بعد طلاقى
البنك المركزي ومدير الفرع الرئيسي مبيقولوش كدة يا مدير مالي يا عبقري. التحويلات اللي طلعت لدبي باسم الشركة الوهمية اللي أنتي عاملها، والتوكيلات المزورة اللي اترفضت إدارياً علشان غلطة غبية من محاميك، والضرايب والملايين اللي لبستهالي وأنا ماعرفش عنها مليم. .. ده كله كان “مشاكل شغل”؟سكت، الصدمة شلت لسانه. اكتشف في اللحظة دي إن الست اللي قاعدة قدامه مش هي ريم اللي كانت بتبكي على عتبة باب شقتها وهي بتلم هدومها في شنطة سفر، مش هي البنت اللي كانت بتصدق كل كذبة بيقولها بمجرد ما يطبطب على كتفها.
حاول يغير نبرته، نزل صوته للطريقة اللي كان دايماً بيستعملها زمان علشان يهديني أو يستعطفني:— ريم. .. إنتي عارفة أنا بحبك قد إيه، وعشرة اتناشر سنة متتهنش كدة. داليا ورطتني، هي اللي كانت ماسكة الحسابات وخططت لكل حاجة، كانت بتهددني بملفات في الشغل… أنا مستعد أصلح كل حاجة، كل مليم راح منك هيرجع، وحقك عندي، هحولك الفلوس بكرة الصبح بس متعمليش حاجة تضيعنا وتضيعك معايا!
أنتي لو بلغتي عن الحسابات دي هتتسجني معايا لأن اسمك لسه شريك متضامن!هنا دوست فرامل فجأة على جنب طريق هادي ومظلم في أطراف المعادي الجديدة. التفت له بكامل جسمي لأول مرة، بصيت في عينيه من مسافة قريبة، وقلتله بكلمات تقيلة ومحسوبة زي الرصاص:— ده كان كارت التهديد اللي إنت فاكر إنه هيمسكني، صح؟ فاكر إني هخاف من السجن فأسكت وأسيبك تتهنى بالملايين إنت والهانم؟
تحب أقولك سر صغير يا كريم؟بلع ريقه بصعوبة، وعينيه تايهة في ملامحي:— سـ… سر إيه؟طلعت من الشنطة اللي جنبي ملف ورق متغلف، ورميته في حضنه:— افتح. فتح الملف بإيدين بتترعش. كان جواه صور المستندات الرسمية اللي طلعتها، وعلى أول صفحة كان فيه إخطار استدعاء رسمي من نيابة الأموال العامة موجه لمكتب المحامي بتاعه، وفوقيه شهادة مختومة من وحدة مكافحة غسل الأموال.— إيه ده؟! أنتي… أنتي روحتي النيابة؟!— لسه مروحتش برجلي كشاكية يا كريم…
بس الملف ده راح بصورة غير رسمية لحد تقيل أوي، حد مبيحبش اللعب في تحويلات العملة الصعبة، والتقرير جاهز يترفع للنائب العام بكرة الصبح الساعة تسعة. يعني قدامك بالظبط عشر ساعات قبل ما اسمك واسم داليا ينزل في كل مطارات وموانئ مصر على قوايم المنع من السفر وترقب الوصول. بدأ يعرق بغزارة رغم برودة الجو والمطر، صوته اتحول لتوسل مهين:— ريم.
