحرج لانه لايحب تبرير افعاله... -وقوله يفضل تحت البيت و يقولهم لما يحتاجوا حاجه يروح يجبهالهم، ويخليهم هما مينزلوش.. بلال بمكر: هما ولا هي! شدد على قبضته وهو يجز اسنانه يكشر عن انيابه فمال بلال للخلف رافعا كلتا يداه... -ايه يا عم انت هتشفطني ولا ايه! انا بهزر يعني!.. تركه مصطفى ليقوم ببعض الاعمال وعقله منشغل بجنيتة الي ابعد حد! على الجهه الاخري من المدينه... جلس رجل في الخمسينات من عمره وعلامات الغضب مرسومه على وجهه... -يعني 3 تيران مش عارفين يوصلوا لحته بنت ماتجيش ربعكم! لترد فتاة تبدو كمساعدتة... -يا فندم حضرتك عارف ان الخطه اتسربت عشان كده عصام مجاش مصر من الاساس وكان من الطبيعي ان البنت ومامتها يهربوا! نظر لها سعد باشمئزاز وقال بفم ملتوي... -حد قالك اني غبي! انا فاهم كويس اوي اللي بيحصل حواليه بس عشان مشغل معايا حيوانات مش بتفهم!انا مش بخطط السنين دي كلها عشان تضيعوا كل حاجه! نظر الي الرجال مرة اخري وقال بتهديد... -لو البنت دي مظهرتش خلال اسبوع بالكتير انا هخرب بيتكم! رد احد الرجال بقلق... -تمام يا باشا، يلا بينا... خرج الرجال الثلاثه لمتابعه بحثهم عن هذه الفتاة التي ستتسبب في قتلهم، فتسأل احدهم.. -يعني ايه المهم اوي في البت دي ماهو خد المطاعم كلها ومضي الراجل على وصل امانه قطم ضهره ومش هيرجعه تاني! رد الثاني بتحذير... -واطي صوتك ياغبي! هو مش عايز البنت هو عايز الفلوس اللي في البنك باسمها، اصل ابوها شايل اكتر من نص فلوسه باسمها... ليستكمل حديثه الرجل الثالث... -وقبل ما تسأل عايز الفلوس في ايه، الباشا كان ماضي على ورق ارض للمطعم الجديد ومحتاج الفلوس دي عشان يشتريها و في حوار تاني بس انت غبي ممكن تفضحنا مش لازم تعرفوا! ليقول الاول بضيق... -ايه الطمع ده! تأفف احدي الرجلين وقام بضربه على رأسه... -ما تخرس بقا خلينا في حالنا، احنا نخلص وناخد فلوسنا وخلاص انت سامع؟! -ماشي ماشي انا مال امي اصلا... في بيت سمر... سلوى بتأفف و غيظ... -يا سبحان الله، يعني انتي يا بنتي مش عاجبك العجب! نظرت سمر الي الجهه الاخري، عاقدة ذراعيها تحت صدرها بطفوليه... نظرت سلوى الي ام عزت بغيظ من تصرفاتها!فغمزت لها ام عزت لتهدأ، لتردف... -يووووة ما تسيبيها يا ام سمر! البت بردوا خافت حتى لو هو نيته سليمه! شهقت سمى بصدمه ونظرت لهم بغيظ... -نيته سليمه ايوووه فعلا ده ملاك بجناحين وانا اللي مفتريه و وحشه وبخوف العيال بليل، وبعدين تعالوا هنا مش انا بردوا اللي صغيرة ومش فاهمه! فهموني بقي بتاع ايه اصلا جايبلنا واحد يشوف طلباتنا! ردت ام عزت ببراءه، وهي تنظر الي سلوى... -عشان امك طبعا! راجل شهم عرف ان عندها القلب قال ميشحططهاش لا هي ولا بنتها! جحظت سمر عيناها وابتسمت بلا اي شعور بالمرح... -شووف ازاي! لا shame on me بجد... نظرت لها ام عزت بعدم فهم... -ايه الشامبونيه ده! كادت سلوى ان تضحك الا انها كبتت ضحكتها وقالت لها بعتاب.. -بنت اتكلمي مع طنط ام عزت عدل! هيكون عايز مننا ايه يعني؟! رجع تفكيرها الي نظراته الجريئه التي لم يستطع السيطره عليها قبل ان يخفيها بنظراته الغاضبه فتنحنحنت قليلا... -انا اعرف بقي! اوووف خلاص خلاص هو حر وانتم كمان حرين! ضحكت ام عزت وامسكتها... -يابنتي انتي خلقك ضيق ليه كده بس! انا عايزاكي تفهميني مصطفى ده طيب جدا ومحترم ومبيعملش غير الاصول... اردفت سمر بحنق وضيق... -وهي الاصول انه يوقف بنات الناس ويقولهم لابسين ايه ومش ايه كأنهم قليلات الادب! تنحنحت ام عزت قليلا ثم اكملت... -ما هو انتي بردو يا سمر غلطانه شويه، انتي شايفه المكان اللي احنا فيه وانا عارفه انك متعوده ع كده و كل حاجه ومش عيييب بس المكان بيختلف يعني متقارنيش بين مكان كله فيلال و وجناين بحارة زي بتاعتنا و هنا كله عارف بعده واسهل حاجه الكلام و اللي هيقول هي فاكره نفسها فين وربنا مايوريكي بقا المعاكسات و قله الادب... تنهدت سمر ونظرت الي الارض وقد بدأت تقتنع قليلا بكلام ام عزت الا ان ذلك لا يعني ان تسمح له بالتدخل وقتما يشاء في تصرفاتها... في بيت العرابي... جلست زينب بجوار والدة بلال وزوجه اخيها عبدالله واسمها منال، راقبتها بعقربتها اللامتناهيه و سألت بلا اهتمام... -انتي بتطبخي ايه انهارده؟ ابتسمت لها منال نص ابتسامه فهي تعلم جيدا ما سيلاحق هذه الكلمات... -بعمل محشي و فراخ... مال جانب فم زينب وهو تقول امممم خفيفه... -بس نقصي الملح بقا، عشان اخر مره كان مالح وتعبلي الكلى... كبتت منال ردها المنزعج وقالت بضيق خفيف... -تحبي تيجي تعملي معايا عشان نظبطه سوا! ردت زينب متظاهره بالتعب... -لا مرة تانيه انا ضهري بيوجعني!. دخل بلال ووالده فرموا السلام واستئذن عبدالله لتبديل ثيابه، ذهبت منال خلفه تاركه بلال ليجالسها... -احم ازيك يا عمتي؟ -الحمدلله يا ابني وانت؟! -انا كويس الحمدلله، اومال فين ندى هي مش معاكي هنا؟ ردت بلا مبالاه وهي تقف للصعود الي شقتها... -لا انا بعتها عند الخياط تقيس الفستان الجديد! ضيق عينيه وسأل وهو يدعي اللامبالاه... -خياط راجل ولا ايه ده يا عمتي؟ ردت بمكر مقصود فهي تعلم ما يدور بقلب ابنتها نحوه ولا تهتم... -اه طبعا ده اجدع خياط عليه ايد انما ايه سحر! اشعل كلامها نيران غيرته واحمرت اذنه غضبا وحنقا على عمته وعلي ندى التي سيعلقها ما ان تقع عيناه عليها! تركته عمته و هو يغلي و يتوعد لها ولم يستطع البقاء اخرج هاتفه للاتصال بها... بلال بعنف: انتي فين؟! ندى بتوتر: ما انا قلتلك هروح اجيب حاجه لماما... بلال بغيظ شديد: حاجه ل ماما زي ايه يعني؟! بدأ قلبها يرتعش فهي فاشله في خداعه، اغمضت عينها مستسلمه للامر الواقع قبل ان تسحب نفس عميق وتخبره... -انا انااا عند الخياط بجيب فستان.. شعرت بالجليد يحيط بها من صوته الذي خلا من المشاعر بطريقه تكرهها... -ماشي يا ندى! مع السلامه.. -استني... الا انه لم ينتظر واغلق الهاتف في وجهها، توجه الي غرفته وهو يشعر بالغل و الغيظ واصعبها الغيرة التي تنهش في قلبه، الا انه عزم على خطبتها رسميا ولن يسمع حديثها السخيف عن الانتظار حتى تكبر قليلا! اصغر منها وتزوج وعنده اولاد! بلال لنفسه: انا هوريكي يا ندى! الفصل الخامس في بيت العرابي... دق باب مصطفى بشده ليستيقظ... -ميييييين؟ رد صوت فتاة منزعجه من لا مبالاته... -انت لسه هتسأل ما تفتح الباب... رد بحنق وهو يرغب في العوده الي النوم... -امشي يا غادة، انا مش فايق.. ضربت الارض بغضب واردفت بعناد... -افتح بقااااااا يا اخي! تنهد مصطفى وذهب لفتح الباب، نظر اليها نظرة يظهر بها انزعاجه... -نعم! ابتسمت له غاده وقفزت عليه لتحتضنه، وضعت رأسها على صدره، حسنا ربما لم تصل الي صدره لكنها احتضنته على اي حال، هز مصطفى رأسه على هجومها الطفولي ووضع ذراعه حولها والاخري يضربها على جبينها الظاهر بما يسمي ب الكشاف المصري... -اااااااه يا ابن ايه يا لذينه! هتعمي يا مصطفى حرام عليك! ضحك مصطفى على تذمرها وقال... -ايه بحب اختي! -بتحب اختك! ولا بتم*وتها! وبعدين دي ايد دي تضرب بيها واحده ست او اي انسان اصلا يا مفتري! امسكها مصطفى من ضفيرتها وهو يضحك... -ست مين يا اوزعه انتي وبعدين الايد اللي بالحجم دي ربنا خلقها عشان تضرب انتي هتفتي! تأففت وهي تجذب ضفيرتها من بين اصابعه... -سيب شعري يا رخم، ويلا عشان هتوصلني المدرسه! -ليه بلال فين؟ لوت شفتيها وقالت بملل... -متخاصم مع ندى و عامل نايم وهي عامله تعبانه ومش هتروح انهارده معرفش ثانوية ايه دي اللي هناخدها الله يحرقهم! ضحك على منظر شفتيها واردف... -يخربيت بوزك ده، ربنا يعين اللي هيدبس فيكي! نظرت له غادة نظره حالمه وقالت بأمل.. -هييييح بس هو يجي بقا! عقد حاجبيه وقل لها بضيق وشك... -مين ده بقا ان شاء الله عشان اكسر رجله واقطع رقبتك! تفاجأت غادة بانقلاب مزاجه السريع الا انها لم تستطح كبح ضحكاتها.. -انت مجنون يابني! هو طول ما انت اخويا حد هيعبرني ولا هيتف في وشي، روح ياشيخ الهي تعنس زي ما هتعنسني، ده العيال لما بعدي من جنبهم بيجروا ويخافوا يبصولي! استمر مصطفى بنفس الحده وهو يتوعد لكل من سيتقرب منها... -ايوة وخليكي فاكره بقي ان اي حد هيفكر يبص لاختي هجيب اجله! -اووووووف طيب يلا يا اخوي هتأخر يا ساتر انت من كتر ما ابويا بيوقفك قصاد البلطجية قلبت زيهم ولا ايه! -هشششش وثواني وهلبس... سلوى بترقب: اهلا يا مراد نورتنا! عامل ايه؟ دخل مراد بالاكياس العديده التي يحملها وهو يتنفس بصعوبه قليلا... -اهلا ياطنط ده نورك! خرجت سمر عندما سمعت صوته بسعاده وتوجهت نحوهم... -ازيك يا استاذ مراد؟ نظر لها مراد وكأنها من عالم اخر... -ايه استاذ دي؟ اومال ايه اخويا ومش اخويا! -ههههههههههه ايوة صح... سلوى بابتسامه وقلب يتمني الخير... -اتفضل اقعد، روحي يا سمر هاتي عصير بسرعه.. سمر بحماسه: فوريره يا مامتي... ضحك مراد على طفولتها وجلس مع سلوى المترقبه لكل جديد في ما يخص زوجها.. مراد ليطمئنها: انا متفاءل والله يا طنط انا كل يوم بقرب من هدفي اكتر من الاول وان شاء الله الحق هيرجع لصحابه! سلوى والدموع تحارب للتغلب عليها قالت بتعب وتمني... -ياااارب، صعبان عليا يبقي في العمر ده ويتمرمط كده! -عارف والله يا طنط... خرجت سمر تقدم له العصير وهي تتساءل... -هي ايه الكياس دي كلها يا مراد؟ تلعثم بخجل قليلا وقال بتوتر... -دي شويه حاجات يمكن تحتاجوها... نظرت سلوى الي سمر حتى لا تتحدث كثيرا، الا ان وجهها تلون وهي تقول.. -مكنش ليه داعي، كفايه مساعدتك طول الوقت ده كمان هتيجي بكل الحاجات دي... مراد بعتاب ووجه احمر... -هي في مساعده بين الاهل ولا انتو مش معتبرني منكم ولا ايه! اسرعت سلوى بالتدخل واردفت... -لا طبعا ربنا عالم انت زي ابني بالظبط ولو عندي ابن مكنش هيعمل كل ده... -ربنا يخليكي والله انا بعتبركم زي اهلي بالظبط وربنا عالم معزت الوالد عندي قد ايه! في المقهي امام بيت سمر... وصل مصطفى بعد ان اعاد غاده من المدرسه واهتم باحدي المباني التي يشرف على بناءها... -السلام عليكم... رد بلال السلام وهو منزعج، تعجب منه مصطفى وقال... -مالك يااض حاطط الوش الخشب ليه!هي حبيبه القلب منفضالك ولا ايه؟! بلال بضيق: بس بالله عليك سيبني في اللي انا فيه، وبعدين انت من امتي بتشرف هنا كل شويه متروح مخبأك وتفكك مني!. اردف مصطفى بكل هدوء.. -انا حر انت هتحاسبني!. اغتاظ بلال اكثر من لامبالاته بل انه اعتدل على مقعده ليجلس بارتاحيه اكثر، فاردف بلال بحنق... -انسان لا تطاق.. اطلق مصطفى ضحكه خفيفه وقال... - مش انت اللي عامل فيها حوريه فرغلي على الصبح وعايش الدور ما تنطق تقول في ايه على طول! -بنت عمتك هتجنني!منين بتحبني ومنين بتقولي استني! -يعني اكيد واحده لسه عندها 18 سنه وعايزة تتعلم مثلا! بلال بضيق: اه يا خفه اصل هي متفوقه وبعدين ما تتعلم بعد الجواز هو انا ماسكها! مصطفى وهو يحاول مساعدته... -بص ما تجرب تقولها هي الكلام ده!.. بلال بعزم: ايوة فعلا هو ده اللي هعمله، انا ماشي سلاااام... توقف قبل ان يرد مصطفى عليه، وقال.. -اه صحيح في وش جديد جه من شويه ودخل العماره بتاعت ال... سكت بلال وهو يغمز لمصطفي، فقال باستغراب... -وشكلوا ايه ده بقا؟وعايز ايه يعني؟! -شكلوا عيل ابن ناس كده وعينه ملونه! عايز ايه فمش عارف بس شكله كده يقول خطيبها... وقف مصطفى مرة واحده ارهبت من حوله وقال بعنف... -وانت عرفت ازاي؟ اجابه بلال وهو يصطنع الهدوء... -يعني اصله كان زي اللي جاي بموسم او زيارة لخطيبته! كان كلامه يزيد من انفاس مصطفى الغاضبه فبدا كالثور الهائج في هذه اللحظه، فتوجه بغضب نحو البنايه وبلال خلفه يحاول السيطره عليه، صعد على السلالم بسرعه وبلال يحاول تعقيله... -يابني استني ماتستعبطش، هتروح للناس تقولهم ايه، انت اتهبلت؟! دق مصطفى الباب مرتين ووقف يأخذ انفاسه وهو يتوعد فان ثبت ان لتلك الجنيه خطيب سوف يمحيه من على وجه الارض! فتح مراد الذي كان يهم بالرحيل الباب ولكن منظر مصطفى المريب والغاضب وهيئته الضخمه اقلقه و اربكه قليلا، نظف حلقه وقال... -نعم؟ جاءت سلوى وسمر من خلفه لرؤيه الطارق فاسرعت سلوى بتوتر للحديث معه، عندما رأت انظاره القاتله عالقه بمراد وكأنه سيفترسه اي لحظه... -مصطفى! اتفضل واقف ليه برا... ابتعد مراد حتى يدخل وخلفه بلال وهو ينظر الي سلوى بقلق ثم الي مصطفى بشك.. -طيب عايزة حاجه يا طنط ولا اقعد شويه؟ لم يلاحظ احد سوي بلال نظرات سمر المتوتره وقد ازدادت ضربات قلبها عندما رأته... تسارعت انفاسها قليلا وهي تحاول تمالك نفسها، فقد اعتادت على ردت فعلها تلك كلما رأته، رد فعل نتيجه الخوف! نعم ماذا سيكون غير ذلك؟ غريب ذلك الشعور الذي يداهمها ولا تجد اسم له بجوار خوفها ورهبتها منه! حاولت التشجع والوقوف بزاويه الباب والا تظهر بالكامل امامهم! سلوى بذوق وادب... -عايزة سلامتك يا مراد، شكرا على زيارتك الحلوة دي.. تنحنحت قليلا وهي تقول لمصطفي المتأهب للهجوم لا تدري لماذا؟! ولكن يبدو ان هدفه هو مراد المسكين... -تعالي اقعد يا ابني واقف ليه هناك؟ خرج مراد واغلق بلال الباب خلفه وهو يشعر بتوتر، الا انه اغمض عينيه عندما سمع صوت قريبع الغبي الغاضب! -مين ده يا حجه؟ سلوى بقلق: ده ابن اختي مراد وجي يسأل علينا، ليه في حاجه؟ رد بلال هذه المرة... -لا يا حجه احنا كنا بنطمن بس لما لقينا حد غريب يكون بيضايقكم ولا حاجه! جلس مصطفى عندما اشارت لهم سلوى بالجلوس وهو يمتنع عن النظر الي سمر منتظر ان يهدأ قليلا من الحالة المريبة التي تعصف وتتمرد داخله... مال عليه بلال قليلا وهو يبتسم لسلوي الجالسه امامه وقال بخفوت... -هههههه اهدي هتفضحنا، البت هتم*وت من الخوف منك ههههه وانتي كويسه يا طنط؟ رفع عينيه اليها فوجدها تراقبه بخوف، ابعدت عينيها بسرعه وهي تلعب باصابعها و قد احمر وجهها من التوتر، زفر بضيق فهو لم يفعل شئ لترتعب بهذا الشكل، حسنا لا يهم افضل ان تخاف من ان تعود لافعالها السخيفه! ليعترض قلبه بشده، اي افعال سخيفه فتلك الافعال حصريه لك! كانت سلوى تنظر الي مصطفى وتنتظر اما ان يتحدث او يذهب، نكزة بلال حتى يفعل شيئا بدلا من النظر ببلاهه الي الفتاة المسكينه... الا ان ما خرج من فمه فكاد ان يصيب بلال بسكته قلبيه! -انا عايز اتجوز بنتك! شهقت سمر وعندما نظر لها مصطفى وضعت يدها على فمها بعيون واسعه فهي لم تتوقع مثل هذا الطلب! تنحنحت سلوى وهي تشعر بالصدمه الا انها تمالك نفسها وقالت... -والله انت فاجئتني بالموضوع ده يا مصطفى! اعاد نظره الحاد الي سلوى وكأنه يتحداها ان ترفض طلبه دون وعي منه! لتلحق نفسها بالحديث سريعا... -اديني فرصه افكر عشان زي ما انت شايف الظروف و كده ههههههه! تعاطف بلال مع توترها فاردف... -طبعا طبعا حقك انتي و العروسه تفكروا وتاخدوا وقتكم، انا عارف ان الموضوع جه بسرعه و كده بس مصطفى ابن عمي ده طيب جدا وابن حلااااال... نظرت سلوى له وكأنها تخبره انه يكذب بعيونها فاكمل حديثه وهو يقسم... -طيب والله العظيم ده نسمه في البيت! اراد مصطفى ان يخرسه فقال... - طيب يا حاجه خدي وقتك وانا هبقي اعدي عليكي اشوف ردك! بلال بابتسامه ولهفه للخروج... مع السلامه... نزل مصطفى وهو غير مستوعب ما فعل للتو! وقف على الدرج والتفت الي بلال في صدمه! -ايه ده؟! زم بلال شفتيه و جحظ عينيه بغيظ... -ده تخلف اجبلك تاني ولا كفايه اللي عندك؟! نظر له بحده وقال... -انا مش طبيعي، انا بيحصلي حاجه غريبه؟ ضحك بلال وامسك بذراعه ليكملوا سيرهم... -لا مش غريبه، انت وقعت يا حنين ومحدش سمي عليك! الفصل السادس استيقظت سمر هذا الصباح وبداخلها شعور غريب، تقلبت في فراشها بتململ وهي تتذكر حديثها مع والدتها بعد ذهاب مصطفى بعرضه الصادم... فلاش باك... وقفت سمر بثغر مفتوح تماما كعيناها غير مصدقه ان هذا الكائن الذي لا يطيقها ويضايقها كلما خرجت من بيتها يريد الزواج منها! هي! هي التي لا تصل الي مستوي صدره وتبدو كالطفل الجائع بجواره! نظرت الي والدتها التي كبلت ذراعيها ونظرت لها في تساؤل، قالت سلوى وهي تشعر بالتوتر... -سمعتي طبعا؟! ردت سمر بذهول.. -اه سمعت، انا مش مصدقه! ده كل ما يشوف وشي يتخانق معايا! نظرت الى والدتها وهي تستعيد اول مره رأته بها بهيئته الرجوليه البحته والتي ادخلت الرعب لقلبها وعيونه التي اخافتها وجعلتها كالطفل التائه، خفق قلبها على هذه الذكرى واحمر وجهها وهي تتذكر ملمس يده على ذراعيها الصغيرتان مقارنه بكفيه! راقبتها والدتها بذهول واستغراب، فاردفت بخضه... -سمر انتي مكسوفه؟! لا اوعي تكوني...! سكتت ولم تكمل فردت سمر بعنف وتوتر... -ايه اناااا! انااا مش مكسووفه لا طبعا وهتكسف ليه! -امممممممم اومال وشك احمر ليه؟ احم بصي فكري بردو مصطفى مشفناش منه حاجه وحشه بالعكس ده بيحافظ علينا كأن ربنا بعته لينا نجده! نظرت لها سمر باستغراب ومشاعر مضطربه... -افكر؟! يعني هو ممكن بجد يتجوزني! احنا حياتنا مختلفه اوي! -انا مش هغصبك على حاجه طبعا بس ليه لا الاول اسأل عليه واطمن من نحيته ولو في نصيب وانتي موافقه يبقي فين المشكله؟!.. سمر وهي تفكر بمستقبلها ولاول مره تنظر الي نفسها كأنثي مقبله على الزواج... -احم هفكر يا مامتي بس زي ماانتي شايفه الوقت غلط خالص و بابا والهرب اللي احنا فيه... ردت سلوى سريعا: والله يابنتي انا اللي مخليني متقبله الموضوع انه هيقدر يحميكي وانا كل خوفي عليكي انتي! ردت سمر باستسلام وهي تتمني وجود والدها وتشتاق له كثيرا... -ماشي يا ماما لو في نصيب هيكون، انا هدخل اوضتي شويه! انتهي الفلاش باك... وقفت من على الفراش بتأفف مر اسبوع ولم تقرر شيئا بالعكس فقد اختلطت مشاعرها وافكارها اكثر! حتى انها كلما وقفت في النافذه والتقت عيناهم تشعر بخجل شديد وتبتعد سريعا... سمر لنفسها: يوووووووة كان مستنيني فين ده بس، انسي كل ده وقومي خلي ربنا يكرمك الساعه 9 هو اكيد مش هيجي دلوقتي الحقي انزلي دوري على شغل! جهزت سمر وارتدت هذه القطعه الكلاسيكيه المسماه بينسل سكيرت، تلك التنورة البريئه التي تجعلها تتمرد على مظهرها البريء والطفولي لتتحول الي مظهر السكرتيرة التي تحاول اغواء مديرها! هزت رأسها على هراء تفكيرها يبدو ان الروايات قد اتلفت عقلها تماما، فامتلاء اردافها قليلا لايعني انها مثيرة بل يعني انها كالبقرة المترهله، كم تكره تلك التنورة الغبيه! خرجت تلقي الصباح على والدتها وتقبل رأسها وتطلب منها ان تدعي لها بالتوفيق حتى تتمكن من ايجاد عمل... بدأت رحله بحثها عن العمل بعد ان حددت عده شركات لتتقدم بها الا انها بدأت تشعر بخيبه الامل عندما جاءها الرد من معظمهم بانها لا تملك شهاده جامعيه بعد وانه من الصعب القبول بها... اخذت تجول بأسي وتعب عندما رأت مطعم صغير لايبعد كثيرا عن الحارة يضع لافته مطلوب عامله!حسنا لما لا هي تعلم الكثير عن المطاعم والتقديم بل كانت تساعد والدها كثيرا كنادله وهي اصغر من ذلك! ظلت تدعو الله بأن يوفقها و يتم قبولها بالعمل، وبعد مرور ساعه خرجت سمر والابتسامه مرتسمه على وجهها فقد استطاعت الحصول على العمل وستبدأ من الغد! شعرت سمر بانها ستطير فرحا حتى انها وصلت الي الحارة في وقت قياسي! كان مصطفى متجه مع بلال لمقابله احد الرجال المسبب لهم مشاكل في شراءهم قطعه ارض... -والمهندس بتاع عمارة الانفوشي لازم نتابعها عشان مش اماني اوي... ليردف بلال: هيغش في ايه ما احنا تلبعتا الصبه وربط الخشب وكمان مش هيقدر يتعامل مع الفواعليه بتوعنا... وقف مصطفى مرة واحده عندما راءاها في منتصف الحارة تمشي والسعاده مرسومه على وجهها، اثارت فيه الجنون من مظهرها الانثوي والممزوج مع برائتها بشكل مخيف وهي تمشي وتتبختر غير ابهه للعيون التي تتابعها وتأكلها اكلا كعيونه تماما!. اشار لبلال بالانتظار وسار خلفها بغضب لا يدري على من! وما ان دخلت بنايتها حتى اوقفها... -سمر! تسمرت مكانها وهي تستمع الي الصوت الذي ارعش بدنها بذكر اسمها بتلك القسوة.. التفت اليه سمر ببطئ وهي تبلل شفتيها... -ن نعم! لاحظ مصطفى توترها ويدها التي تحاول اخفاء ارتعاشتها وهي تمسك بحاجز الدرج، ازعجه توترها وخوفها ورغما عنه ظهر الغضب والقسوة في عينيه التي تشبه العسل الساخن! لن يلوم سوي نفسه على خوفها هو الغبي الذي يتعامل معها وكأنها من الشوارع، لكن ماذا يفعل هو من لم يعتد على معامله النساء خاصا امرأه يرغب بها بشده! وجد نفسه يقترب منها ليقف عند بدايه الدرج، نظر الي عينيها المحيرة بلونيها الازرق المخلوط بالاخضر وهو يمسك بالحاجز امام يدها تماما ليظهر الفارق الكبير بينهم... علت انفاسها بشده وشعرت بان مجموعه من الفراشات قد اطلق صراحها اسفل بطنها وهي تقف على الدرجة الثانية وهو بالاسفل ومع ذلك يصل الي مستواها بسهوله! حاولت الحديث وتوبيخه او قول اي شئ ولكن ارتجافه شفتيها عندما نظر الي فمها الذي يوشك على الحديث قد اوقفتها تماما! ظل يجول بعينيه على وجهها وملامحها البريئه وشفتيها اللتان تتحدياه لالتهامهما في رغبه جامحه لم يشعر بها في حياته، فقط هي من تستطيع ان تهز كيان رجولته بلا اي محاوله! قال بصوت اجش تغلفه قسوة لهفته... -فكرتي ولا لسه؟ احمرت وجنتيها وهي تنظر الي شفتيه التي تتحرك بطريقه اغوائية لم تعتد عليها، كيف يمكن لرجل كهذا بكل عنفوانه وهمجيته ان يكون له شفتان كتلك! ليس عدلاااا ابدا! ردت بتوتر وصوت متقطع... -احم امممم بفكر! -انتي خايفه! لم يكن سؤالا بل الامر الواقع امام عينيه، ردت هي دون كذب... -اه خايفه شويه... ابتسم على ردها بينما غابت هي قليلا في ابتسامته الي تراها للمرة الاولي و التي تجعل شفتيه اكثر اثارة! سمر لنفسها: ما تتلمي بقا انا سكتالك من الصبح!مش اسلوب ده على فكرة! قاطع افكارها صوته المبتسم... - متخافيش... صمت لينظر لها من اعلي الي اسفل فتذكر تنورتها السخيفه، عقد حاجبيه ونظر لها بحده رغما عنه... -بس البتاعه دي متلبسهاش تاني... رفعت سمر حاجبها و اطلقت شبح ضحكه غير مصدقه هذا ال مصطفى بمزاجه المتقلب، وضعت يدها على جانبها وقالت بعناد... -ليه بقي ان شاء الله! ما هي طويله اهيه! -انتي مش شايفه مخلياكي عامله ازاي، انا كنت هرتكب جنايا وانا شايف اللي رايح واللي جاي عينه مش بتنزل من عليكي... احمرت حرجا وقالت بحده... -مخلياني عامله ازاي يعني؟ جيبه زي كل جيبات الخلق! رد مصطفى بحنق وغيظ من تمردها الذي يفاجئه طوال الوقت وهي التي تخافه من الوهله الاولي، فاين يختفي هذا الخوف كلما حاول السيطرة عليها!. -بصي متستفزنيش، مش مراتي اللي هتمشي وسط الناس كده... قاطعته بصوتها الغاضب الممزوج بخجل... -اولا مش بستفزك، ثانيا انا لسه موافقتش عشان نتخطب مش مراتك مره واحده! رد مصطفى بكل جديه و ثقه... -خطوبه ازاي يعني! احنا بنكتب كتاب على طول! شهقت بصدمه واردفت برعب... -ازاي يعني نكتب كتاب على طول وفترة الخطوبه دي هتروح فين، اللي الناس بتتعرف فيها على بعض! فرح مصطفى لانها تتكلم وكأنها ستوافق فعلا، فاعتراضها على الطريقه وليس الارتباط نفسه... نظرت له وهو يبتسم وكأنه مجنون! -اووووف انا طالعه عن اذنك... اوقفها صوته الجهوري وهو يقول... -استني هنا... تجمدت قدماها وعاد الخوف اليها قليلا، هز رأسه على هذه الجنيه الصغيرة التي تخافه وتتمرد في نفس الوقت في خليط ينجح في نبش حيرته! تنحنح قليلا ثم قال... -متتأخريش في الرد!. ذهب وتركها دون ان يستمع اليها، اخذت ابتسامه صغيرة تحوم على شفتيها قبل ان توبخ نفسها وتصعد الي والدتها تبشرها بايجاد عمل... صعد مصطفى على الدرج ليصل الي السطح حيث يقضي معظم اوقاته بل وينام هناك في الغرفه التي جهزها خصيصا ليتمتع ببعض الخصوصيه منذ وفاة والدته والذي جعله الشخص المخيف الذي هو عليه وخلفه بلال وهو يزفر بضيق... مصطفى بحنق: ماتبطل نفخ بقا من الصبح قارفني ببوزك اللي يقطع الخميرة من البيت ده! -هتنقط منها يا مصطفى، بنت عمك دي هتجيب اجلي... وكأن ندى كانت تقف وراء باب شقتها في الدور السابق للسطح، في انتظار مرورهم، حسنا بدون كأن هي بالفعل كانت تنتظر مرور بلال فمنذ اسبوع وهو يرفض الحديث معها ويتجاهلها ويرفض الصعود الي السطح حيث يتقابلون بعيدا عن اعين عائلتهم! فتحت الباب بسرعه ولهفه ووقفت تنظر الي عينيه المتسعتين من الخضة، وقالت بصوت حاد تحاول السيطرة عليه... -ممكن اعرف بتعمل ليه كده! نظر الي الجهه الاخري بضيق و اردف... -بعمل ايه؟ تجمعت دموع الغضب في عينيها فاغلقت الباب بهدوء حتى لا تستيقظ والدتها وامسكت ييده، نظر بلال الي يدها بحاجب مرفوع ثم الي وجهها الا انها لم تعطه فرصه وجذبته خلفها الي السطح في وسط ذهول مصطفى الواقف يتابعهم من منتصف الدرج وهم يتخطوه ليصعدوا، ضرب مصطفى كف على كف وقال لنفسه... -ايه البت دي! كتكوا القرف في بجاحتكم؟! زفر وصعد خلفهم يلجأ الي قوقعته، فوجد بلال يستند على الحائط وندي تقف امامه و تؤنبه بغضب يكاد يخرج من عينيها... ابتسم مصطفى لبلال في شماته وغمز له وهو يغلق باب حجرة السطح في وجههم... تركها بلال تتحدث وتتحدث وتلومه وتتهم حبه لها حتى فاض به الكيل بعد مده فسألها... -خلصتي ولا لسه في قله ادب تاني! ندى بحنق وضيق وهي ترغب في خنقه... -انت ايه يا اخي مش بتحس، كل اللي قلته ده مأثرش فيك، ايه غبي للدرجه دي... لم يستطع السيطره على نفسه اكثر فامسك بذراعها وهو يقربها منه قليلا ويضغط على لحمها... -ما تلمي لسان اهلك ده بقي انا ساكت من الصبح! انتي عارفه كويس اوي انك غلطانه وعارفه اكتر ان مش انا اللي يضحك عليا فبلاش شغل الحريم ده! بكت ندى وهي تحاول الافلات منه، وقالت بندم وغيظ... -انا غلطانه اني تعبت نفسي وفضلت اهري عشان واحد ميستاهلش اصلا! ضحك بلال بغضب وقال... -انتي صح! انا لو استاهل فعلا كنتي عملتيلي قيمه اكتر من كده! نفضت ذراعيها من بين يده بعنف وقالت مدافعه و شفتيها ترتعش من شده انفعالها... -انا يا بلال مش بعملك قيمه، انااااا! ايوة صح، انا بردو مش بخرج مع حد من صحابي عشان نفسي و باسورد الفيس معاك عشان خاطري اصلي مش بثق فيا وانا بردو اللي بطفش العرسان عشان مفتريه! و بعمل اي حاجه ممكن تضيقك او تجرحك! صرخ بلال بها لتخرس... -ايوة انتي الضحيه صح وانا ابن ستين كلب ومش موافق نتخطب زي الخلق اللي بيرتبطوا ممكن افهم انتي بتأجلي ليه لو بتحبيني اوي كده! فهميني ليه؟ ولا مستنيه فرصه احلي تجيلك يا ست هانم وحطاني على الرف! زاد حديثه من بكاءها وارادت الهرب من امامه الا انه لحق بها وامسكها قبل ان تخرج... -لا يا ندى مش هسيبك تهربي زي كل مره! بصي عشان نبقي واضحين انتي بتاعتي انا وملكي من وانتي في اللفه و بتنامي على دراعي، انا عارف انك ليا فأعرفب ده انتي كمان لان بالطول بالعرض هتجوزك يابت الناس، حتى لو مش عايزة انتي فاهمه ولو في اي حاجه في دماغك احسنلك تنسيها وتعيشي مع الامر الواقع! هزها بعنف وكأنه يدخل كلماته الي عقلها ولكنها افلتت منه لتحتضنه بشده وتبكي بين ذراعيه، زفر بشده وغضب وامسك بشعرها المنسدل ليرفع رأسها ويراها وهي تبكي وعيونها حمراء ومنتفخه، زفر مره اخري ونظر الي السماء وهو يضمها الي صدره اكثر، ظل يهدئها ويربت عليها حتى هدأت شهقات بكاءها.. هنا فتح مصطفى الباب بعد ان حاول الا يتدخل ويعطيهم وقت للتفاهم وحل مشاكلهم فلولا انه يعلم ان بلال يعشقها ومتأكد ان نصيبهم لبعض لما تركهم لحظه واحده ليحولوا مكانه المقدس الي وكر لحبهم! -ممكن نتأدب بقي شويه وتشيل ايد امك من عليها! انتي مش عارف اعمل معاكي ايه! مينفعش تعيطي من بعيد انا مش عارف امك كانت بتربي فيكي ازاي! ضيق بلال عينيه وهو يقول له بغيظ... -اطلع منها انت وبعدين انا اللي مربيها... ابتسم له مصطفى و كأنه يثبت كلامه! -اه ما انا واخد بالي... اعاد نظره الي ندى وهز رأسه ثم استكمل حديثه... -يابت فكك منه ده ميستاهلش حد يعيط عشانه ده هيم*وتني، طيب تصدقي بالله لو انتي مش زي اختي و انفعك كنت اتجوزتك ولا يطول شعره منك! قربها بلال منه قليلا وهو يرغب في قتل مصطفى بهذه اللحظه... -لا انت ولا عشره زيك! ندى ليا طول عمرها! الا ان ندى لم تضحك او تلطف الجو كعادتها بل انفجرت في البكاء اكثر و هي تضع يدها على وجهها وتبكي بمراره.. الفصل السابع رفع مصطفى حاجبه بتعجب واقترب منهم ربت على ظهرها مره ظننا انه ازعجها بمزاحه قبل ان يدفعه بلال الذي يرفض ان يلمس احد حبيبته حتى لو كان بمثابه اخيها... هز رأسه على غباءه وسذاجته وسأل ندى بهدوء... -مالك يا ندى في ايه؟ انا بهزر انتي زعلتي بجد؟ لترد ندى بصوت مبحوح ومتقطع... -اوعي تقول كده قدام ماما! ضيق عينيه بعدم فهم وعاد ليتساءل... -انك مش متربيه! يابنتي بهزر والله... هزت رأسها بالنفي وقالت... -انك ممكن تتجوزني! نظر مصطفى إلى بلال باستغراب، الذي جحظ عينيه بدوره وهو ينظر اليها منتظر ما تخفيه عنه فاردف بغضب وتهديد... -ندى اتكلمي مرة واحده من غير الغاز والا اقسم بالله همد ايدي عليكي! فقالت وهي تبكي وصوتها متقطع! -حاضر! اصل اصل ماما عايزة مصطفى يتجوزني... ظهر الرفض والذهول على وجه مصطفى بينما قبض بلال بشده على ذراعها، وقال بغضب... -لا والله والكلام ده من امتي ومتقالش ليه قبل كده؟! نظرت له بخوف وقالت بتوتر... -من كام شهر كده! والله كنت عايزة اقولك بس كنت خايفه يحصل مشاكل بينك وبين مصطفى او انقح بينك وبين امي... -وكنتي ناويه تسكتي لامتي ان شاء الله لحد ما تتجوزا! بكت ندى بحده وقالت وهي تقسم... -ابدا ورحمه ابويا انا كنت خايفه والله مش اكتر، مصطفى طول عمره اخويا... ازاح مصطفى يده من عليها وهو يحاول تهدأته الا ان لمسته تلك جنت جنون بلال فدفعه في صدره بقوة... -قلتلك ماتمدش ايدك عليها.. بلل مصطفى شفتيه واخذ يتنفس عميقا حتى لا يقوم بشئ يندم عليه مع بلال، فنظر له بحده ثم قال لندي دون النظر اليها... -انزلي انتي دلوقتي يا ندى... نظرت إلى بلال في انتظار الاذن ولكنه كان منشغل بالنظر إلى مصطفى بغضب وصدره يعلو ويهبط... صر مصطفى على اسنانه وقال بنبرة مخيفه إلى حد ما... -انزلي! انتفضت ثم هرولت إلى الباب لتنزل إلى شقتها... ما ان اختفت عن عيونهم حتى اقترب من بلال بتحدي وفرق الطول والحجم واضح بينهم ومال برأسه إلى اليمين قليلا وقال بتحذير... -انا هفوتها المره دي وخليك فاكرها يا صاحبي!وندي اختي ولو الدنيا اتشقلبت مش هقدر اعتبرها غير اختي وانت عارف اني اتقدمت لسمر وبصراحه انا مش بيهمني اي ست اساسا فمش بتاعت اخويا اللي هبصلها! تركه مصطفى وتوجه إلى معزله ليتركه يشعر بالخزي والغضب على نفسه وتسرعه الدائم ها هو يؤذي اقرب الناس اليه اخيه و حب عمره! (احب عمري احم ايه الفصلان ده نرجع لقصتنا تاني) اغمض عينيه وهو يفكر في حل لهذه المصيبه وعمته العقربة التي تحاول تفريقهم فهو متأكد انها الوحيده التي تلاحظ حبهم ولكنه اخذ سكوتها كعلامه للرضا وانها لن تمانع زواجهم! دخل بلال بعد فتره على مصطفى الذي اسرع بإغلق علبته الثمينة بتوتر اخفاه بجمود ملامحه، تلك العلبة التي تحمل ارقي ذكرياته مع والدته المرحومه والتي كانت سببا في ابتعاده عن الجميع طوال ال سنوات السته الماضيه وينعزل اجتماعيا عن الناس ويظهر وقت احتياج ابيه لتنفيذ العرف وقراراته ليصبح كالجلاد... جلس بلال بجواره وهو يشعر بخجل بسيط منه واردف... -متزعلش مني انا مقصدش... نظر له مصطفى بنصف عين وابتسامه مائله ولم يرد عليه، فتابع بلال بتوتر... -يابني احنا اخوات اصلا بس عمتك دي هتخليني اخرب عليهم كلهم، انت اخويا والله وانت عارف كده... قاطعه مصطفى بضحك... -بس بس ايه يابني انت فاكرني ندى ولا ايه خلي الرغي ده للحته الشمال، انا مش زعلان اساسا، انت اهبل ياض... ضحك بلال على غلاسته المعهوده وقال... -تصدق ياض انت رخم ربنا يعين البت عليك، مش عارف هتستحملك ازاي انا... اختفت الابتسامه من على وجهه مصطفى وقال بقلق... -انا اللي مش عارف اعمل ايه معاها دي، انا بحس اني تايه او مجنون لما بشوفها وموضوع لبسها ده جابلي عقده وحاسس اني عايز اراقبها واحميها على طول... ربت بلال على قدمه وكأنه يتفهمه... -عارفه والله عشان كده مقعد واحد من الرجاله يروح ورا ندى كل حته من ساعه اخر مره عشان اعرف خط سيرها وابقي مطمن محدش يضايقها.. مصطفى بتفكير... -انا هبعت حد يفضل وراها مش عارف ليه بس جوايا حاجه قلقاني عليها، بس مش مأمن اي حد... ليرد بلال سريعا وحماسه... -يلا ياعم مش خسارة فيك تعويض عن اللي حصل الوقت اللي انت مش هتبقي فاضي فيه تتابعها انا هبقي مع الرجاله وساعتها مش هتقلق عليها منهم حتى! ابتسم مصطفى وهو يشعر بقليل من الاطمئنان وقال... -تمام! نظر له بلال ونصف شفته العليا ترتفع... -تمام! مفيش شكرا؟! ابتسم مصطفى ابتسامه صفراء لا تليق بوجهه ذو الملامح الحاده وقال... -لا مفيش وخد الباب وراك يلا! اخذت سمر تمارس عملها بشكل يومي من الساعه ال 9 صباحا إلى ال 5 مساءا، وهي تشعر بفخر وسعاده داخليه بانها ستتمكن من اعالة نفسها ووالدتها والا تحمل والدها فوق طاقته وكذلك مراد.. فباختفائها يبدو ان خطه سعد البائس تقترب من الفشل! فحسب اقوال مراد هو يريد ابتزازها لكي تسلم اموالها واكتشفت ان ابيها يودع 10 مليون جنيه في حسابها مقابل وصل الامانه الذي مضاه والدها ب 50 مليون ج... كانت منشغله التفكير وهي تقوم بتقديم الطلبات، هزت رأسها حتى تستطيع التركيز كي لا تخسر عملها بعد اول اسبوع! -يعني ايه مش فاهم بردو؟ وبتعمل ايه هناك؟! جاء صوت مصطفى الحاد... رد بلال بضيق: وانا هعرف منين يعني هشم على ضهر ايدي انا بقف برا بس لحد ما تطلع! اخذ عقله يجول حول اسباب ذهابها المتواصل إلى هذا المكان يوميا!ليردف متساءلا... -هي بتخرج مع حد ولا لوحدها؟ -لوحدها يا مصطفى لو هتقرفني كتير تعالي شوف... زفر مصطفى بغيظ وقال بحده... -من غير ما تقول انا سيبت الشغل وجاي في الطريق... اغلق الهاتف في وجهه وهو يغلي من غباء ابن عمه والذي لم يخبره طوال هذا الاسبوع عن ذهابها المتواصل لذلك المطعم! اخذت اعصابه تشيط غيرة عندما يفكر انها تقابل احدا ما! فموافقتها على الزواج منه مازالت معلقه حتى الان وكل يوم تسوء مشاعره وتضطرب اكثر من السابق حتى انه منذ يومين وجد نفسه يصعد على الدرج المؤدي إلى شقتهم حتى يطالب بردها ويوبخها على تأخرها ولكن بلال اقنعه في اخر وقت للانسحاب وعدم التهور، حتى انه فاتح والده بانه يفكر في الارتباط ووجد منه موافقه وترحاب! بعد مده كانت كالسنين اليه وصل إلى بلال ورجاله، اشار لهم بيده بلا مبالاه واتجه إلى الداخل ليري ما يدور مع تلك الجنيه التي تنوي ازهاق انفاسه قريبا جدا! كانت عينيه تبحثان عنها في كل ارجاء المكان فلم يجدها، جلس على طاوله فارغه غير مبال بكل الانظار المسلطه عليه بريبه وقلق... توقف قلبه للحظه عندما وجدها تخرج من المطبخ ومعها صنيه الطلبات، ما ان التقت عيناهم بعد لحظه حتى انقطعت انفاسها وشحب وجهها وشعرت بان انفاسها تأخذ منها عنوة! غلت الدماء في عروقه فقد نبهها اكثر من مرة الا تفعل شئ قد يغضبه ولكن هيهات! غلب عليها الخوف والتوتر وهي تدور حول نفسها ولا تعرف كيف قدمت ما بيدها من الاساس، جاءت عند طاولته بارتباك وحاولت ان تكون مهنيه تخفي به خوفها فسألته بخفوت... -حضرتك هتطلب ايه؟ ضيق عينيه وكأنه يهددها بأن يقتلها ان فتحت فمها بحرف اخر ولكنه سيطر على نفسه حتى لا يظهرها بمظهر سئ وسط العمال والناس، اجاب بغموض و غضب تراه جيدا... -هطلب بس مش هنا، انهارده يا سمر! كل حرف منه كان يتقاذف عليها كالجمر وقلبها يرتعش بخوف من رده فعله بالرغم من محاوله اقناع نفسها بانه لا يحق له سؤالها في شئ، فالعمل ليس ج*ريمه مثلا! وقف بكامل هيبته ورمقها بتوعد مرة اخيره قبل ان يتركها وهو يكاد يجن من افعالها ويتوجه إلى بلال بغضب فاردف... -خليك معاها، انا همشي عشان مش ضامن نفسي، قبل ما توصل الحارة اتصل بيا! تركهم وهو يحاول ان يقنع نفسه بان لا يعود ليصفعها ويحملها على كتفه إلى حيث تنتمي في بيته! اليوم سيتبدل كل شئ معها ولن يسمع لذلك البلال الغبي الذي يردعه دائما من التصرف كذاته المتوحشه! مر هذا اليوم على سمر و كأنه سنين و في طريق العوده ظل عقلها وقلبها يتشاجران... سمر لنفسها: ممكن تهدي! ده مش خطيبك حتى، يعني مالوش حق يتضايق، مالوش حق حتى يتعصب بالطريقه دي، اووووف بس عينه خوفتني اوي كأنه هيقتلني، ياربي بقا انا تعبت واعصابي باظت، وقلبي ده كمان من كتر الدق هيقف! بتدق ليه هاه قولي بس وفهمني بتدق للزفت ده بس ليه؟!ارحمني انت كمان خوف ده ولا جنان ولا ايه! وقفت سيارة سوداء امامها فجأه بسرعه ارعبتها وشلت حركتها وسببت في حشر صوتها بداخلها لاسيما وهي تري 3 ثيران من الرجال بملامح اجراميه يتجهون نحوها في محاوله لجذبها داخل السيارة الا انه في اقل من 3 ثوان نشبت حرب بينهم وبين 3 رجال اتوا من لا مكان! ومنهم بلال الدائم الوجود مع مصطفى! عاد صوتها في تلك اللحظه لتصرخ بشده و يبدأ الناس في التوافد لمساعده بلال و رجاله ضد هؤلاء من يريدون خطفها!.. وقف مصطفى على مدخل الحارة وهو يشعر بغليان وغضب اعمي منذ ان راءها تعمل كالفراشه وسط الرجال... مصطفى لنفسه: اللي زي دي المفروض تتنيل تجوز وتقعد في بيتها مش تتنططلي في كل حته، مش جايباها البر بس الغلط عليا انا اني مشيت ورا كلام الاهطل ده و سبتها... رن هاتفه ليقطع افكاره، رد بسرعه عندما وجد اسم بلال مضاء على الشاشه... -الوو، وصلتوا؟ رد بلال بتوتر وقلق... -الو، لا، في حاجه لازم تعرفها بس اهدى! استطاع ان يسمع صوت بكاء خافت بجانب صوت بلال فاردف بخوف... -في ايه يابلال؟ سمر دي؟! -اهدي بس واسمعني في 3 رجاله اتعرضولها و كانوا عايزين يخطفوا سمر وهي معايا دلوقتي وجاي على البيت... -لا تعالوا على المكتب! بس الاول هي كويسه حد عملها حاجه! -لا محدش لحق يلمس شعره منها! شعر بغصه في حلقه تمنعه من الحديث فقال بصوت خشن ومخيف... -متتأخرش انا واقف عند المكتب... بعد نص ساعه من الانتظار الذي يحرقه وصل بلال الذي لم يستطع تهدئة سمر او حتى ارغامها على الحديث معه سوي لاخباره بانها لا تعلم هؤلاء ولم تراهم من قبل... سمع مصطفى صوت السيارة قبل ان يراها، كان في حالة يرثى لها وهو يشعر بالغضب يتملكه، غضب نابع من خوفه بفقدانها! هي العنيده التي تترك نفسها مطمع لذئاب بشريه! توجه إلى السياره بسرعه وخفه بالرغم من تشنج عضلاته ليظهر كالدب الغاضب... فتح بلال باب السياره ونزل حتى يسيطر على ابن عمه المتسرع ولكن مصطفى لم يعطه الفرصه وفتح بابها وهو يمد يده يجذبها بعنف خارج السياره... شعرت سمر برعب وخوف حقيقي منذ ان رأته يتوجه نحوها بهذه النظرات والتي كانت سببا في ازدياد بكاءها! التفت بلال للوصول اليه سريعا ولكن قدما مصطفى لم تتوقف وهو يأخذها داخل المكتب، ناداه بلال وهو يركض ليمسك بذراعه وينظر إلى عينيه بتحذير... -مصطفى اهدي الاول! سيبها هي مش نقصه! نفض ذراعه منه ولم يأبه لحديثه... دلف بها إلى الداخل واغلق الباب بعنف جعلها ترتعش في مكانها وهي تشعر بيده تكاد تخترق ذراعها ومتأكده ان اثار تلك اليد ستظهر زرقاء غدا على ذراعها! حاولت نزعها منه والتحلي ببعض الشجاعه فهو لايملك حق عليها بعد! قالت بصوت متقطع من البكاء وخائف.. -ممكن ماتمسكنيش كده! شد على قبضته عليها اكثر وهو يهزها بعنف، ويردف بصوت مرتفع خالي من المشاعر... -هو ده اللي شاغل تفكيرك! وانك كنتي هتضيعي من شويه مش مأثر فيكي! ظلت تقاومه بخفوت وهي تحاول فتح يده من على ذراعها الا انه امسك بيدها الاخري ليضعها خلف ظهرها، فصرخت بغضب وقله حيله.. -سيبني بقا سيبني! انت مالك و مالي؟! لم يصدق وقاحتها وهو الذي جن جنونه منذ ان وصله الخبر! فقال بصوت هادئ شديد وحذر كالذي يسبق العاصفه وهو ينظر إلى الجينز و التي شيرت الذي ترتديه... -كام مرة قولت لبسك ده غلط! شفتي اخره اللي بتعمليه ايه!تعرفي لو الناس دي قدروا يخطفوكي، كان هيبقي مصيرك ايه! كانت تعلم جيدا من هم ولماذا يسعوا وراءها ولكنها لن تفشي سرها لاحد، فنظرت إلى الارض وهي تبكي وتتمني لو يترك يداها لتخفي وجهها عنه وتتعجب من شعورها الزائد بالامان بالرغم من كونه الخطر الاشد عليها و الذي قد يدمرها باصغر اصبع لديه، فهي تبدو كالعصفور الجريح بين يديه وملامحه لا تحمل اي رحمه لها!. رفعت نظرها عندما هزها لتخترقها نظراته كالس*كين وهي تري ارتفاع حاجبه والتي تسألت في نفسها الف مرة عن سبب ذلك القطع في المنتصف والذي يضيف عليه القوة ومزيد من الرهبة! بطريقه لا تفقهها... يبدو ان الحادث اثر على علقها لتفكر في ذلك في هذه اللحظه الحاسمه!.. قطع تفكيرها صوته الجنوني والمرعب بطريقه زعزعت داخلها وقلبها... -كنتي هتبقي ضحيه بسبب اهمالك وغباءك، انتي غبيه؟ انتي ازاي غبيه كده؟! ولا مبسوطه من نظرات الرجاله ليكي، عايزة تظهري جمالك للي يسوي واللي ميسواش ليه؟!، شوفتي اخرت النظرات ولبسك بيعملوا ايه؟ الفصل الثامن ردت بعنف ودفاع... -اخرس بقا اخرس حرام عليك! طالما انا وحشه كده عايز مني ايه! ليرد عليها بنفس العنف والغضب... -صوتك ما يعلاش وانتي بتكلميني و عايز ايه! عايزك تعقلي وتسمعي الكلام وتبطلي غباء!. شهقت بألم عندما شد قبضته اكثر على ذراعها الذي يرفض تركه! -ااااااه ممكن تسيبني بقا انا حاسه ان دراعي اتخدر من كتر الوجع! رفع يده بسرعه كانه تلقي صعقه كهربائية، ابتعدت هي على اثرها خطوتين إلى الوراء، وهي تمسك بمكان الآلم.. استطاع ان يري علامات حمراء غاضبه تثور على بشرتها البيضاء الناعمه... زفر بعنف و مسح على شعره بغضب، ولكنها تجبره بسذاجتها على تعنيفها! -بصي عشان نبقي واضحين مع بعض، اللي حصل ده كان ممكن يبقي نتيجته وخيمه جدا وانا مش هقف اتفرج عليكي بتضيعي نفسك عشان هبل في دماغ واحده مستهتره زيك! استدارت وهي تبكي تريد الذهاب من هذا المكان بعيدا عنه وكلامه الجارج.. ولكن صوته رعد المكان بشده.. -فاكرة نفسك رايحه فين؟ تجاهلته بقلب يدق رعبا وغضبا، امسكت مقبض الباب ولكنها ما ان فتحته حتى تم اغلاقه بشده، امسك يدها وادارها وهو يحاصرها في ظهر الباب، فاردف بضيق وغضب... -انا مش عارف اتعامل معاكي ازاي! ردت سمر بعصبيه والم.. -وتتعامل معايا ليه اساسا؟ سيبني في اللي انا فيه... زفر بشده وقال بهدوء نسبي لا يعكس العاصفه الهوجاء بداخله مابين صفعها و ضمها اليه! -ايه اللي فيكي ممكن افهم، انا حاسس ان في حاجه كبيرة بتحصل وانا مش فاهم حاجه؟ ردت بانكار وهي تضغط بيدها على صدره لابعاده فقربه يذبذب جسدها بطريقه مخزيه تجعلها تشفق على عقلها! اغمض عينه لوهله عند ملامستها له ولكنه اعاد فتحها بعد نفس عميق ليقابل نظراتها الغاضبه المحاطه بانكسار ضعفها امامه، شعرت سمر بزلزال في صدره تحت يدها وقلبه يضرب بعنف اخافها للحظه، رمشت عده مرات وبللت شفتيها ببراءة وحيرة... دن وعي منه وجد نفسه يقترب ويقترب وسط ذهولها حتى اصبحت يداها حبيسه صدرة الصلب القاسي وصدرها، شهقت بخفوت وفتحت فمها لتصيح به على جراءته ولكن عيناه الحاده ذات النظرات الناريه الملهبه خطفت الحروف من على لسانها وقطعت انفاسها... رفع يده ووضعها ببطئ على وجهها الاحمر المتوتر ورفع شعرها المتناثر على جبينها باليد الاخري... غاب عقلها عندما شعرت بملمس يده الخشن والساخن على بشرتها الرقيقه وتاهت في مدي اختلافهم، انزلت رأسها قليلا وهي تتنفس بصعوبه من هذا الهجوم المفاجئ ولكنه تسلل بيده لخلف رأسها ليجذب شعرها المموج بسلاسه إلى الخلف، استمر في النظر إلى عينيها التي لم تفقد بريقها ورونقها بالرغم من اثار بكاءها الظاهر... لا يعلم ما يجذبه اكثر لونها الخرافي والذي يذهب العقل ام ضعفها وحزنها الذي يشعل شعور بداخله يجبره على التهامها والاحتفاظ بها بداخله... اغمضت عينيها و لم تستطع مجاراه نظراته القاتله، كيف يتحول هكذا من الغضب إلى مشاعر اخري اشد خطورة بل كيف تحول هذا الدب البشري إلى رجل يشعرها بكامل انوثتها وبانها الانثي الوحيده على وجهه الارض بتلك العينين الضيقة والتي تلائم وجهه تماما وتعشقها! ليبقي السؤال الاهم كيف الجم لسانها وهو يشعرها بالتخدير اثر لمسته فتقف كالتمثال الاخرق بدلا من ان تصرخ او تصفعه على تجاوزاته! تبخرت افكارها وما استجمعته من شجاعه لدفعه عندما شعرت بلهيب انفاسه على شفتيها ووجنتها الحمراء... اغمض مصطفى عينيه وهو يستنشق انفاسها بشعور جعل رأسه يميل للامام اكثر مترنحا من عبق رائحتها... كاد ان يلامس شفتيها المرتعشه الا ان بلال كان له رأي اخر فعندما رأي الباب يفتح ويغلق توتر وقرر التدخل... فتح الباب مره واحده فاندفعت سمر بقوة إلى احضان مصطفى الذي حاول تفادي اصطدامها مع الباب ووضع يديه على ظهرها وهو يبتعد إلى الخلف بسرعه... رفع بلال حاجبه من وضعهم هذا وشعر بقليل من الاحراج فقال وهو يتنحنح... -انا كنت بطمن بس! واضح ان كله تمام احم طيب انا برا اهوه... ابتعدت سمر سريعا من بين ذراعي مصطفى وهي تشعر بصدمه وخجل غير مسبوق فعادت إلى بكاءها مرة اخري... نظر إلى بلال نظرة قاتله ود لو يخنقه ويتخلص منه هو الاخر! زفر عندما وجدها تبدأ في البكاء مرة اخري فوجه حديثه إلى بلال بغضب... -هات العربيه، احنا هنروح... وضعت سمر يدها على وجها تبكي بحراره غير مصدقه استسلامها، الان سيثبت كلامه بانها مستهتره وفوقها قليله الحياء والاخلاق! غضب مصطفى من نفسه فهي الان ستظن به السوء وبانه اسوء من هؤلاء الرجال فعلا وهو يعمل على استغلالها! لم يدري ما العمل الان فقال بصوت اجش من هول المشاعر التي مر بها... -يلا هروحك.. فتح الباب وانتظرها حتى عدلت من نفسها ومسحت دموعها قدر الامكان وخرجت امامه دون كلمه! ركب بلال معهم والثلاثه في حاله يرثي لها ما بين خجل و غضب و احراج حتى وصلوا إلى منزل سمر، صعد مصطفى معها ودق على الباب، فتحت سلوى بسرعه بلهفه وقالت بدموع وهي تراها... -كده يا سمر تخضيني عليكي؟!كنتي فين كل ده؟! ازاي تتأخري كده! دلفت سمر تحتضنها وتحاول السيطره على نفسها حتى لا تبكي مره اخري... -معلش يا ماما والله حصلت مشاكل... ليرد مصطفى بجمود وغيظ... -مش مشاكل وبس، بنتك كانت هتتخطف يا حاجه... ضربت سلوى على صدرها وضمت سمر اليها وقالت بخوف... -يالهوي! حصلك حاجه، حد عملك حاجه... رمقته سمر بنظرة غاضبه لافجاع والدتها بهذا الشكل... -محصلش حاجه يا ماما متقلقيش بلال وولاد الحلال لحقوني قدام المطعم... -الحمدلله، الحمدلله، انتي مش هتنزل تاني من البيت ده، محدش عارف المره الجايه يخطفوكي فعلا... قطعت سلوى كلامها عندما نكزتها سمر حتى لاتفشي سرهم الا ان الاوان قد فات، نظر بشك إلى كلتيهم ثم إلى بلال... -يعني اللي حصل ده مش عابر ده في حد عايز يخطفها فعلا؟ لم تهتم سلوى بشحوب وجه سمر او قلقها فقد عزمت امرها في رسم ما سيحدث لابنتها منذ الان! اقترب منهم خطوة وهو ينظر بجديه تامه إلى عين سلوى فقال بهدوء ينذر بالشر... -بنتك كانت هتروح انهارده، انتي فاهمه يعني ايه مدي خطورة اللي حصل وانا متأكد ان في حاجه كبيرة وراكم وحتي لو انتو مأجلين ليه الرد في موضوعي، بعد اللي حصل مش هستني دقيقه واحده!.. نظرت إلى سمر التي تترجاها ولكنها اخذت قرارها وانتهي الامر، فقالت بجديه وصدق... -ادخل يا مصطفى انا هقولك كل حاجه! دلف مصطفى و بلال وجلسوا في تأهب لسماع ما لديها وطلبت سلوى من سمر بالجلوس بجوارها، امسكت يدها وضغطت عليها ثم قالت... -انا خدت قرار في موضوعك انت وسمر يا ابني... نظرت لها سمر بصدمه فأخر حديث لها مع والدتها اخبرتها فيه بمداخلتها الطويله من ام عزت ومعرفتها كل صغيره وكبيره عن مصطفى فهو من عائله كبيرة لها وضعها واغنياء بالرغم من بقاءهم في هذا الحي ألا انهم كالسمك في الماء لا يستطيعوا الخروج منه! كما انها تأكدت من اخلاق مصطفى ورجولته مع الجميع وكأنه الحامي للمنطقه فوالده العقل وهو القوة وقد شعرت بموافقه والدتها ومباركتها ولكنهم اتفقوا على تبليغ والدها اولا هذا ان وافقت هي! شعر مصطفى بقليل من التوتر ولكنه لن يقبل بالرفض وعزم على فعل المستحيل للحصول عليا هي من دق لها قلبه لاول مرة في حياته.. تنحنحت سلوى ثم قالت بحزم... -احنا موافقين، بس كتب الكتاب يبقي بسرعه! كان كالنيران ينتظرها تتحدث وما ان سمع موافقتها حتى استرخت عضلاته وكأن الماء قد انصب عليه من كل مكان لتهدئة اشتعاله! رد سريعا بحماسه: من غير ما تقولي! انا ان شاء الله بكره هجيب اهلي وهتنفق على اقرب معاد والاكيد انه مش هيعدي اسبوع الا وهي على ذمتي! لاتعلم سمر سبب اختلاكط مشاعرها فقد كانت تميل للموافقه بالرغم من صلابه هذه الاصوات التي تتعجب من تلك الموافقه ولكن بعد ما حدث في مكتبه اصبح كل شعور في اتجاه داخلها، وقفت مره واحده تحت انظاره الثاقبه وتوجهت إلى غرفتها واغلقت الباب... نظر بلال إلى مصطفى ثم إلى سلوى التي بدأت في الكلام مرة اخري... -الاول في حاجه مهمه لازم تعرفها! حاول مصطفى عدم الانشغال بهذا الدخول المفاجئ لسمر وما يشير اليه من رفض له والانتباه لما هو اهم الان حمايتها! -انا عايز اعرف كل حاجه ارجوكي! سردت له كل ماحدث لوالدها وتعرض له من خداع شريكه ورغبته في العثور على سمر للمساومة الا ان والدها يخشي ان وصلت له ان لا يرحمها وكيف اختبأوا هنا عن طريق ام عزت التي كانت تعمل لديهم فترة من الزمن فاحبتهم واحبوها و مراد وكل ما يتعلق بهم واخيرا اخبرته باهم ما بداخلها! -اكتر سبب خلاني اوفق حتى من قبل ما اقول لجوزي الاول انك اكتر حد ممكن يحميها، انا اغلي حاجه عندي في الحياة هي ومش مستعده تضيع مني، كفاية ابوها واللي بيحصلوا... بدأت في البكاء فتقدم منها بلال يهدئها ويطمئنها... اقلقها سكوت مصطفى قليلا ولكنه سرعا ما هدم مخاوفها... -لما كتب الكتاب يتم، لموا كل حاجه عايزنها من هنا وهتيجوا تعيشوا في بيت العيله ومتقلقيش هيكون ليكم شقه لوحدكم لحد ما نشوف الفرح هيبقي امتي، لاني بعد اللي سمعته ده مستحيل تغيبوا عن عنيه! هزت سلوى رأسها بالموافقه بعد ان اطمئنت على ابنتها... رن جرس الباب فتوجه بلال لفتحه، دلف مراد برعب يبحث عن سلوى... -ايه يا طنط، سمر رجعت؟! انا اتهريت اتصل بيكي ملقتش رد قلقت اكتر سيبت التدوير وجيت اطمن يمكن رجعت! قالت سلوى بامتنان: ايوة يا ابني رجعت، انا اسفه تعبتك معايا و دوختك... لم يلقي السلام على مصطفى و نظراته الحاده وارتمي على المقعد ليريح اعصابه التي اتلفت من اختفاءها وظنه بان الخطه التي يرسمها مع والدها قد كشف امرها! -اومال سمر فين؟هي كويس!انا ليا كلام تاني معاها، دي سيبت ركبي! وقف يعدل قميصه في وسط ذهول مصطفى وهو متجه إلى غرفتها يطرق عليها، اشتعلت النيران في عينيه غير مصدقا جراءة هذا القذر، رمي نظراته الناريه نحو سلوى التي تلجلجت قليلا ووتوجهت نحو مراد، لتنحنح وتردف بقلق وتوتر... -خليك انت يا بني، هي مش هتفتح، اقعد مع مصطفى وبلال وانا هجيبها.. هز رأسه بالموافقه الا ان صوتها اوقفه وهي تخبره... -مصطفى اتقدم لسمر وهيكتبوا الاسبوع ده... نظر لها بخضه بينما نظرت له نظرة ذات معني بعدم المعارضه او الاعتراض والتزام الادب... كان مصطفى يتابع كل هذا بغيظ شديد، هل كان ينوي الاعتراض؟هل يحب سمر ويتمناها لنفسه؟ هل تحبه سمر؟! لا يبالي بكلاهما فان كان ذلك ما في الامر سيقتله ويخبأها عن العالم كله حتى تعتاد حبه هو وحده دون غيره! توجه مراد بهدوء شديد لا يعكس الغضب والذهول بداخله وجلس يتفحص مصطفى وعقله يقيم مقارنه بينه وبين سمر المسكينه! معقول ما يحدث! هذا الرجل يكاد يصل إلى ال 7 اقدام وهذه المسكينه لا تتعدي منتصف ال 5 اقدام، هو متأكد انها لن تصل لصدر هذا الكائن المرعب! هل هي موافقه فعلا عليه ولماذا الان في وسط محنتهم، هناك امر غير منطقي لا يفهمه! مراد بحده: اهلا! هز مصطفى رأسه دون الكلام وهو يغلي من داخله على هذا الحقير... ماهي الا ثواني حتى خرجت سلوى و سمر بلامحها الخشبيه التي تخفي مشاعرها الا انه يستطيع القول بانها غير سعيده، اعاده قلبه إلى لحظتهم معا في المكتب واستسلامها البرئ له دون وعي منها ليهدأ قليلا، من المركد انها غاضبه بسبب ذلك فهي لا تكرهه هذا هو متأكد منه! جلست بجوار مراد وهي تتجاهل مصطفى... مراد بقلق وعتاب على اختفاءها... -ايه يا ماما اللي حصل ده! ينفع كده، صفيتي دمي! ردت سمر بضعف وادب... -معلش يا مراد انت عارف مش بأيدي... حك مراد رأسه وهو ينظر بينها وبين سلوى ثم قال... -لا الحقيقه انا مش عارف لسه، هو حصل حاجه! ليتفضل بلال بشرح ما حدث له، نظر مراد بصدمه إلى سمر وقال بتأنيب وحزن... -وتشتغلي ليه يا سمر وانا روحت فين ولا اللي بينا مش زي ما انا كنت فاكر! ردت سمر بدفاع وهي تخشي على حزنه... -لا والله مش كده انت عارف انت عندي ايه! بس انا بحب اعتمد على نفسي... ليرد مراد بغضب مكتوم و عتاب... -لا معلش ما تعتمديش على نفسك في الظروف دي! انت كنتي هتضيعي انتي وابوكي مش لوحدك! نظرت إلى اسفل بحرج و اسي، رفع مراد يده يضعها على رأسها ليواسيها فهو يعلم انه يقسو عليها ولكن صوت كسر دوي في المكان جذب انتباهم، رفعت سمر عينيها إلى مكان التكسير، فوجدت كوب الماء الذي طلبه بلال متفتت تحت قدم مصطفى الجالس كالوحش المستعد لمهاجمه عدوه، قضبت حاجبها فنظراته لم تكن عليها بل بجوارها، نظرت يمينها إلى مراد فوجدت يده معلقه في الهواء وهو ينظر بشئ من الذعر والاستغراب نحو مصطفى! فهمت و استنتجت ان مراد كان يريد مواساتها وذلك اغضب مصطفى! لكن لماذا؟! هل يغار عليها؟ شعرت بسعاده كبيرة ولكنها ارجعت تلك السعاده إلى اكتشاف نفطه ضعف له وطريقه لازعاجه! حاولت سلوى تلطيف الجو عندما رأت بلال الجالس بجوار مصطفى يحاول الامساك به والسيطره عليه قد الامكان، ذهبت إلى سمر لتجذبها وقالت بقليل من الخوف... -خير خير يا جماعه هاجيب المكنسه وسمر هتجهز العصير... لم يبد على الثلاثه انهم قد استمعوا لها ولكنها انطلقت بابنتها إلى المطبخ على ايه حال! انزل مراد يده ببطئ وهو يتعجب من رده فعله تلك! ايغار عليها، هو لم يعرف سمر سوي من قليل على حسب معلوماته! بالطبع اي رجل سينزعج لقد تقدم للزواج منها على ايه حال، ما هذا الغباء الذي يعتريه يجب ان ينتبه لافعاله اكثر وان يمحي نظرته لسمر بانها طفله من رأسه فهي مقبله على الزواج الان وليس من اي احد بل من ذلك الكائن الضخم الجالس امامه يقتله بعينيه... بدأت سلوى وسمر في تجهيز العصير وكل حين والاخر تترك ما في يدها وتحتضن ابنتها... سلوى بحب وتأنيب ضمير... -انتي عارفه اني بحبك وعايزة مصلحتك عشان خاطري اسمعي الكلام وبعدين انتي مرفضتيش وانا حاسه انك موافقه لانك لو رافضه كنتي رفضتي من الاول! هزت سمر رأسها دون كلام وعادت لتكمله ما بيدها، فكيف تخبر امها بانها تخجل من ما حدث او كاد يحدث في مكتب هذا اللعين! جلست سلوى معهم وهي تشير لمراد انها تريده، وقف مراد ليتبعا واردف... -نعم؟ اردفت سلوى بصوت خافت حتى لا يسمعها مصطفى... -عرفت تبعت الحاجه لعصام، الفلوس كفت؟ هز مراد رأسه... -ايوة الحمدلله عرف يقعد في بانسيون بياخد فلوس مؤخر وقدرت ابعتله بشركه الشحن على عنوانه، بس زعل اوي وزعق انكم بعتوا كل الدهب وقالي كنتوا انتو اولي وهتحتاجوها، وانا والله لو معايا مبلغ كنت بعتهوله بس علاج امي مخليني مش بقدر احوش. هزت سلوى اكتافها واردفت... -المهم صحتها ربنا هيكرمك و وسع و قولوا ميزعلش واننا مكفين نفسها على الاقل احنا وسط اهلنا، لكن هو مع الغرب ظول ميعرفوش الكرم... عادوا مرة اخري وسمر تقدم العصير بملامح واجمه ومصطفي يحاول السيطره على غضبه من تجاهلها و بعد دقائق معدوده استأذن بلال ومصطفي و تبعهم مراد هو الاخر. الفصل التاسع زفر بلال وهو يخلع ملابسه وقال بحنق... -انت مش هتبطل الجنان ده بقا يا ااخي! فضحتنا قدام الناس هيقولوا ايه هيجوزواا بنتهم لواحد مجنون! رمي مصطفي بجسده على الفراش و قال بضيق... -بلال ممكن تخرس، انت ما شفتش كان عايز يلمسها ازاي! -يلمسها ايه يابني ده كان بيهديها... نظر له مصطفي نظره قاتله وقال بحده... -و لو ندي مكانها؟! ضيق بلال عينيه وقال بحده.. -كنت قطعت ايديه... ابتسم له مصطفي بلا مرح فقد اثبت وجهه نظره، لكن بلال استكمل... -بس بردوا مايمنعش انك اوفر مع البت انت شفتها من امتي اسبوعين ولا شهر! -مش فاكر وسيبني بقا في حالي... ابتسم له بلال ليتحول بلحظه من الضيق إلى السعاده (الجنان وراثه في العيله دي ) و اردف بفرحه... -بس تصدق ياض انا مبسوط اوي انك هتتجوز انت من كتر ما بتحلق للبنات كنت شاكك فيك... اخذ مصطفي نفس عميق حتى لا يتهور على ابن عمه المخبول والذي يلعب بعداد عمره وحياته... -مش هسأل كنت شاكك في ايه عشان هتعصبني وهقوم اخنقك! ضحك بلال ورمي بجسده عكسه على الفراش فدفع مصطفي بقدمه إلى الارض ونظر له باشمئزاز... -هو انت مش ليك اوضه وبيت تحت طالع تقرفني ليه؟! وضع بلال يده على صدره يصطنع الجرح وقال بمكر.. -بتطردني يا ديشه! وانا اللي كنت بضحي وهستحملك عشان ننزل نقول لعمي ولا انت ناوي تكتب الكتاب وبعدين تقول! زفر مصطفي بحنق وهو ينظر إلى السقف ثم اردف... -نازل اقوله ومعتقدش هيرفض... تأمله بلال قليلا ثم سأل بجديه... -مش هتقوله على موضوع ابوها صح... رفع حاجبه باستغراب وقال... -واقوله ليه؟ مش مشكلتهم دي مشكلتي انا وانا اللي هتصرف فيها بس اظبط حالي الاول... تنهد بلال وقال بثقه... -تظبط حالك يعني تتجوزها وتضمنها في ايدك صح؟! لم يجيب مصطفي وهو يكشر وجهه بغضب من وضوحه وتعريه دائما امام اخيه... بعد مرور ساعه من الحوارات و المشاحنات بينهم نزلا لتناول الطعام كالعاده مع العائله فمنذ وفاة والدة مصطفي ضمتهم زوجه عمه تحت رعايتها واصرت على ان تأكل العائله كلها من يدها بالرغم من انتفاضات عمته لها دائما... وقد اتفق مع بلال وعزم النيه على اخبار والده والجميع برغبته في الزواج من سمر... جلس دياب يأكل ويتحدث مع عبدالله بينما ظل بلال يشير له بحاجبيه للتحدث الا ان عمته زينب سبقته وهي تربت على ذراعه بحنان مصطنع... -وانت عامل ايه يا حبيبي؟ كنت مشغول في ايه دي ندي طول الوقت بتسأل عليك وقلقانه خالص... توقفت ندي عن الاكل وهي تنظر بخوف وتوتر إلى بلال الذي قبض على معلقته وكادت ان تنحني... نظر مصطفي بلا مشاعر إلى ندي ثم إلى عمته واردف بلا مبالاه... -كنت في الشغل يا عمتي! قالت بخبث له مغزي... -والله يابني انت حلك انك تتجوز بقا، لما يكون عندك بيت و وواحده مستنياك هنشوفك اكتر... كانت ندي على وشك البكاء وبدأت عيناها تترقرق بالدموع فعلا وهي تعلم اين تتجه والدتها بهذا الحديث! نظف مصطفي حلقه ونظر بثقب إلى عمته زينب وقال بشبه ابتسامه... -والله فيكي الخير وبتحسي بيا ياعمتي... رفع دياب حاجبيه واردف بتساؤل... -ايه ناوي تفرحنا وتتجوز خلاص؟ تنحنح مصطفي قليلا وهو يرد عليه بتأني... -والله يا حاج كنت على وشك افتح الموضوع ده بس عمتي سبقتني... ظهرت اسارير الفرح على وجه عمته وهي تشعر باقتراب وقوع مصطفي في فخها، فقالت بسرعه... -وانا عندي عروستك يا مصطفي... نزلت دموع ندي بالفعل وغادة تضغط على فخدها من تحت الطاوله تطمئنها، كاد بلال ان يتحدث وهو يشعر بضياع ندي منه الا ان صوت مصطفي الحاد الخالي من المشاعر سبق الجميع... -لا ياعمتي العروسه عندي فعلا، كتر خيرك! نظرت له بصدمه وغضب واردفت... -لا والله ومين دي بقي؟ تحدث والده ايضا بهدوء وفضول... -عينك على حد معين من اهل الحارة ولا من برا... -احم من برا ومن جوا يا حاج... ضحك عمه عبد الله واردف... -فزورة دي ولا ايه؟! ضحكت منال وقالت وهي تساند مصطفي... -افضلوا بقي هزروا ونسيب الموضوع المهم! الواد هيتجوز واختار ده يوم المني يا اهل الدار، قول بسرعه يا بني شوقتنا! غادة بسعاده اردفت بمرح... -المهم تبقي حلوة ونغشه كده وتصاحبني! ليقاطعم صوت دياب بقله صبر... -نسكت بقا عشان نعرف هي مين! شعر مصطفي بقليل من الخجل وهو محاصر بين عائلته الصغيرة، خجل لم يراه ويفهمه سوي بلال الذي ابتسم بالرغم من الاعصار بداخله.. سعل واردف سريعا... -ناس جداد يا حاج لسه جايين من شهر كده هي بنت ناس و محترمه و ابوها صاحب سلسله مطاعم كبيرة بس عنده ظروف و مسافر برا يعالج اوضاعه... تعجب والده قليلا واردف... -هو ابن بلد يعني! اصل صاحب سلسله مطاعم هيجي هنا ليه؟! تدخلت منال لتنقذ الوضع وتسهله على ابنها الثاني.. -يوووة يا حاج ربنا جابهم هنا عشان ابننا يشوفها وتبقي من نصيبه، هنعترض على امر الله... رد عبدالله ضاحكا على حماس زوجته وقال لاخيه.. -يا خويا نروح ونشوف الناس ومش هنغلب، مصطفي مش صغير وعارف يختار... ليرد دياب سريعا وهو يؤكد على كلامه... -ايوة طبعا انا واعد امه قبل ما يتوفاها الرحمن اني اسيبه يختار اللي هيتجوزها وهو عمره ما اتسرع وانا واثق فيه! طغي شعور بالراحه على مصطفي وهو يشعر باقتراب هدفه، غير عابئ بغضب عمته واشتعال الغل بداخلها غير مصدقه هذا التحول في خطتها! تنفست ندي الصعداء واوشكت على المباركه له لولا نظرات والدتها المحذرة بالا تنطق! اخبر مصطفي والده بانه قد اعطي فكرة لوالده سمر بقدومهم في الغد... نظر له والده بشك واردف... -وانت تعرفها بقي و البت موافقه و كده! عرف مصطفي انه سؤال فخ من والده فتظاهر بالهدوء التام وهو يجيب ونظره على دياب وهو يرتسم الجديه... -لا والله يا والدي، انا شفتها طالعه بيتهم كام مرة والصراحه حسيت انها مؤدبه و محترمه وشكلها حلو وانا كنت بفكر اتجوز، و كده يعني!.. -امممم ماشي ان شاء الله، بكره هنروح كلنا نشوفها و ربنا يقدم اللي في الخير... وبدون مقدمات اطلقت منال زغروطة عاليه في وسط حنق زينب و انزعاجها... ضحك بلال: ايه يا امي بيقولك بكره هنشوف... لوت شفتيها وكأنها تتعجب من سؤاله ولكن الاجابه كانت من غادة... -يابني ده فال حلو، عشان الموضوع يتم على خير... نزل مصطفي مع والده وغاده هذا اليوم ولم يصعد إلى موطنه في السطح فهو يريد لعب دور الابن الصالح والا يفسد الامر على اخر وقت، بينما صعدت عمته الغاضبه و معها ندي التي تشعر براحه لاول مره منذ شهور الا ان هذا الشعور لن يدوم كثيرا! في الصباح الباكر توجه مصطفي إلى بيت سمر، التي كانت في غيبوبه نوم منذ ان تركها بالامس، استقبلته سلوي واخبرها بانهم قادمون بعد صلاة المغرب وعرضت عليه تناول الافطار معهم وبعد الحاح ليس كثير وافق على امل ان يراها قبل ان يبدأ يومه... -احم، امال سمر فين؟ ابتسمت له سلوي واجابت... -نايمه يا حبيبي... ندت سلوي على سمر لتوقظها وهي تتجه إلى المطبخ... استيقظت سمر على صوت والدتها، مطت ذراعيها كالاطفال وهي تتثاءب وشعرها مشعث قليلا ويخرج من الضفيرة التي اعتادت على النوم بها منذ الصغر... ارتدت خفها الصغير مرتديه فستان بيتي قصير يصل بالكاد إلى ركبتيها وعليه رسمه تويتي شخصيتها الكرتونية المفضلة لديها... فتحت باب غرفتها وهي تتذمر من والدتها التي توقظها من اجمل احلامها فقد كانت على وشك صفع ذلك المتشرد! كانت تفرك عينها عندما وقع نظرها على من اقلق احلامها وهو يجلس باريحيه على اريكتهم وكأنه يمتلك المكان! سمر بصدمه وغضب... -انت بتعمل ايه هنا؟ وقف مصطفي وهو يبلل شفتيه وينظر لها من اسفل إلى اعلى يتفحص هيئتها التي ستفقده عقله، من ذا الذي يسلب عقله بسبب فتاة ترتدي تويتي وخفا! نظر لها بغضب ولم يأبه لسؤالها، فاردف غضب مكتوم... -ايه ده! انتي نسيتي تلبسي بنطلون؟! احمرت وجنتيها وقالت بحده... -ده dress ياvulgar! وياريت ما تدخلش بلاش قله ادب! رفع حاجبه المقطوع متعجب من لسانها السليط ولكنه متأكد بأنها تظنه جاهل لا يفهمها فقال بتحذير... -اتلمي واتعلمي تتكلمي مع جوزك ازاي، هششششش! وضع اصبعه على فمه عندما فتحت فمها لتقاطع حديثه واستكمل بهدوء ينذر بالشر!.. -اسمعيني كويس انهارده بليل انا وعيلتي هنيجي ياريت، ننسي اللبس ده ونتأدب شويه ونلبس محترم خلي الليله تعدي على خير! فتحت ثغرها على اخره غير مصدقه ما يخرج من فم ذلك المتعجرف! فهاجمته بصوت عالي نسبيا! -انت ازااااي تتجرأ؟!انا لبسي محترم غصب عنك!وبعدين انا بقي مش عايزة الليله تعدي... اقترب منها خطوة بغضب وهو يلوح باصبعه في وجهها.. -صوتك ما يعلاش! وهتلبسي اللي هقول عليه بعد كده... اتسعت عيناها خوفا وقلقا من تقدمه فرجعت خطوتين بتوتر وهي تمسك بجانبي فستانها القطني لتقول بتوتر... -بس ده ما يمنعش اني ممكن افكر في موضوع اللبس ده! بس مش هغيره عشان خاطرك بردو! قالت باقي جملتها عندما ظهر الهدوء على ملامح مصطفي وسار ليجلس على مقعدع... كادت ضحكه ان تفلت من بين اسنانه، هذه المجنونه ستكون من ينهي حياته فمنذ 30 ثانيه كانت ترتجف منه وما ان اعطاها ظهره حتى عادت لتمردها الذي يعشقه! خرجت سلوي بطبقين عندما رأت سمر وقد استيقظت... -انتي صحيتي! تعالي ساعديني طيب! ابعدت نظرها عن مصطفي وذهبت لمساعده والدتها، كان الافطار ثقيل بالنسبه لها تماما كنظراته والتي تشعرها بان قطارا قد دهس على جسدها الهش! اما مصطفي فقد كان يحارب نفسه في ان يبقي مكانه وان لا يخطفها ويختفي بها بعيدا عن الجميع لتصبح ملكه.. مصطفي لنفسه: هاااانت اهدي انت بس، متخلهاش تحس انك مدلوق عليها! بعد الافطار استأذن وذهب لاتمام بعض الاعمال... وفي المساء توجهت العائلة كلها إلى بيت سمر، وقد غلب عليهم شعور بالسعادة واستبشروا خير ما عدا عمته والتي كانت تفكر في كل الطرق التي ستنسيه تلك الفتاة او تشهر بعدم ملائمتها للزواج منه... سلوي بترحاب وابتسامه: اهلا وسهلا بيكم، اتفضلوا ارتاحوا... نظرت لها زينب وانفها لأعلي ورمت السلام من تحت اسنانها متجها لتجلس بعجرفة بينما اخذتها منال بالأحضان وتبادلوا الكلام الجميل السمح... كان مصطفي كلوح من الجليد لا يتحرك او يرف بعينه محاولا اخفاء قلقه وتوتره من ما سوف تقدم عليه تلك الجنيه الصغيره! الفصل العاشر سلوى بحب: اهلا بيكم والله اتشرفت بمعرفتكم جدا... ردت منال سريعا: الشرف لينا يا قلبي، ربنا يكرمك والله انا قلبي اتفتحلكم من اول ما شوفت وشك الحلو ده! اومال فين العروسه؟! لوت زينب شفتيها غير راضيه عن ما يحدث ولهفه منال!.. نظر دياب إلى عبدالله وهز رأسه على زوجه اخيه العفوية الطاغية بحضورها كالعاده... ابتسمت سلوى وهي تتجه نحو باب غرفه سمر لتدقه برقه... -يلا يا سمر الناس مستنيه، اطلعي متكسفيش... نظرت لهم سلوى وابتسمت تعتذر عن خجل ابنتها... كان وجه سمر بالداخل كالجمرة المشتعلة، فركت بيدها على الفستان البسيط التي اختارته هي ووالدتها، اخذت نفس عميق وفتحت باب الغرفه لتقابل الجميع... توقف قلبه للحظه عندما رءاها تقترب وتبخرت جميع مخاوفه وهو يراها تتهاوي بفستان رقيق و بسيط بلون سماوي منطفئ بخطوط رماديه صغيره طولا وعرضا من نفس النسيج يصل لبعد ركبتيها في رقي و قماشه يداري ثلث ذراعها... تابعها بعينيه وهي تصافح الجميع ويري القبول على وجه والده المرتسم بابتسامه صغيرة وما ان تخطته حتى اتسعت هذه الابتسامه بحاجب مرفوع تجاه مصطفى، وكأنه يهنأه على اختيار هذا الجمال الخلاب! اما زينب فقد احمر وجها بغضب عندما رأت جمالها فصافحتها بلا مبالاه وجفاء على عكس غادة وندي المنبهرتان بجمالها وابتسامتهم من اول وجههم لاخره... كانت منال اول من تحدث فيهم... -بسم الله ما شاء الله زي القمر، ربنا يحميها ليكي يا سلوى ياختي، تعالي يا بيضه اقعدي جنبي هنا... نظر بلال إلى مصطفى وهو يخفي ابتسامته بيده وكأنه يخبره بان الفأر قد وقع في المصيدة، بسرعه تدخلت غادة بسؤالها... -انتي عندك كام سنه يا قمر؟ ولسه بتدرسي؟! نظرت لها سمر بابتسامه وهي تشعر بانها ستحب تلك الفتاتان... -انا عندي 20 سنه وبدرس في كليه تجارة انجلش في سنه تالته... ردت منال ونظرت بفخر إلى دياب وكأنها تتحداه ان يرفض... -بسم الله ماشاء الله جمال وعقل وادب... مصمصت زينب ونظرت للجهة الأخرى الا ان حركتها تلك لم تخفي عن سمر التي توجهت بنظرها لاول مرة منذ دخلت نحو مصطفى الذي اشار لها بعينيه وحاجبه بان تتجاهلها، فنظرت بعيدا نحو منال مره اخري... انغمست بينهم وهي ترضي تساؤلاتهم وحماستهم الشديدة واحبت الجميع بصدق ماعدا عمته زينب كما اخبرتها غاده في عرضها للعائلة بلاسم والسن والدراسة وحتي العمل! احبت تلك المجنونة الرقيقة والمتحمسة ولا تصدق انها اخت لمثل ذلك الكائن المخيف! وبعد تقديم الحلويات والمقبلات وظهور ام عزت التي اخذت تشيد باهل سمر وانهم اهل كرم ثم اتتقلت بدورها تشيد باسم دياب العرابي وعائلتهم وكم كانت والده مصطفى المرحومه حنونه على الجميع، وصل مراد والذي تأخر بسبب والدته التي مرضت قليلا ولم يستطع تركها حتى اطمئن عليها... مراد بأسف و حزن: انا اسف اتأخرت يا مدام سلوى سامحيني... ردت سلوى بادب وصدق... -عارفه يابني ولا يهمك المهم الحجة بقت احسن... -اه الحمدلله... دلف مراد يرحب بالجميع بعد ان اخبرتهم سلوى بانه بمثابه ولدها وقريبهم الوحيد بعد والد سمر، جلس وسط الرجال ولم يلاحظ غادة التي تسمرت عينيها عليه بذهول من ذلك الرجل الوسيم صاحب العيون الرماديه التي لم ترا شبيه له في حياتها سوي في التلفاز! نكزتها ندى حتى لا يراها اهلها فرمشت وهي تحاول استيعاب ما يحدث حولها... احمرت وجنتها عندما تحدثت والدتها فنظر مراد نحوهم والتقت عيناهم لثواني قبل ان تحمر خجلا وتنظر إلى ندى بتوتر وهي تشعر بصدرها يعلو ويهبط من شده الاضطراب... مالت عليها ندى وقالت بتحذير... -ايه يابت ما تنشفي كده! ابتسمت غادة لعمتها المراقبة لهم وهي تميل بدورها على ندى لتخبرها... -ايووووة شوفتي عنيه! الناس دي بتاكل ايه؟! نظرت له ندى تتفحصه ولكنها التقط ببلال الذي قضب حاجبيه بغضب وصك على اسنانه عندما رءاها تتفحص ذلك المدعو مراد وامسك نفسه قبل ان يذهب إلى هناك ويصفعها... شهقت بصمت بجوار غاده وعضت على شفتيها واردفت بسرعه... -الله يحرقك هتوديني في داهيه بلال شافني! هيقول ايه دلوقتي؟! كانت غاده تحاول كبت ضحكاتها وهي تنظر إلى ندى المتوتره وتردف.. -احسن عشان متبصيش على حاجه حد وهو مش هيقول ياختي ده هينفخك!. نظرت لها ندى بغضب واردفت بغيظ... -والله على اساس انه بتاعك ؛ انا غلطانه اصلا اني بتفرج عليه عشانك! وضعت يدها على يد ندى بابتسامه واردفت بضحك وحب... -حبي بقا انتي، انا عارفه يا بت وبضحك معاكي، متزعليش بقا وبعدين لو على بلال انتي متعوده على كده، ضرب الحبيب زي اكل الزبيب! -احمممم احممممم... تسمرت كلتاهم واتسعت اعينهم عند سماع صوت سمر الاتي من فوق رؤوسهم فقد نسوا انها تجلس بالمنتصف بينهم وانهم يتخذون من ساقها مقرا لأحاديثهم المخزية! رفعت سمر حاجبيها وهي مبتسمه في وجوههم الشاحبة فمالت عليهم واردفت بهدوء... -بياكل عادي على فكرة بس بيحب كيك البرتقال اوي سوووسه اكل فيها، كل ما مامتي تعملها ميقدرش يمشي قبل ما ياكلها كلها! ضحكت ندى ولم تسيطر على نفسها، غير ابهه بنظرات والدتها وبلال المحذرة وتبعتها غادة و سمر منفجرتان ضحكا... ضحكت سلوى ومنال على اثر ضحكاتهم، بينما اخذ مراد يتلصص ويحاول تصوير ملامح تلك الصغيرة الرقيقه على يمين سمر والتي تضحك ويدها على فمها الصغير وعيونها بها سعادة حقيقه غير مصطنعه... ظن مصطفى ان مراد ينظر إلى سمر واخذ يعد انفاسه حتى لا يقتله امام والده وعمه! بينما ظن بلال ان تلك الضحكه البلهاء موجهه لندي واخذ يشد على قبضتيه ويتركها عده مرات متخيلا عنق ذلك الحقير بينهم! شعر والد بلال باشتعال اولادهم وتشاحن الجو فقرر التدخل، فتنحنح وهو يقول... -وانت بتشتغل ايه يا استاذ مراد؟ نظر له مراد الحائر قليلا ثم اجاب بموده... -بشتغل مدير سلسله مطاعم بتاعت ابو سمر و بتدرب في مكتب محاماه... -تمام تمام! سأل دياب عن موقف والدها... -طيب وابوها هناخد موافقته ازاي؟ تلجلجت سلوى قليلا... -هو عارف وموافق طالما انا موافقه، هو كان نفسه يرجع بس معلش نصيب! هز رأسه وهو يقلب الاحتمالات في عقله ويستشعر كذبها ولكنه لن يتحدث حتى يختلي بمصطفي ليفهم اكثر... هنا تدخل مصطفى سريعا وهو يعلن انهم سيعقدون قرانهم في اخر يوم من اسبوعهم ذلك... ضحك عبدالله على تعجله وهز دياب رأسه لتسرع ابنه الذي يشهده للمرة الاولي في حياته وتأكد ان تلك الفتاة خطفت قلبه بالفعل... تم الاتفاق على عقد قرانهم هذا الاسبوع والزفاف يتم عند عوده ابيها من السفر! بالرغم من انزعاج مصطفى الذي يريدها ملكه في اقرب وقت ولكنه وعد نفسه بأن يجعل على عاتقه امر تبرئ والدها واعادته إلى احضان زوجته وابنته! قطع تفكيرة صوت والده الناهي... -انا شايف كفايه كده بقا نروح ونسيب الناس ترتاح ولا ايه يا مصطفى؟! هز مصطفى رأسه بالموافقه واردف بصوته الاجش للفتيات... -يلا هنروح... وقفت منال تخبره وكأنها صاحبه الدار... -معلش يا مصطفى انت اللي جاي تخطب واحنا اللي سرقنا العروسه، بس احنا ممكن نروح لو تحب وتفضل معاهم ربع ساعه تتكلم مع عروستك شويه... اراد مصطفى تقبيلها وداخله يصييييح (ايييييييه عظمه على عظمه ياست )! ولكنه يعلم برفض والده مسبقا لذلك اردف بدهاء وسرعه... -لا مفيش داعي بس انا مكن اقعد مع مراد شويه عشان نتفق على شويه حاجات قبل ما يمشي! هز عبد الله رأسه بالموافقه... -خليك انت معاهم يلا يا جماعه! انتصب والده بكامل هيبته وهو يشير برأسه بالموافقه... نزل الجميع ماعدا مصطفى، جلس بجوار سمر على الاريكه التي لا تتحمل اكثر من فرد قبل ان يجلس مراد، مما دفع سمر لضم ساقيها اكثر بتوتر وخجل فقد التهم بجسده الضخم اكثر من نصف الاريكه و كلما حرك ساقه يتلامسان... مصطفى بحيرة وتساؤل... - بس انا عايز افهم بردو، هو عمل كده ازاي وضحك على ابو سمر؟! اردف مراد بحنق: الثقه الزياده للاسف ده صديق عمره... -امممممم يعني انت شايف ايه الحل مفيش مفر او دليل... -والله انا قاعد وسطهم بحاول اجمع اي دليل بس الحكايه كده شكلها كبيرة اووووي فوق ما نتصور! -بتقول كده ليه؟ -اصل البت الحربايه اللي معاه دي سمعتها بتتكلم في التلفون عن حته تايهه وواضح ان الحته دي اثار، فلو فعلا في اثار في الموضوع يبقي في حاجه خطيرة انا مش عارف اوصلها! فرك مصطفى ذقنه وهو يفكر وسأل مراد... -واسمه ايه الراجل ده... -سعد الراوي، بس راجل سم وحويط، سايبني بس عشان كل العماله تحت ايدي بس متأكد انه مراقبني! -ماشي بعد كتب الكتاب هنشوف حل للموضوع ده ومش لازم نتهاون انا عندي فكره كده... قاطعته سمر المستمعة بتأني لحديثهم... -احنا مش بنتهاون بس الحمل كله على مراد زي ما انت شايف انا محبوسه هنا... رد مراد بتهديد: انتي تاني يا بتاعت الحمل! رمقه بغيظ ثم وجه عينيه نحوها وهي تبتسم لمراد بمودة، فردف بشئ من القسوة... -المهم تسمعي الكلام وتقعدي في البيت! عقدت ذراعيها وتناست خجلها وقالت بحده... -انزل ولا لا انا حرة... -لا مش حرة! تدخلت سلوى القادمه بطبق من الفاكهه... -ايه يا ولاد في ايه براحه شويه، وانتي اتعدلي يا سمر! -اوووف انا بردو يا ماما مش هو اللي بيتحكم فيا... -حقه يا ماما ده هيبقا جوزك خلاص! ابتسم لها بانتصار ورفع حاجبه بتحدي ثم وجهه حديثه إلى مراد.. -الدنيا اتأخرت، انا شايف يلا بينا وهديك رقمي عشان نتواصل... -ايوة فعلا، يلا بينا، عن اذنك يا حجه، باي يا سمورة... لاحظت ملامح الضيق على وجه مصطفى، فاردفت بدفئ زائد وابتسامه مشرقه... -بااااااي ما تتأخرش عليا اقصد علينا كتير بقا! ابتسم لها مراد وقال بحسن نيه... -لا متخافيش وهبقي اكلمكم كل يوم... نظر لها مصطفى بحده وهو يري عبوسها يعود وهي تحيه قبل ذهابه، تحيه لا تليق بعريس وعروسه طبيعين ولكن لا يهم فمن اين لهم بالطبيعيه! هو سيعلمها كيف تحبه وتتعامل معه غصبا عن انفها الحاد الرسم و الرائع... اوصلتهم إلى الخارج ولكن مصطفى باغتها عندما سحب الهاتف من يدها ورن على هاتفه منه وقال بلا مبالاه ووسط ذهولها... -هكلمك انهارده! ابتسم لهم مراد ونزل امام مصطفى وهو يفكر في غادة التي خطفت تفكيره اراد سؤال مصطفى عنها ولكنه قلق منه وقرر محادثه سمر اولا... مراد لنفسه: انا هعرف بس هي مين مش هتجوزها يعني! بعد ان انهت مهامها مع والدتها توجهت للنوم، تدثرت في فراشها تستعد لنوم هادئ يعيد لها رونقها عندما رن هاتفها بذلك الرقم الغريب، لديها فكرة عن صاحبه، اخذت نفس عميق وردت عليه ببرود مصطنع... -الووو؟ جاءه صوته القاسي المخملي... -الو انتي كنتي نايمه؟ -لا كنت هنام... -امممممممم، ليه؟ -ليه؟! يعني ايه ليه كنت هنام عادي يعني! زفر مصطفى بضيق وقال... -بس انا قلتلك استني مكالمه مني! ردت سمر بحده: لا والله وانا المفروض كنت استني للصبح عشان استني مكالمه الباشا! رد بصوت قوي كالثلج: وتستني لتاني يوم كمان! انتي واضح مش عارفه نفسك بتتعملي مع مين، فوقي شويه وبلاش هبل العيال ده! انا صبري قليل! سمر بصوت مختنق منه وهي تحارب دموعها من السقوط... -انا غلطانه اصلا اني رديت عليك من الاول، مع السلامه! جاءها صوته كالرعد لتتجمد يدها قبل ان تضغط الزر... -اعمليها كده واقفلي و شوفي بعد 5 ثواني هعمل فيكي ايه! زفرت بحنق وقالت بشئ من الخوف فلديها شعور قوي بانه لا يرمي كلماته في الهواء... -نعم، ممكن افهم متصل بيا ليه! -في واحده تكلم جوزها كده، احترميني شويه! قالت بنفاذ صبر: مش لما تحترم الست اللي هتبقي مراتك! ابتسم لنفسه فبرغم عنادها هي تعلم جيدا مكانتها كأمراته!.…من فضلكم ماتنسوش اللايك والشير والكومنت علشان نكمل وننزل كل جديد🌹🌹🌹

مقالات ذات صلة

زرعت كاميرات

قارئة الفنجان

خطيبى ٢

الكلاب والفتاة

حكاية بعد زواجي بشهر

حجز زوجى٢

اترك تعليقاً إلغاء الرد