المترو ٣
الظابط وقف من طوله، والكرسي اتهبد وراه بقوة: “اطلبوا الإسعاف فوراً! وهاتوا دكتور الوحدة بسرعة!”
الدنيا اتقلبت في الممر، والعساكر والضباط كانوا بيجروا في كل اتجاه. أنا وقفت مكاني مشلولة، مش عارفة أحس بإيه.. هل أفرح إن ربنا جاب لي حقي؟ ولا أخاف من السر اللي الظابط كان لسه هيقوله؟ ولا أت صدم في نهاية الراجل اللي كان في يوم من الأيام كل دنيتي؟
دقايق مرت وكأنها سنين، لحد ما دكتور الوحدة طلع من الحجز وهو بينهج ووشه أصفر، وبص للظابط وهز رأسه بأسف: “مفيش فايدة يا فندم.. المتهم قطع النفس تماماً. المؤشرات الحيوية وقفت، واضح إنه أخد جرعة سم سريعة المفعول ومكثفة جداً.. غالباً كانت معاه في فص خاتم أو كبسولة مخبيها.”
الظابط خبط مكتبه بقبــ,,ـــــضة إيده بغضب: “انتــ,,ـــــحر! هرب من العقاب بالسهولة دي؟!” وبعدين التفت ليا، ونظرته كانت مليانة غموض وشفقة. مسك التقرير اللي كان في إيده، وبدأ يقرأ الكلام اللي هشام كتبه للمهندس قبل ما يتم القبــ,,ـــــض عليه بكام ساعة.
الظابط بصلي وقال بصوت واطي: “ليلى.. هشام مكنش عاوز ي.ك عشان فلوس التأمين بس.. فلوس التأمين دي كانت مجرد غطاء عشان يقفل ديونه. السبب الحقيقي مكتوب هنا.. هشام كان كاتب للمهندس: (ليلى بدأت تشك وتفتش ورايا، لو عرفت موضوع جوازي التاني من أختها (ريهام) والفلوس اللي سرقتها من ورثهم، كل حاجة هتضيع.. لازم الجرعة تخلص عليها الأسبوع ده).”
الكلمات نزلت عليا زي الصاعقة. أختي؟ ريهام؟! أختي الوحيدة اللي كانت عايشة معايا في البيت بعد وفــ,,ـــــاه أهلنا، واللي سافرت فجأة من كام شهر وقالت إنها لقت شغل برا مصر! طلعت مسافرتش؟ طلعت متجوزة جوزي؟ وكمان سرقوا ورثنا اللي سابوه أهلنا؟!
مبقتش حاسة برجليا، الأرض لفت بيا ووقعت على الكرسي وأنا مش قادرة أستوعب كمية الغدر والطعنات اللي جاتلي من أقرب الناس ليا. جوزي بي.ني بالإشعاع، وأختي شريكته في الجريمة وفي سرقة حياتي!
الظابط قرب مني وهداني، وقال بحزم: “متضعفيش يا ليلى، إنتي كتب ليكي عمر جديد. هشام انتــ,,ـــــحر وأخد عقابه في الدنيا، لكن أختك ريهام والمهندس مدحت لسه حسابهم مجاش. إحنا استدر,,ــــصنا أمر ضبط وإحضار للمهندس، وقوة تانية رايحة دلوقتي على شقة مشبوهة في منطقة (…) بناءً على التتبع الجغرافي لتليفون هشام.. الشقة دي ريهام مستخبية فيها.”
