خديعة الحب١

راحوا على فندق هادي على البحر.  ريتال  أخدت دش، وغيرت هدومها من شنطة صغيرة كانت نادية مجهزاهالها، ونامت ساعتين وأهلها قاعدين في الصالة المجاورة. الساعة 9 الصبح بالظبط، وصل الدكتور سمير فهمي. راجل هادي ووقور وشعره شايب، معاملته دافية ومحترمة. كشف عليها وطمنها إن الجنين زي الفل، وضغطها عالي شوية بس مش خطر. ارتاحي يا بنتي  قالها دكتور سمير، وكلي كويس، وابعدي عن أي توتر. بصت له  ريتال  بابتسامة تعبانة: هحاول أحط النصحية دي في القائمة! ابتسم الدكتور: أمك قالتلي إن دمك خفيف. هي بتبالغ بس. حاجة ماجدة عمرها ما بتبالغ.

بعد الكشف، ماجدة عملت قهوة، و ريتال  قعدت جنب الشباك، وأبوها واقف حاطط إيده في جيبه. قالها بصوت رزين: فيه حاجة لازم تعرفيها يا  ريتال . بصت له  ريتال : عن الحاجة إلهام؟ أبوها اتفاجئ: إنتي عارفة؟! مش كل حاجة  بس عارفة إنها ما كانتش بتثق في حسني أبو قاسم . فتحت  ريتال  الجواب على الطرابيزة: أنتم كنتم عارفين موضوع الوقف ده؟ أبوها وأمها قراوا الورقة مع بعض. قعدت ماجدة بشويش وقالت: الحاجة إلهام اتصلت بينا قبل فرحك بفترة  حست  ريتال  بهدوء غريب نازل عليها: ليه؟ سألتنا لو إنتي فاهمة العقود والترتيبات المالية بتاعة الجوازة وشركات قاسم   فقلنالها إنك ببتعمدي على قاسم  في كل حاجة وهو اللي ماسك الشؤون دي. قالت  ريتال  بمرارة: طبيعي  هو كان ماسك كل حاجة ولغي وجودي. رد أبوه: لأ يا بنتي  ده كان السائد، بس مش معنى كده إنه صح. وقالت لكم إيه؟ قالت إن مجموعة شركات حسني الجروب مش مستقرة ولا نجاحها نضيف زي ما قاسم  بيطلع في التلفزيون والإعلام. بصت له  ريتال : بس أرباحه كانت بمليارات! قال أبوه: فيه فرق بين شركة بتكسب وبين شركة مستقرة ونظيفة  الحاجة إلهام كانت شاكة إن حسني أبو قاسم  بيلعب في الفلوس وبيحول مبالغ بين الشركات عشان يداري على خسائر ضخمة وقضايا غسيل أموال، وما كانتش عارفة إذا كان قاسم  متورط مع أبوه ولا لأ.

افتكرت  ريتال  الموبايل المقفل، السفر السري، وتوتر قاسم  لما تسأله عن شغل الشركة. وليه ما قولتوستش ليا ساعتها؟! ردت أمها: لأن الحاجة إلهام هي اللي ترجتنا ما نتدخلش. قالت لنا لو واجهتوها بمعلومات ناقصة وهي بتحب قاسم ، هتدافع عنه وهتخسرونا  وكانت صح، إنتي فعلاً كنتي بتدافعي عنه ضد أي حد.